اللمبات الاسطوره فيليبس رالى

**mostafa_dvd** · 25-04-2012 03:57 AM

السلام عليكم و رحمه الله و بركاته
انا قريت كتير هنا فى المنتدى و فى الموضوع المتثبت فوق دا عن لمبات فيليبس رالى 90/100 w و بصراحه الفكره لعبت فى دماغى اوى مع ان النور كويس جدا و الحمد لله ( لمبات و فوانيس الشركه) بس انا قلت اعلى النور علشان اصد فى وش اللى بيزغلل عينى بالليل و الاضاءه القويه حلوه برده المهم طلبت من اخويا يجيبلى لمبات فليبس رالى من ش دمشق لانه عارف الشارع دا كويس و وريته موضوعها على النت و فعلا راح بس لقى اللى هناك غلافها متغير شويه عن اللى شفناه فى الصوره و انا رافع لحضراتكم صوره العلبه المهم انا قولت اجيب واحده بس مؤقتا اوريها لحضراتكم الاول و فعلا ركبتها و باين انها فعلا نورها اقوى و بيفرش على الارض و العالى بتاعها قوى جدا و عندى دلوقتى لحضراتكم سؤالين الاول هل اللى فى الصوره دى هيا الاصليه اللى العين عليها
و السؤال الثانى انا عربيتى اكنست 2006 فيها كتوات نور اساسا بتاع الشركه جوا علبه الفيوزات هل لازم اركب كتاوت نور تانى للفليبس ولا ايه النظام و متشكر جدا لحضراتكم و اسف للاطاله

**it_elias** · 25-04-2012 04:12 AM

ممكن اعرف حضرتك جبتها بكام ؟ لاني لسه جايب برضو فيليبس رالي بس علبة كرتون مش دي فحبيت استفسر ولو اني عارف انه سؤال رذل وبعيد عن لب موضوعك !!

**mostafa_dvd** · 25-04-2012 03:09 PM

لا ابدا متقولش كدا ياباشا كلنا اخوات و انا تحت امرك اللمبه الواحده عامله 50 جم بس انته ركبيتلها كتاوت ودى ايه نظامها

**it_elias** · 26-04-2012 03:00 AM

المشاركة الأصلية كتبت بواسطة mostafa_dvd

لا ابدا متقولش كدا ياباشا كلنا اخوات و انا تحت امرك اللمبه الواحده عامله 50 جم بس انته ركبيتلها كتاوت ودى ايه نظامها

مصطفي بيه شكراً ليك وعلي ذوفك ربنا يبارك فيك . . وانا علي فكرة مركبتلهاش كتاوت وشغالة يعني مفيش مشاكل بس ليه عايز اركب كتاوت عشان بيقولولي ان لما اركب كتاوت علي ضفيرة خاصة هعوض فقد الكهرباء اللي في السلك الرفيع وهتدي اضائة افضل . .
وهتلاقي تجربتي في اخر مشاركة علي الرابط ده . .

http://www.nilemotors.net/Nile/284632-a.html