السلام عليكم
اخويا ناوى يشترى عربيه محتارين بين اوبل استرا 1600 سى سى 2012 و سيتروين c4 2012
بس سمعت ان اوبل 1600 سى سى تقفيل مصرى
ياريت مقارنه بين العربتين وشكرا
عرض للطباعة
السلام عليكم
اخويا ناوى يشترى عربيه محتارين بين اوبل استرا 1600 سى سى 2012 و سيتروين c4 2012
بس سمعت ان اوبل 1600 سى سى تقفيل مصرى
ياريت مقارنه بين العربتين وشكرا
أنا ميال بصراحة لل c4
أول مرة أسمع موضوع تقفيل مصري ده,
هو عموماً أنا معايا الأسترا و مبسوط منها جداً,
و الـc4 كانت من العربيات اللي عاجباني برضه بس مفكرتش فيها كتير لأن مش أي حد يفهم في الستروين عشان عربية فيها تكنولوجيا أعلى من مستوى مصر لسة, وسمعت أن التوكيل نفسه ميفهمش في العربية.
الأسترا..مميزاتها: صاجها قوي, شياكة و فخامة من جوه و بره, تقفيل ممتاز مع جودة الخامات, سواقتها ممتعة, الـsteering سلس جداً مع أستجابة عالية, عفشة ناعمة, ثبات هايل علي السرعات العالية, الـsuspension هايل.
عيوبها: تسارعها مش أحسن حاجة بدءاً من الصفر لأن العربية وزنها تقيل بسبب الصاج تقريباً, لكن مجرد ما وصلت لسرعة بتبقى حلوة جداً و مش هتحس أنك ماشي على سرعة عالية خالص - معظم الألماني بيتميز أكتر على السرعات العالية-
ينقصها شوية كماليات المفروض تكون موجودة في عربية بالسعر ده, لكن يمكن الأستغناء عنها طبعاً, زي Parking sensors, فتحة سقف و USB موجودين في التربو بس, bluetooth بس الـAUX معوضني عنه.
التوكيل متعمالتش معاه كتير لحد دلوقتي, بس في الكام مرة اللي أحتاجتلهم فيها كانوا كويسين.
الاسترا احسن شوية بس مش الاحسن
الفيكترا هي اللي كانت تقفيل مصري لكن الاسترا الماني
انصحه يجيب فورد فوكس هاتشباك
لا انت بتصدق منصور ؟
الاسترا h
2007 كانت بلجيكى
2008 اسبانى
وفى فتره نزلت بولندى
الاسترا الجديده اسبانى مش المانى و منصور كذاب
واتاكد من حد اشتراها و بص فى الافراج الجمركى بتاعها :)
ركز فى اعلانات منصور مش بيقول تقفيل المانى
بيقولك تكنولوجي المانى :):_Alshmokh15[1]:
الاسترا j مبتتقفلش في اسبانيا اصلا
المانيا وروسيا وانجلترا وبولندا
واعتقد ان اللي هنا الماني
على ما اذكر لما اتفرجت عالاسترا اول مانزلت كانت تقفيل بولندى
تبقى بولندي , لانها لو مش الماني تبقى بولندي :(
ممكن ده يفسر ان سعرها اقل من الجولف شوية
الاسترا h كان في منها اسباني ...طالما الجديده مش بتتقفل هناك تبقي بولندي
بس انا متاكد انها مش الماني ...ومنصور مبيقدرش يكتبها في الاعلانات بس لو سالت مندوب هيكذب غالبا و يقولك الماني
شكرا ياشباب
الموضوع فعلا اللى استاذ ksayeds حطه فيه معلومات مفيدة كتير
بصراحة انا شايف تفوق للسى فور فى الاوبشنز الاكتر ، الموتور الاقوى ، السعر الاقل
الاسترا تتفوق فى الانتشار ، سعر اعادة البيع
الاتنين تقريبا واحد فى التقفيل و جودة الخامات و الشكل الخارجى و الداخلى و بالتوفيق ان شاء الله
What about ford focus hatchback ?
علي فكره انا محتار نفس الحيره دي :) و فعلا بعد مقارنات كتير تقريبا دول احسن عربيتين في الفئه دي و الاسترا انا ميال ليها اكتر بس سحبها مش كويس اوي و كمان التوكيل مخوفني منها
لو الاختيار من الاتنين يبقى الأسترا أفضل
هوه الواحد اهم شئ انه يستريح للعربيه انا شايف ان استرا احسن
بس اخويا مستريح اكتر لل c4
طب يا جماعه بالنسبه للتوكيل الاتنين واحد ولا منصور اسوا ولا ايه الفرق
منصور اسوأ توكيل فى مصر عن تجربه 7 عربيات اوبل و 2 نص نقل
فعلا و الله دا اهم شىء بعيدا عن الاوبشنز و الكماليات و المقارنات كلها
اهم حاجة الواحد يركب العربية و يحس انها بتاعته و مناسبة ليه لأنه لو جاب عربية على الورق و فى الواقع احسن بس هو مش مستريح ليها هيفضل يقول يا ريتنى كنت جبت التانية و فى الاخر الفروق مش كبيرة اوى كله تقريبا واحد اهم حاجة الراحة النفسية
احييك على المشاركة ديه
c4
اريح ليا ...
