أخيرا فيري الجميلة الست فيروز
هتغني في مصر في شهر 7
هذا ما ترامى لأذني
لما أعرف معلومات أكتر أكيد هقولكم
وياريت اللي يعرف حاجة عن الموضوع ده يقولي
عرض للطباعة
أخيرا فيري الجميلة الست فيروز
هتغني في مصر في شهر 7
هذا ما ترامى لأذني
لما أعرف معلومات أكتر أكيد هقولكم
وياريت اللي يعرف حاجة عن الموضوع ده يقولي
الكلام ده أنا سمعته من حوالي سنه و نصف و بعديين فيروز نفسها كذبته
الاغرب من كدة عرفتوا هاتاخد كام علي الساعة غناء؟
أنا سمعت رقم 450 ألف دولار بس مش عارف الكلام ده صح ولا إيه
وكمان مش عارف الحفلة هتكون فين
مين بقى فيروز
بتاعة معانا ريال و لا مين
يعنى يا جماعة الناس كلها كانت مقلوبة على اليوم اللى جات فية الست شاك يرا
مستكترين على قيثارة الشرق (فيروز ) انها تنورنا هنا
باشا .....ما ينفعش نقارن بين فيروز و شاكيرا ......ديه فئة و ديه فئة تانية خالص:smilielol5: .....
ما هو اللي يخلي الشاهين أحسن من الكورولا و الفيات أحسن من البي أم ..يخلى المفاصل اللولبية أحسن من الحنجرة الماسية :1aa:.....لولا اختلاف الأذواق لبارت السلع
اللي اعرفه عن أخبار فيروز انها بتستعد للإصدار البومها الجديد بعنوان " الله كبير "
لكن روعة فيروز في اغانيها القديمة ... زياد مهما عمل عمره ما قدر يوصل ل 50% من مستوي الرحبانية الكبار " منصور وعاصي " ... دول عباقرة موسيقى .. سابقين زمانهم بكتيييييييييير
ده رابط لموقع فيه معلومات واخبار وكلمات اغاني فيروز .. يا رب يعجبكم
http://www.fairouz.com/fairouz/lists/songlista.html
اسمحلي اختلف معاك و بشدة :troll:
زياد الرحباني حالة خاصة جدا جدا جدا جدا جدا في الموسيقي العربية بشكل عام .. و انا fan كبير له و بحبه أكتر ما بحب فيروز .. و الأغاني المفضلة لفيروز عندي زياد هو اللي عاملها ..
زياد اصله اتولد لقي نفسه في عيلة كلها عباقرة في الموسيقي .. و طلع هو عبقري جدا خصوصا في ال arrangments ال classical و ده تشوفه من استخدامات البيانو و الساكسوفون في توزيعاته ..
تحس انه خليط ما بين التوزيعات الكلاسيكية و السيمفونيات .. و موسيقي الجاز
اسمع البوم فيروز اسمه classics with ziad
هتتجنن من التوزيعات .. و اسمع التوزيع اللي هو عامله في الالبوم ده لأغنية حبيتك بالصيف .. piano, percussion, saxophone and bass !
تحفة .. جرب انزل الساعة 2 بالليل و اطلع عالمحور او الصحراوي و شغل الألبوم ده
و اسمع لزياد اغنية اسمها "المعمل" .. هي instrumental بس تحفة
زياد rules :chris:
لكن لما تسمع اغاني فيروز القديمة ونفس الاغاني بعد اعادة توزيعها بواسطة زيزو .... زي انا لحبيبي و يارا مثلا .... تلاقي فرق كبييييير ... القديم احلي بمراحل
زياد استاذ جازفعلا وانا باعتبره افضل من عزف بيانو في العرب ....وبيعرف يستعمل البيانو والساكس بعبقرية .... وانا باحب معظم اغانيه جدااااا ... من اول هدير البوسته مرورا بكيفك انت ووحدن ....والبوماته الحديثة ..... لكن الرحبانية الكبار ... اساتذة اغاني فيروز ولهم طعم مميز حتي في الاغاني اللي عملوها لغير فيروز زي دوارين في الشوارع لنجاة ... واللي وزعوها فقط زي ضي القناديل لحليم
وبعدين 50% من الرحبانية دي درجة كبيرة جداا ما يوصلهاش غير واحد مميز زي زياد
وفي الآخر طبعا دي مسألة أذواق ..
