التكييـــــــــــــــــــ ـــــف

**mhbcas** · 25-04-2012 12:52 PM

السلام عليكم
رجاله الاوبل المحترمين
يارب الكل بخير

كان عندى مشكله فى الحرارة الفتره اللى فاتت وبعد التظبيط لقيت ان الحراره بتعلى مع التكييف المهم رحت اقيس الضغط فى التكييف وانا من الاول عندى التكيف ضعيف اصلا بس بيطلع هوا ساقع اهو بيهون الحر شوية
المهم رحت لواحد بتاع تكيفات بقدره قادر على ما شغلت العربية والتكيف بناء على طلبه وبطل وشغل لقيت تسريب فى البلف يتشاف بالعين الفريون طالع اؤدام عينى ايه اللى عمله كده مانا ماشى بقالى سنه من وقت ماشحنت وهو اللى عليه حاتشحن حاتشحن فعرفت انه بيلبسنى فى شحن وخلاص (مافيش ضمير)
المهم قلتله يا سيدى اهدى بس شوية كده انا عندى مشكله اصلا فى التكيف يعنى حتى مع الشحن مش حايظبط قالى خلاص تبقى تجبهالى نشوف فيها ايه
المهم خلعت رحت للميكانيكى لاحظت ان فى خبطه كده مع التكيف نبطل التكيف الخبط يروح المهم وصلنا لمرجله الكمبروسر بيرزع
الاقتراحات بقى
كمبروسر اوبل استيراد من 800 جنيه لحد 1000 وياعالم بينفس ولا لا
كمبروسر دايو وبيتفك القلب وطقم اصلاح بس التكلفه بيستهبل (350 كمبروسر- 250 طقم اصلاح-180 شحن فريون-35 بلف -50 مصنعيه + اى حاجه تكتشف واحنا شغالين)
مش عارف اعمل ايه
والتكييف خلاص ماعدش بيطلع هوا ساقع خالص والحر شديد ايه رايكم اعمل ايه ؟

**zrzr1** · 25-04-2012 02:52 PM

من رأيي لو هتشتري خلاص يبقي كمبروسر أوبل عشان الحوارات والتلزيق اللي بتتكلم عنه مع كمبروسر الدايو دا ومن نايحه السعر ,الموضوع محصل بعضه

**mhbcas** · 25-04-2012 03:13 PM

المشاركة الأصلية كتبت بواسطة zrzr1

من رأيي لو هتشتري خلاص يبقي كمبروسر أوبل عشان الحوارات والتلزيق اللي بتتكلم عنه مع كمبروسر الدايو دا ومن نايحه السعر ,الموضوع محصل بعضه

هو الفرق حوالى 500 جنيه
بس المشكله انك ترسى على كمبروسر اوبل سليم لانى سامع ان معظمه منفسه وبيكونو عاملين له طقم اصلاح وبرضة سامع ان تكيف الدايو اجمد
انا بس بتكلم لو كمبروسر الاوبل سعره اقل فى القاهره او فى حد فى القاهره عنده سعر احسن او فى حد فاهم تكيف اوبل فى القاهره يبقى اتعامل معاه وانا رايح بكره القاهره ان شاء الله

**ashrafnoby** · 25-04-2012 04:04 PM

بس انا مركب عندى بتاع الدايو وبقاله سنه والحمدلله شغال كويس الى الان انا ممكن اوديك لواحد اسمه احمد فى ارض اللواء وهو ممتاز جدا وامين وكمان اخوه شاطر وده رقم التليفون 01225566609 والرقم التانى بتاع اخوه فى نفس الورشه اسمه محمد0111959603
وان شاء الله هتدعيلى بجد وقولو انك من نايل موتورز او اشرف بتاع الاوبل الحمراء بتاع الاسماعيليه

**mhbcas** · 25-04-2012 04:17 PM

المشاركة الأصلية كتبت بواسطة ashrafnoby

بس انا مركب عندى بتاع الدايو وبقاله سنه والحمدلله شغال كويس الى الان انا ممكن اوديك لواحد اسمه احمد فى ارض اللواء وهو ممتاز جدا وامين وكمان اخوه شاطر وده رقم التليفون 01225566609 والرقم التانى بتاع اخوه فى نفس الورشه اسمه محمد0111959603
وان شاء الله هتدعيلى بجد وقولو انك من نايل موتورز او اشرف بتاع الاوبل الحمراء بتاع الاسماعيليه

الف شكر ياباشا حاكلمه واشوف
وفى واحد عندنا فى طنطا سالك فى الموضوع ده برضة بتاع الدايو
ربنا يوفق للى فيه الخير

**zendo** · 26-04-2012 01:02 AM

بلغونا بالاخبار والتفاصيل علشا نعرف لوبتاع الدايو كويس

**Amr_650** · 26-04-2012 02:03 AM

الكمبريسور لسة سائل علية فى الحرفين ب 600 جنية

**mhbcas** · 26-04-2012 02:55 AM

والله انا ركبت النهاردة بس مش عاجبنى خالص
قلب كمبروسر دايو طلب 350 اديته 300 اعتقد سعره كده تمام
طقم اصلاح طلب 270 بالعافية اديته 250 اعتقد كده انه مرووووووووووووووقنى
بلفين واحد ب 35 واحد ب 25 يعنى 60 واعتقد برضة انه مستهبل
شحن 180 وحجته انه بيفضى وبيجرب وكده بيهدر معاه
كنترول فالف مستعمل 80 جنيه
كالتش مستعمل 100 جنيه
مصنعيه 50 جنيه
اديته فى الاخر 800 لحد ماجرب التكيف لانه مش عاجبنى وهو كمان جابلى من الاخر قالى لو مش عاجبك ابقى هات معاك كنترول فالف جديد وانت جاى