lbgdbl@gmail.com
من فضلك إبعتي لي email على ال address ده أو إبعتي لي email address بتاعك على الرسائل الخاصة.
عرض للطباعة
lbgdbl@gmail.com
من فضلك إبعتي لي email على ال address ده أو إبعتي لي email address بتاعك على الرسائل الخاصة.
ربنا يشفيها يارب ويسبب السبب على ايده........
الله يسلم حضرتك وانا الحمدلله رب العالمين انا دلوقتي كويس جدا بحمد ربنا
اسمه : د. جمال حسنى
ديه ارقامه : 35693741 - 39824625
وعنوانه 38 شارع ربيع الجيزي الدور الثاني بجوار محكمه الجيزة
مواعيده يوميا معدا الاتنين والخميس والجمعه من : 7 م الي 11 م
ويارب يقومها بالسلامه و يشفيها والف سلامه عليها
ربنا يخليك يا جو والف سلامه علي اخوك ويارب يكون دلوقتي احسن
بص هو متعب شويه بس لما يشيله ان شاء الله هايبقي كويس انا عارف انه جهاز رخم
ومحتاج عنايه وتنضيف كل يوم اكتر من مره او اتنين
بس هو معمول علشان الحالات الحرجه زي الحوادث وتفتت العظام وربنا ما يكتبها علي حد ابدا
طيب متلجأوا للاعلام
زى برنامج اخر النهار او صبايا الخير
ربنا يشفيها يارب
اولا احب اقولك جزاك الله خيرا على وقفتك جنب صحبتك فى الضروف دى وقليل لما الواحد يلاقى صاحب بجد
ثانيا حسبنا الله ونعم الوكيل فى المستشفى و الدكتور اللى عمل العمليه دى واحده عندها مشكلتين يخلوها ما تعملش اى عملية فى العظام او زرع مفصل اول مشكله السن 60 سنه تانى مشكله انى عندها السكر وكانت عامله عملية قدم سكرى وشايله صباع ومعروف انى مريض السكر التئام الجروح بالنسباله مشكله وبتاخد وقت فأكيد انى صباع رجليها كان لسه ما التأمش وكان فيه ميكروب فلما عملت العملية وركبت جسم غريب عن الجسم ( المفصل الصناعى ) الميكروب انتقل للجسم الغريب ده واتمركز فى الحوض والمفروض ان الدكتور لو عندوا ضمير و بيتقى الله كان عملها تحليل الاول للكشف عن اى ميكروب فى جسمها و بعديها يقرر يعمل العمليه لاكن للاسف كلوا عايز يخلص السبوبة و يأفش و خلاص و مش مهم عندوا المريض ولا الناس اللى هتفضل حزينه عليه ومش عارفه تقدر تعملوا ايه
اللهم انت الشافى المعافى يا رب العالمين اشفها من عندك يا رحمان يا رحيم امين
عزيزي بيحصل ان يكون في ميكروب panresistant وشفتها بعيني ومتبقاش لاقي حاجه تعملهاله غير تدعيله وتعمله support فقط
كلام سليم 100% كنت داخل اقول والله المستعان محدش بيحط جسم غريب في ظل هذه الظروف من العمر والسكر وتلوث الجرح وتاريخ البتر ده
الله المستعان
يعني خطأ طبي باين ميعملهوش طبيب امتياز حتى وسبحان الله على قد ما بيعلمونا قواعد في الطب والجراحه الا اننا بنسمع عن المهازل دي
ربنا يشفيها ويعافيها يارب
بالنسبه للمشكله القائمه كذا مشكله وكل واحده للاسف اكبر من اللي قبلها..
جرح متلوث في ظل سكر مش متظبط (او متظبط حاليا في المستشفى)
مقاومة للمضادات الحيويه من ميكروب قوي
إلتئام جروح سئ بسبب السكر
وجود هشاشه شديده بالعظام
طيب من منطلق هذه المشاكل مجتمعة...