لكن اللي مستغربله كم الاغاني اللي عملتها فيروز .... انا من عشاق فيروز منذ ما يقرب من 30 سنة ....ولسة لغاية اليوم باسمع اغاني قديمة أول مرة اسمعها في حياتي ....
كدة احنا متفقين .. لأن الواحد اما بيسمع اغنية و يتم اعادة توزيعها .. حتي لو اتعمل فيها ايه .. برده بيفضل القديم عنده احلي
بس ميزة زياد .. انه بيعملها اغنية جديدة بالكامل .. يعني زي ما بقول لحضرتك لو سمعت حبيتك بالصيف في البوم classics with ziad .. مش ممكن .. اغنية تانية خالص .. و فيها صولو بيانو كدة في الاخر استهبال يعني ..
ممكن تنزل الالبوم من هنا
http://www.mawaly.com/music/lebanon/fairouz/albums/
و هتلاقي معاه اغاني اخري قديمة لفيروز من المسرحيات و الحاجات الحلوة دي
و بالنسبة لاغنية حبيتك بالصيف فيه منها عالموقع في الالبوم نسختين .. انا مش عارف انهي فيهم اللي تعملها داونلود بس اعمل للاتنين ..و اللي انا قصدي عليها اولها صوت فيروز بس مع bass guitar
و تحياتي لذوقك الجميل
بس روعة فيروز الحقيقية يا جماعة بتحسوها في أغانيها الوطنية
فعلا تحس إن اللحن جميل و الكلمات طالعة من القلب
و جو تاني خالص
عارفين بيفركني بإيه... بجو الحرب بين العرب و إسرائيل بالذات الإخوة اللبنانيين
الشكر ليك يا موتورايزر
طالما كلنا اجتمعنا علي روعة فيروز ... اعتقد انكم عارفين اسمها الحقيقي ... اكيد انتو طالما من عشاقها ح تبقو عارفينه ؟؟؟؟؟؟؟
جانيت حداد
الأسم الحقيقي نهاد حداد
صح
نهاد حداد ....واختها اللي بتطلع معاها في مسرحياتها اسمها هدى حداد
اما جانيت ده اسم صباح......... الشحروره
لعشاق فيروز ....... روتانا طرب بتخصص نص ساعة كل يوم لفيروز الساعة 7 مساء وتتعاد 7 صباحا
وفيه قناةو اسمها seven stars اعتقد انها اردنية بتزيع ساعة او ساعة ونص لفيروز الساعة 7 صباحا ( او 7 ونص مش متأكد )
يعني الكلام ده كله يا جماعة وما حدش أكد لنا خبر قدومها مصر
هي الحكاية إشاعة ولا إيه
اعتقد ان مافيش اخبار اكيدة عن الموضوع دة
وعموما آخر حفلة عملتها فيروز في مصر ( الصوت والضوء ) ... كان فيه مشاكل كتير جدا في الصوتيات والتنظيم ... وهي ما كانتش مبسوطة ... وبقالها سنين ما غنتش في مصر بينما عملت اكتر من حفلة في بلدان اخري زي الامارات و الاردن وسوريا
ما اعتقدش انها ح تغني في مصر .... احنا المشاكل عندنا كتير ... تنظيم ... صوت ... اضاءة .... ضرائب .....
مع اني نفسي احضرلها حفلة ... لكن ما أعتقدش ....
حفلة سوريا دي باين كانت السنة اللي فاتت بمناسبة اختيار دمشق عاصمة الثقافة العربية__ مش كده?
أظن بعد اللي انت قلته ده عن مشاكل الصوت مش جاية مصر حتى لو نظمنا المونديال
لاقيت موقع فيه كلمات ألبوم راجعون الرائع
Www.kraassi.com