الموضوع: الصني بعد الانوس

المشاركة الأصلية كتبت بواسطة walidadel

اوببببببببببببببببباااااا اااااااااااااا ... الموضوع ده بتاعي و شكله معمول علشان انا اجاوبك
لان انا كنت في نفس الحال اللي حضرتك فيها كده من 4 سنين تقريبا
كان معايا لانوس 2004 و جيبت صني 2008 بعد تفكير طويل و تدوير و بحكم شغلي و السفر الكتير كنت محتاج اغير بعد اللانوس مع الاخذ في الاعتبار ان لازم يكون هناك فرق جوهري (مش هابيع لانوس و اجيب لانوس) بس قعدت قريت كتير عن العربيه و مميزاتها و كلام الناس عنها في القسم هنا و تابعت مواضيع ووصلت لمرحله اني عارف كل مسمار في العربيه من قبل ماشتريها
و الحمد لله اشتريت و مالاقاتش اختلاف كبير عن الكلام اللي قريته و الواقع
بص بقي بالنسبه للفروق ... هاقولك الحاجات الجوهريه يعني
اللانوس تحسها عربيه تايهه في بعضها .. ماتعرفش اذا كان فيها مساعد بايظ ولا تيل فرامل و لا الكاوتش مهوي شويه كده يعني علي عكس الصني لو فردة كاوتش مهويه شويه هاتحس بفرق في اداء العربيه
فرق القاعده طبعا في الصالون الصني اوسع و شنطه اوسع
نيجي بقي لاداء العربيه فرق السما من العمي بين الصني و اللانوس طبعا طبعا لصالح الصني كفايه انك لما بتدوس فرامل علي اي سرعه بمعني اي سرعه 140-160 بالذات هتلاقي فرامل بقفش جااااامد معاك بالنسبه للانوس حدث ولا حرج بقي الفرامل بمزاجها (او كانت عربيتي كده)
ثبات علي السرعات العاليه اللانوس معاك لحد 140 و بعد كده كنت بخاف مع انها مشيت علي طرق لوووووووووووووز و روحت باللانوس قنا مره و ده غير العين السخنه و شرم و الغردقه (انا بايعها 175 الف) ... بالنسبه للصني (بعتها 166 الف من اسبوعين) العربيه ثابته معاك لحد 170-180 و بجيبهم عادي و التسارع بتاعها تحفه علي سرعات عاليه مش فارقه معاك بقي الهوا معاك و ضدك (فاهمني طبعا)
نصيحه اخيره لو هاتشتري مستعمل هات موديل 2007 - 2008 - 2009 عداد قليل و حاله نضيفه او 2010 الشكل الجديد فيها abs ، ebd و حساس اكسجين

أتفق معك فى كل ما قلته حيث أننى أيضاً كان معى لانوس زيرو 2005 و قعدت معى 5 سنوات إلى أن إشتريت صنى 2010 و لكن أختلف معك فى أن صالون الصنى أضيق من اللانوس و هذا من الحاجات اللى تغيظ قوى فى الصنى ..