نشوفية عفشة التيريوس (رأيكم)

**aboyehya** · 26-04-2012 11:41 AM

السلام عليكم
الموضوع باختصار كدا الوالد من فترة قريبة اشترى دايهاتسو تيريوس بلاتينيوم
الكاوتش كان مظبوط على 32
بس كانت العربية بتعوم و خفيفة قوي على الطريق و احنا راجعين بيها من المعرض
رحنا ققلنا الكاوتش على 28 او 29 "أخويا اللي راح للبنزينة"
لما راحت التوكيل لصيانة الألف زودوا الكاوتش تاني ل 32 و ربطوا العفشة و عملوا الصيانة بتاعتها
الفكرة بقى لما جربت أمشي بيها كدا في طرق مكسرة شوية "ساكن في التجمع" و مشيت بيها مسافات طويلة العربية متعبة جدا
بترزع جامد في المطبات و في الحتت اللي مكسرة بشكل غيب
و احنا ماشيين بحس اني راكب هزاز مش عربية !! بنزل مصدع جدا و مش انا لوحدي دا نفس الوضع الوالد و الوالدة كمان
العربية فعلا غريبة دا الهيونداي الاكسيل اللي معانا مش كدا !!

هل اقلل الكاوتش و لا في عيب في حاجة تانية؟؟ و لا دا الطبيعي بتاع العربية؟

أفيدوني الله يكرمكم :)

**MohssenRashed** · 26-04-2012 11:53 AM

بص ياباشا العفشة ناشفة بس مريحة مش للدرجة دي و ضغط الكاوتش 29 و هتلاقي مكتوب على قايم باب السواق و حط نيتروجين أفضل عشان عمر الكاوتش.

**aboyehya** · 26-04-2012 08:45 PM

رحت البنزينة لقيتها 35 !!!!!!
التوكيل كان ظابطها على 35 فطبعا كانت مميتة كدا
لما عملتها على 29 فرقت جدا !!

**Dr.A.Nabil** · 26-04-2012 09:06 PM

انا لما غيرت الكاوتش عملوه على 32 وكانت ناشفه جدا
اعملها على 29 لأن ده الستاندرد زي ما مكتوب على القايم هاتفرق معاك اوي

**Imhotep** · 29-04-2012 12:50 PM

التوكيل كان ظابتها فعلا على 32 بس هوا الكاوتشات كان بارد و العربية مرفوعة...... لكن لما بتاخد مشوار و الهوا يتمدد الضغط بيزيد عشان كده لاقتها 35 فى البنزينة ..... حاجة تانية ان موديلات 2007 و 2008 كان الضغط بتاعها اللى على القايم 29..... لكن بدءا من 2009 بقى اللى على القايم 32..... انا 2009 و عندى على القايم 32

**MohssenRashed** · 29-04-2012 01:11 PM

المشاركة الأصلية كتبت بواسطة mahora

التوكيل كان ظابتها فعلا على 32 بس هوا الكاوتشات كان بارد و العربية مرفوعة...... لكن لما بتاخد مشوار و الهوا يتمدد الضغط بيزيد عشان كده لاقتها 35 فى البنزينة ..... حاجة تانية ان موديلات 2007 و 2008 كان الضغط بتاعها اللى على القايم 29..... لكن بدءا من 2009 بقى اللى على القايم 32..... انا 2009 و عندى على القايم 32

مقاس الكاوتش عند حضرتك كام؟

**S O P H O S** · 29-04-2012 03:31 PM

+111111

**ehab_mansour** · 30-04-2012 11:47 AM

مقاس الكاوتش موجود علي قايم الباب اللي جنب السائق و عندنا الجراند 2012 و مكتوب ضبط الكاوتش علي 29 ولما رحت انا و اخويا نعملها تسليح للكاوتش و بعد التسليح اتنفخ نتروجين و اتظبط علي 29 و العربية فرقت كتييييير عن ما كانت مضبوطة عليه في التوكيل