الفتيس للأسف بيأخر جدا فى وضع ال d
بعد ما يلقط زى الفل و مافيش اى مشاكل وساعات بيبقى عادى جدا
الميكانيكى بيقول لو الزيت نزل ممكن مايشتغلش تانى
فتيس ال 2000سى سى الاوتومايك اول كلام 3000ج مشش عارف ليه
الحمد لله بس بجد مش عارف اتصرف
الله المستعان
عرض للطباعة
الفتيس للأسف بيأخر جدا فى وضع ال d
بعد ما يلقط زى الفل و مافيش اى مشاكل وساعات بيبقى عادى جدا
الميكانيكى بيقول لو الزيت نزل ممكن مايشتغلش تانى
فتيس ال 2000سى سى الاوتومايك اول كلام 3000ج مشش عارف ليه
الحمد لله بس بجد مش عارف اتصرف
الله المستعان
ربنا يصلح لك الحال ان شاء الله
ومتاااااااااابع
سليكتور
و غير الزيت متخفشى
و استنى اراء الزملا برضوا
هو في راءي بعد رأيك ياباشا الكلام صح وانت عامل ايه وحشني والله
طنانى باشا شكرا جدا على الرد
ده واحد من مقار قالى الكلام ده لدرجة انى قلتلو طب نزلو ونشوف قاللى لأ انت الأول تشوف حد تشترى مننو واحد وتربط معاه
علشان منوقفش الدنيا
طيب يا باشا عندك واحد محترم بيفهم للحوار ده، انا كشفت على الموتور والفتيس كمبيوتر مفيش حاجه الحمد لله، بس الراجل اللى عندو الجهاز قال برضو ده مش كلام اكيد ان الفتيس سليم 100 100، علشان الكمبيوتر الخاص بالكشف بيطلع الاعطال لو فيها شق كهربائى، انا والله مش عارف الكلام ده صح وللا غلط
المهم ربنا يعفو عنى وعن الجميع تغيير حاجه تقيله اليومين دل علشان بتوع الاستيراد بجد منتهى الانتهازيه للأسف
الله المستعان
انا قريت موضوع السيليكتور سويتش بتاع أ/اسلام البنا
هايل بمعنى الكلمه، انا مش حخسر لو جربت انضفو زى ما هو مشكورا وضح
بس انا ما عنديش اى عارض خالص من كل الحاجات اللى ذكرت فى الموضوع
خير انشاء الله زى الفل
الله المستعان
معلش يا باشا ممكن توضح العيب بالظبط
هل اللمبة اللى تحت الساعة والتاريخ بتنور ولا لأ
ويعنى إيه تاخير ف وضع الd
وهل الراجل بتاع مقار دة شاكك ف حاجة معينه ؟؟؟؟؟؟؟؟
أول ما بجيب غيار ال d العربيه مش بتتحرك نهائى زى متكون لسه على ال n
مش بتلقط غير لو دوست بنزين جامد بتلقط فى اخر الدوسه، بتبتدى تمشى واحده واحده كده
وتبقى طبيعيه جدا مفيش حاجة الا لو جبت n ورجعت امشى نفس الوضع
العجيب ان ده مش دايما ومش بيحصل مع ال r
انا بجد مش فاهم العيب فين بالظبط
الراجل بتاع مقار هو الميكانيكى بتاعى من ساعت ما اشتريت العربيه لحد دلوقت ماشى تمام، هو شاكك ان الفتيس كده باظ وهى مسألة وقت نتيجة تجارب سابقة
مع العلم مفيش اى حاجه منوره فى التلبلوه، العربيه فى المشى ماشاء الله ممتازة، ولما برجع للخلف العربيه بتلقط زى الفل جامد جدا
طيب حضرتك ما وضحتش بردة اللمبة اللى تحت الساعة والتاريخ منورة ولا لأ
لان على الكلام اللى حضرتك قولته يبقى لازم تكون منورة
وأما حضرتك كشفت ع الفيتيس بالكمبيوتر قالك العطل ف إيه
وياريت حضرتك تمشى مانوال بالفيتيس
تدور العربية وأما تيجى تتحرك لو لقيت العربية تقيلة إنقل على 1 وبعدها إنقل على 2 وهكذا لحد الd
لو العربيه طلعتها واداؤها وعزم الفتيس في الطلعه مش بيفرق من الd وال 1 يبقي كده فعلا سليكتور او الواير بتاع العصايه اللي شابك في السليكتور عاوز يترجلش مش أكتر
وعموما عشان نطمن علي الفتيس طلع مقياس الزيت وشم الزيت اللي عليها وشوف فيه ريحه شياط تيل ولا لا
سليكتور و غير الزيت
لسة الموضوع دا حاصل مع واحد صحبى نفس اللى انت بتقولة بالضبط
غير حاجة كدة مثلثة الشكل بس معرفش اسمها اية وغير زيت
رجع الفتيس احسن من الاول
لكن الفتيس على الشرح اللى انت بتقولة سليم مفهوش حاجة غير المثلث دا
المثلث ده هو السليكتور سويتش وبيتصلح كمان مش بيتغير
انا مش عارف شكله
طمنا يا باشا وصلت لحد فين؟؟
الاخوة الافاضل
شكرا جزيلا عل المعلومات والردود الممتازه
بالنسبه للسيليكتور انا شايف ان مفيش مشكله خالص لو بالفعل اتنضف مش حيضر فى اى حاجه حتى لو كان فى سبب تانى وبرضو الواحد يبقى قلل الاحتمالات
ريحة الزيت والعربيه بارده عادى لكن وهى سخنه لى ريحه قويه متهيألى ده طبيعى
الواحد الحمد لله مستبشر خير لأن العيب مش ثابت خالص ساعات لما بنقل تتحرك على طول
ربنا يكتب الخير
المهم انا بس بنتى عندها امتحانات الاسبوع ده وانا مش فاضى للعربيه خالص اليومين دول،
كمان عاجبنى قوى فكرة ان الواحد يفك حاجته بنفسه بالذات ان الاساتذه اللى فى المنتدى ماشاء الله عليهم مش سايبنا الا و معانا مانيوال كامل مصور لكل شىء، مع امكانية الاتصال والسؤال عن اى شىء، الله يجزى الجميع خير
لما شوفت موضوع السيليكتور للاستاذ اسلام بجد حسيت انو ناقص الراجل ييجى بنفسه يفككو ربنا يكرمو
أهم شىء تدعو كده للعيال فى الامتحانات ربنا يكرمهم و يحافظ على كل اولادنا انشاء الله
الله المستعان