فيري الجميلة

**Chicco** · 15-06-2008 01:40 AM

باشا .....ما ينفعش نقارن بين فيروز و شاكيرا ......ديه فئة و ديه فئة تانية خالص .....

**hazem_khidr** · 15-06-2008 05:10 AM

المشاركة الأصلية كتبت بواسطة SEATLOVER

يعنى يا جماعة الناس كلها كانت مقلوبة على اليوم اللى جات فية الست شاك يرا
مستكترين على قيثارة الشرق (فيروز ) انها تنورنا هنا

المشاركة الأصلية كتبت بواسطة Chicco

باشا .....ما ينفعش نقارن بين فيروز و شاكيرا ......ديه فئة و ديه فئة تانية خالص

.....

يبقي كده الموضوع دا نفتحه في قسم المقارنات مش الاجتماعي
ههههههههههههههههههههههههه ههههه

**SEATLOVER** · 15-06-2008 09:57 AM

المشاركة الأصلية كتبت بواسطة Chicco

باشا .....ما ينفعش نقارن بين فيروز و شاكيرا ......ديه فئة و ديه فئة تانية خالص

.....

ماهو عشان كدة مفروض لو احنا فاهمين
يكون الاحتفال بقيثارة الشرق اكبر مليوووون مرة

**Nile_Storm** · 15-06-2008 11:52 AM

المشاركة الأصلية كتبت بواسطة Chicco

باشا .....ما ينفعش نقارن بين فيروز و شاكيرا ......ديه فئة و ديه فئة تانية خالص

.....

هههههههههههههههه تخيل انا اصلا اما قريت العنوان افتكرتها عربيه صيني جديده :)

**aif** · 15-06-2008 03:33 PM

اللي اعرفه عن أخبار فيروز انها بتستعد للإصدار البومها الجديد بعنوان " الله كبير "
لكن روعة فيروز في اغانيها القديمة ... زياد مهما عمل عمره ما قدر يوصل ل 50% من مستوي الرحبانية الكبار " منصور وعاصي " ... دول عباقرة موسيقى .. سابقين زمانهم بكتيييييييييير
ده رابط لموقع فيه معلومات واخبار وكلمات اغاني فيروز .. يا رب يعجبكم
http://www.fairouz.com/fairouz/lists/songlista.html

**MoToRiZeR** · 15-06-2008 06:14 PM

المشاركة الأصلية كتبت بواسطة aif

زياد مهما عمل عمره ما قدر يوصل ل 50% من مستوي الرحبانية الكبار " منصور وعاصي " ... دول عباقرة موسيقى ..

اسمحلي اختلف معاك و بشدة

زياد الرحباني حالة خاصة جدا جدا جدا جدا جدا في الموسيقي العربية بشكل عام .. و انا fan كبير له و بحبه أكتر ما بحب فيروز .. و الأغاني المفضلة لفيروز عندي زياد هو اللي عاملها ..

زياد اصله اتولد لقي نفسه في عيلة كلها عباقرة في الموسيقي .. و طلع هو عبقري جدا خصوصا في ال arrangments ال classical و ده تشوفه من استخدامات البيانو و الساكسوفون في توزيعاته ..

تحس انه خليط ما بين التوزيعات الكلاسيكية و السيمفونيات .. و موسيقي الجاز
اسمع البوم فيروز اسمه classics with ziad

هتتجنن من التوزيعات .. و اسمع التوزيع اللي هو عامله في الالبوم ده لأغنية حبيتك بالصيف .. piano, percussion, saxophone and bass !

تحفة .. جرب انزل الساعة 2 بالليل و اطلع عالمحور او الصحراوي و شغل الألبوم ده

و اسمع لزياد اغنية اسمها "المعمل" .. هي instrumental بس تحفة

زياد rules

**aif** · 15-06-2008 08:31 PM

المشاركة الأصلية كتبت بواسطة MoToRiZeR

اسمحلي اختلف معاك و بشدة

زياد الرحباني حالة خاصة جدا جدا جدا جدا جدا في الموسيقي العربية بشكل عام .. و انا fan كبير له و بحبه أكتر ما بحب فيروز .. و الأغاني المفضلة لفيروز عندي زياد هو اللي عاملها ..

زياد اصله اتولد لقي نفسه في عيلة كلها عباقرة في الموسيقي .. و طلع هو عبقري جدا خصوصا في ال arrangments ال classical و ده تشوفه من استخدامات البيانو و الساكسوفون في توزيعاته ..

تحس انه خليط ما بين التوزيعات الكلاسيكية و السيمفونيات .. و موسيقي الجاز
اسمع البوم فيروز اسمه classics with ziad

هتتجنن من التوزيعات .. و اسمع التوزيع اللي هو عامله في الالبوم ده لأغنية حبيتك بالصيف .. piano, percussion, saxophone and bass !

تحفة .. جرب انزل الساعة 2 بالليل و اطلع عالمحور او الصحراوي و شغل الألبوم ده

و اسمع لزياد اغنية اسمها "المعمل" .. هي instrumental بس تحفة

زياد rules

لكن لما تسمع اغاني فيروز القديمة ونفس الاغاني بعد اعادة توزيعها بواسطة زيزو .... زي انا لحبيبي و يارا مثلا .... تلاقي فرق كبييييير ... القديم احلي بمراحل
زياد استاذ جازفعلا وانا باعتبره افضل من عزف بيانو في العرب ....وبيعرف يستعمل البيانو والساكس بعبقرية .... وانا باحب معظم اغانيه جدااااا ... من اول هدير البوسته مرورا بكيفك انت ووحدن ....والبوماته الحديثة ..... لكن الرحبانية الكبار ... اساتذة اغاني فيروز ولهم طعم مميز حتي في الاغاني اللي عملوها لغير فيروز زي دوارين في الشوارع لنجاة ... واللي وزعوها فقط زي ضي القناديل لحليم
وبعدين 50% من الرحبانية دي درجة كبيرة جداا ما يوصلهاش غير واحد مميز زي زياد
وفي الآخر طبعا دي مسألة أذواق ..
لكن اللي مستغربله كم الاغاني اللي عملتها فيروز .... انا من عشاق فيروز منذ ما يقرب من 30 سنة ....ولسة لغاية اليوم باسمع اغاني قديمة أول مرة اسمعها في حياتي ....