الفتيس مش عارفلو حل

**callsdiab** · 25-04-2012 04:50 PM

الفتيس للأسف بيأخر جدا فى وضع ال d
بعد ما يلقط زى الفل و مافيش اى مشاكل وساعات بيبقى عادى جدا
الميكانيكى بيقول لو الزيت نزل ممكن مايشتغلش تانى
فتيس ال 2000سى سى الاوتومايك اول كلام 3000ج مشش عارف ليه
الحمد لله بس بجد مش عارف اتصرف

الله المستعان

**abonagham** · 25-04-2012 04:54 PM

ربنا يصلح لك الحال ان شاء الله
ومتاااااااااابع

**tananybasha** · 25-04-2012 10:13 PM

سليكتور
و غير الزيت متخفشى
و استنى اراء الزملا برضوا

**callsdiab** · 26-04-2012 09:12 AM

المشاركة الأصلية كتبت بواسطة tananybasha

سليكتور
و غير الزيت متخفشى
و استنى اراء الزملا برضوا

طنانى باشا شكرا جدا على الرد
ده واحد من مقار قالى الكلام ده لدرجة انى قلتلو طب نزلو ونشوف قاللى لأ انت الأول تشوف حد تشترى مننو واحد وتربط معاه
علشان منوقفش الدنيا
طيب يا باشا عندك واحد محترم بيفهم للحوار ده، انا كشفت على الموتور والفتيس كمبيوتر مفيش حاجه الحمد لله، بس الراجل اللى عندو الجهاز قال برضو ده مش كلام اكيد ان الفتيس سليم 100 100، علشان الكمبيوتر الخاص بالكشف بيطلع الاعطال لو فيها شق كهربائى، انا والله مش عارف الكلام ده صح وللا غلط
المهم ربنا يعفو عنى وعن الجميع تغيير حاجه تقيله اليومين دل علشان بتوع الاستيراد بجد منتهى الانتهازيه للأسف

الله المستعان

**callsdiab** · 26-04-2012 10:46 AM

انا قريت موضوع السيليكتور سويتش بتاع أ/اسلام البنا
هايل بمعنى الكلمه، انا مش حخسر لو جربت انضفو زى ما هو مشكورا وضح
بس انا ما عنديش اى عارض خالص من كل الحاجات اللى ذكرت فى الموضوع

خير انشاء الله زى الفل
الله المستعان

**Ahmed_lol2007** · 26-04-2012 11:29 AM

معلش يا باشا ممكن توضح العيب بالظبط
هل اللمبة اللى تحت الساعة والتاريخ بتنور ولا لأ
ويعنى إيه تاخير ف وضع الd
وهل الراجل بتاع مقار دة شاكك ف حاجة معينه ؟؟؟؟؟؟؟؟

**callsdiab** · 26-04-2012 11:39 AM

أول ما بجيب غيار ال d العربيه مش بتتحرك نهائى زى متكون لسه على ال n
مش بتلقط غير لو دوست بنزين جامد بتلقط فى اخر الدوسه، بتبتدى تمشى واحده واحده كده
وتبقى طبيعيه جدا مفيش حاجة الا لو جبت n ورجعت امشى نفس الوضع
العجيب ان ده مش دايما ومش بيحصل مع ال r
انا بجد مش فاهم العيب فين بالظبط
الراجل بتاع مقار هو الميكانيكى بتاعى من ساعت ما اشتريت العربيه لحد دلوقت ماشى تمام، هو شاكك ان الفتيس كده باظ وهى مسألة وقت نتيجة تجارب سابقة
مع العلم مفيش اى حاجه منوره فى التلبلوه، العربيه فى المشى ماشاء الله ممتازة، ولما برجع للخلف العربيه بتلقط زى الفل جامد جدا

**Ahmed_lol2007** · 26-04-2012 12:57 PM

طيب حضرتك ما وضحتش بردة اللمبة اللى تحت الساعة والتاريخ منورة ولا لأ
لان على الكلام اللى حضرتك قولته يبقى لازم تكون منورة
وأما حضرتك كشفت ع الفيتيس بالكمبيوتر قالك العطل ف إيه
وياريت حضرتك تمشى مانوال بالفيتيس
تدور العربية وأما تيجى تتحرك لو لقيت العربية تقيلة إنقل على 1 وبعدها إنقل على 2 وهكذا لحد الd

**callsdiab** · 26-04-2012 03:24 PM

المشاركة الأصلية كتبت بواسطة ahmed_lol2007

طيب حضرتك ما وضحتش بردة اللمبة اللى تحت الساعة والتاريخ منورة ولا لأ
اللمبه اللى تحت مش منوره
لان على الكلام اللى حضرتك قولته يبقى لازم تكون منورة
مش منوره
وأما حضرتك كشفت ع الفيتيس بالكمبيوتر قالك العطل ف إيه
قال ان مفيش اى حاجه وباين ان كللو سليم، بس قال ده مش مقياس
وياريت حضرتك تمشى مانوال بالفيتيس
تدور العربية وأما تيجى تتحرك لو لقيت العربية تقيلة إنقل على 1 وبعدها إنقل على 2 وهكذا لحد الd

الفكره بتكون بس فى اول طلعه، اول ما بتتحرك كللو بيبقى تمام، وفى احيان كتير بتبقى طبيعيه جدا مفيهاش اى حاجه سواء كان علىd من الأول او ال 1 سيان الحالتين لحد بس ماتتحرك

-

الموضوع: الفتيس مش عارفلو حل

LinkBack

أدوات الموضوع

عرض

الفتيس مش عارفلو حل - انشر الموضوع فى :

-

-

-

-

-

-

-

-

المواضيع المتشابهه

ايهم افضل بلنسبه لك الفتيس العادى التقليدى ولا الفتيس الـــ cvt

ماهو الافضل الفتيس السي في تي ام الفتيس الاستيبترونيك

ايهم يحافظ على الموتور اكثر الفتيس العادة ام الفتيس الاوتوماتيك ؟؟

مشكلة ف الفتيس .. الفتيس بيترجرج مش ثابت ف مكانه ، و تقيل ف الغيار الأول

هل ممكن العربية تمشي وزيت الفتيس قليل جدا؟وايه اعراض واسباب نقص زيت الفتيس؟

الكلمات الدلالية لهذا الموضوع

المفضلات

المفضلات

ضوابط المشاركة