بداية العلاج تكمن في بقاء هذا الجرح نظيف جدا عن طريق الغيارات المتكرره بما لا يقل عن ثلاث مرات يوميا (تمريض جيد) مصاحبة لها مضادات حيويه حسب المزرعه عن طريق الحقن او الفم بالاضافه الى المضادات الموضعية
لابد من تحريك المريضه عن طريق العلاج الطبيعي في هذه الفتره
تظبيط السكر في الحدود المسموحه ومتابعته بشكل يومي في الفتره الحاليه
وحاجتين مؤمن بيهم... الدعاء بصدق في جوف الليل وقرااءة القرآن والرقيه الشرعيه على المريضه شافاها الله وعافاها
طبعا لابد من عمل دعم للمريضه بالفيتامينات والمعادن اللازمه لنعالج المشكله الاكبر في نظري وهي هشاشة العظام والتي كانت السبب في تفتت جزء من العظم
رأيي في مثل هذه الحاله ان بقاءها في المستشفى او خروجها ليس هو محور العلاج وانما العلاج كما تم ذكره
وكما يتضح ان اغلب العلاج قائم على التمريض الجيد
ومع ازدياد تكلفة الاقامه في المستشفى ففأنا لا ارى سببا للبقاء بها والاولى ان تستأجر ممرضه (امينه وصبوره) لتقوم بتطبيبها في المنزل ومراعاة الجوانب العلاجيه التي تم ذكرها
فترة العلاج في ظل الظروف الحاليه لن تقل عن 3 اشهر في تصوري لمثل هذه الجروح في هذه الظروف والله المستعان
يعلم الله اني تأثرت لمجرد القصه واعتذر لكم عن الاخطاء الطبيه الوارده من بعض الزملاء وادعو الله من قلبي بالتوفيق في العلاج باذن الله وان يتم شفاها
لم اذكر اي شئ بخصوص علاج للمفصل...
علاج المفصل مرفوض تماما في الوقت الحالي او حتى مستقبلا لسببين
الظروف السيئه لاجراء العمليه بهذا الشكل في هذه الظروف ستتطلب عنايه فائقه ويمنع التدخل قبل مرور 6 اشهر على الشفاء التام ان شاء الله
السبب الآخر الهشاشه الشديده والتي قد ل يتمكن منها جراح العظم تثبيت المامير بها لان العظم ضعيف ولا يقوى على التحمل
الله المستعان
شافاهاالله وعافاها وجزاكم الله عنها كل خير
تحياتي
ماهو العلاج شغال بس المشكلة انه هيطول والعداد عمال يعد في المستشفي زي ما قلت والحكاية مالهاش معالم خالص
شكرا لحضرتك ان شاء الله نتصل بيه ويا رب يكون في خير
والله صديقة ليا قالت لي كدة .. بس مش عارفة الواحد يقدر يلجأ لها ازاي
في ناس قالت لي كمان على واحد من الناس .. هاحاول اقنعهم بفكرة الاعلام دي
هوا غالبا هوة دة اللي حصل تشخيصك صحيح مية في المية و هوا الاغلب احنا متصورين كدة
على الرغم من ان طبيب في المستشفي المشئوم صيدناوي قال بالحرف ..لازم تخلوا بالكوا من جرح صباعها دة .. عشان لو وصل لجرح العملية يبقى في الجنة ونعيمها .. يعني كان عارف ومع ذلك فتح وقفل من غير حتى ما يعمل حاجة .. ما شافش في الاشعة ان العظم مفتت وانه المفروض يعمل ايه من غير ما يفتح ويقفل عالفاضي ..
دة مكانش بتاع السبوبة دة اللي معندوش ضمير ..
اما التاني بتاع السبوبة بتاع الفرنساوي
كان في طبيب تاني كنا بنتعامل معاه كتير قبل كدة وهوا كان طبيب من مستشفى الهلال يعني ايده في الموضوع دة يوميا .. قال لنا مش ممكن نشتغل في الجرح قبل اسبوعين عشان الجرح يلتئم لانه لو فتحنا قبل كدة هيحصل تلوث .. ومع ذلك الفرنساوي قعدوها اسبوع بس وحصل زي ما قال بالضبط
يعني معنى كلام حضرتك انها هتقعد من غير مفصل باقي عمرها ؟؟ طيب تحريكها عن طريق العلاج الطبيعي ازاي يعني هل ممكن انها تقوم تمشي بالمشاية .؟
التمريض بيقولوا اوهوا تقوموها ..الاطباء بيقولوا تقوم .. بس هيا مش راضية .. مش قادرة على حد قولها وتمشي ازاي من غير مفصل ؟