مجرد راي
الاسترا اللى نزلها عمو شحبور اسباني او بلجيكي واتحدى اللى يقولي الماني
عايز اثبتلو انها مش الماني يبعتلي رقم الشاسي
بالنسبه للاختيار اكيد طبعا الاوبل تتفوق ع مليون ستروين وبزات الاسترا الجديده هوا في يا جماعه انتو بتبهدلو العربيه كدا ليه خليها في فخامتها بلاش تنزل هيبتها
مع كامل الاسي ...دلوقت ممكن اقول ان منصورده نصاب رسمي....الاوبل استرا يا جماعه بولندي ....انا في مشاكل بيني و بينهم و باعت ايميل لاوبل المانيا و رد عليه مدير مبيعاتهم هنا كملت علي رده و بعت تاني لاوبل المانيا و جهاز حمايه المستهلك اللي نايم في العسل....
انا اسف يا جماعه لو كنت نصحت اي حد بشراء العربيه لانها الماني....العربيه جميله مفيش كلام ....لكن وكيل نصاب ....حسبي الله و نعم الوكيل فيه.....انا ناوي اعمل موضوع منفصل عن النصب بتاعه
انا مش عارف نوع المشاكل اللى مواجهة حضرتك بس ربنا يعينك
موضوع التقفيل مش فارق كتير يا باشا يعنى ممكن تنساه اصلا ، المهم ان العربية طالعة تحت اشراف شركة كبيرة زى اوبل و برضه متقفلة فى اوروبا ، مش هتفرق كتير المانيا او بولندا
و الف مبروك العربية و ان شاء الله كل مشاكلك تتحل
انا معنديش مشكله اني اشتري عربيه من بولندا.....بس انا عندي مشاكل اني اشتري عربيه من ناس بتكدب علشان تبيع
منا قولت بولندي محدش صدق...بس منصور مقالش صراحه انها صناعه الماني في الاعلانات..المندوبين بس هما الي بيكذبو
نقطه واخر السطر دى ماركه المانيه والماني حاجه تانيه خالص
طب الاوبشن اللى بنزل ع عربيات الكوريه اعلى من عربيات الماني ومش معنى كدا انها تتفوق ع الماني
احنا مش بنكلم عن الاوبش احنا بنكلم عن خامة العربيه وثبات العربيه مش اوبشن او انه الحاجات اللى موجود ف سي فور مش موجوده ف الاسترا
يا باشا مفيش حاجة اسمها حاجة تانية خالص
يعنى اللى بيصنعها ناس فوق البشر و التانية بيصنعها بشر عاديين ..
مش كل حاجة الاوبشنز بس الاوبشنز عامل برضه
و على فكرة انا مكنتش بتكلم على اوبشنز .. روح حضرتك شوف خامات السى فور و ثباتها على السرعات كده و لو قلت عن الاسترا يبقى لينا كلام ..
لما نقارن بين عربيتين بيبقى فيه عوامل نقارن فيها منها الثبات و الخامات و الموتور و الاوبشنز و الاعتمادية و السعر
و انا مش شايف ان الاسترا تكسب باكتساح يعنى دا لو كسبت اصلا
+111111111111111
ال c 4 تكسب فى كل حاجة مع إحترامى لأوبل
شركة سيتروين لوحدها من غير بيجو أكبر من أوبل ب 4 أو 5 أضعاف وأقدم من اوبل ب 50 سنة .
موتور أقوى وأسرع 120 حصان وتكنولوجيا الموتور (حقن مباشر) أحدث بمراحل من الأوبل
قطع غيارها متوفرة وارخص من الأوبل (قطع غيارها هى هى بيجو 308)
ثبات ومعروف يعنى ايه عفشة فرنساوى
الصراحه مع احترامي لرايك مش مقتنع ف اي عربيه غير الماني خاالص من بعد التجربه والله
السلام عليكم وشكرا
انا بكلم عن تجربه مش كلام بس
كل الاحترام لكلام حضرتك
بس واضح انه من كلام حضرتك انه توكيل ستروين وبيجو افضل واحسن من توكيل اوبل منصور وده بيلعب دور ايجابي ومهم لصالح ستروين اللى يخليها الاحسن ف السوق بس لو اللى ماسك الشركه دى واحد غير منصور ح تعرف ايه هيا اوبل زي هنا ف الاردن وباقي الدول
ستروين مين اللي اكبر من اوبل ؟ اكبر من جنرال موتورز ؟
روحوا شوفوا انتشار الكورسا والاسترا في اوروبا وبريطانيا وشوف هتلاقي كام c4 هناك
وبعدين قطع غيارها زي 308 , هو ال 308 قطع غيارها مغرقة الدنيا يعني مثلا ؟
اعتقد صاحب الموضوع ممكن يحط الفوكاس هاتشباك في المقارنة , تكسب في الموتور والراحة وحاجات كتير , وتوكيل كويس
الاسترا : شكل خارجي احسن. - فرش جلد و صالون داخلي و تابلوه شايفو احسن او الاتنين زي بعض - صاج اقوي - فيها عتب. للابواب - عفشه مصفحه - اعتقد تكييف احسن - ثبات احسن
C4 : سحب اعلي - موتور احسن بس مش فرق كبير الصافي 117 حصان تقريبا - التسارع من 0-100 فرق ثانيه لصالح ال c4 مش عارف. تفرق ولا لا - توكيل افضل و بدائل متوفره - اوبشنز اكتر - فوانيس. زينون - حساسات ركن - حوالي 15.000 جنيه فرق
ياريت حد يقولنا انهي فتيس ادائه احسن ال c4 4 نقلات بس ده هيبقي ادائه سئ ولا ايه