سؤال مهم ومحتاج الرد حول ريحة كمكة فى تكييف الاوبترا

السلام عليكم كنت عرضت الموضوع ده قبل كده الصيف اللى فات ان فيه ريحت كمكة فى التكييف و بتبان اوى لما الكمبروسر يفصل لما درجة الهواء بتبقى على واحد فروحت السنة اللى فاتت التوكيل و مع الصيانة قالولى ده عيب فلتر التكييف فقمت مغيره و برده فضلت ريحة الكمكة المهم روحت لواحد بتاع تكيفات حبيبى قالى ده عيب الثلاجة هى اللى عاملة ريحت الكمكة ديه وده عشان انت كونت بتشرب سجاير فى العربية قبل كده و انت مشغل التكييف و عشان كده لازم نفك التابلوه و نشيل الثلاجة و نغسلها و نرجه نحطها تانى فطبعا فكرة انى افك التابلوه ده و العربية لسه موديل 2010 مستبعد تماما مع العلم انى جربت انى احط معطرات فى الصالون و معطر مع فلتر التكييف تحت و جربت موضوع تشغيل التكييف سخن و بعد كده ساقع و لا توجد نتيجة نفس ريحت الكمكة فبرجاء من سيادتكم اللى عنده حل لهذا الموضوع يقولى بس من غير فك تابلوه و الكلام ده و شكرا لاهتمامكم

هو بعد اذنكم اسه سبب نقل الموضوع ده و منقول لفين مش فاهم

طيب شغل التكييف السخن مده كويسة 15 دقيقة مثلا
بس تكون مشيت بالعربيه مشوار محترم في عز النهار

افتح الزجاج كله وشغل التكييف
لو مجبش نتيجه قولي افكر معاك في حل تاني

انا جربت موضوع التكييف السخن ده و شغلته حوالى 10 دقائق بس و هى واقفة بس ما فيش حاجة حصلت

طيب ما تغير الفريون إللي فيها بالكامل

الفريون طيب ايه وجهة نظر حضرتك

السلام عليكم
انا عندى اوبترا 2008 و فيها نفس المشكلة , المهم رحت لواحد بتاع تكييفات اثق فيه , و عرفت منه السبب و هو ان وحدة الكنترول بالكمبرسور تالفة و محتاجة تتغير بحوالى 300 ج , لانها لما الكمبرسور بيفصل الهواء بيعدى حوالين السربنتينة و هى طبعا فيها تراب و بلاوى فتعمل هذه الرائحة المككمة و انا بافكر اغيرها فعلا عن قريب و شكراً

ياجماعه فريون ايه ووحده كنترول ايه دى فعلا من التلاجه اليى تحت الطابلوة وعلى فكرة انا مهندس تكييفات وتشغيل السخن ملوش اى علاقه بالموضوع

طيب باشا لو الثلاجة اللى تحت التابلوه حلها انها تتفك ولا ممكن حل تانى احسن فكها فيلم جامد اوى

اقتباس:

---

المشاركة الأصلية كتبت بواسطة takatiko2011

السلام عليكم كنت عرضت الموضوع ده قبل كده الصيف اللى فات ان فيه ريحت كمكة فى التكييف و بتبان اوى لما الكمبروسر يفصل لما درجة الهواء بتبقى على واحد فروحت السنة اللى فاتت التوكيل و مع الصيانة قالولى ده عيب فلتر التكييف فقمت مغيره و برده فضلت ريحة الكمكة المهم روحت لواحد بتاع تكيفات حبيبى قالى ده عيب الثلاجة هى اللى عاملة ريحت الكمكة ديه وده عشان انت كونت بتشرب سجاير فى العربية قبل كده و انت مشغل التكييف و عشان كده لازم نفك التابلوه و نشيل الثلاجة و نغسلها و نرجه نحطها تانى فطبعا فكرة انى افك التابلوه ده و العربية لسه موديل 2010 مستبعد تماما مع العلم انى جربت انى احط معطرات فى الصالون و معطر مع فلتر التكييف تحت و جربت موضوع تشغيل التكييف سخن و بعد كده ساقع و لا توجد نتيجة نفس ريحت الكمكة فبرجاء من سيادتكم اللى عنده حل لهذا الموضوع يقولى بس من غير فك تابلوه و الكلام ده و شكرا لاهتمامكم

---

بص يا باشا

الكمكمة دي عبارة عن فطريات وبكتيريا اتكونت علي مواسير الثلاجة نتيجه ركنة التكييف او ترسيب اي حاجه من تراب او زيوت او دخان سجاير (حاجات اتكلست ونشفت) وطبعا مع الوقت عملية الترسب بتزيد وبنصحك بالاتي:-
اما تفك التابلو زي ما قالك الاسطي وده احسن حل
او لو انت شايفه بعينك رشها بديتول او سفلون عشان تموت البكتريا

وشغلها فترة علي المراوج عشان تنشف كويس

ولازم تتأكد ان الفلتر بتاع التكييف راكب ونضييف لانه مهم جدا عشان بيحجز الوساخه دي

اما افتراح انك تشغل التكييف علي السخن ف ده مش بينفع إلا في تكيفات البيوت بس لان التلاجه مع السخن في تكيفات البيوت بتتحول إلي سخان (دورة عكسية) اما لو عاوز تشغل السخن عشان تنشف الثلاجة من الديتوا او السفلون ف ده يهسرع العملية بس لازم تبقي عارف ان الريحه هترجع تاني

وعشان كده يفضل لما تلاقي نفسك قربت توصل مشوارك تفصل الكمبوريسور وتشغل الهوا لغاية ما تنشف التلاجه وده كل مره

ودمتم

يارب اكون فدتك

اقتباس:

---

المشاركة الأصلية كتبت بواسطة amagroup

بص يا باشا

الكمكمة دي عبارة عن فطريات وبكتيريا اتكونت علي مواسير الثلاجة نتيجه ركنة التكييف او ترسيب اي حاجه من تراب او زيوت او دخان سجاير (حاجات اتكلست ونشفت) وطبعا مع الوقت عملية الترسب بتزيد وبنصحك بالاتي:-
اما تفك التابلو زي ما قالك الاسطي وده احسن حل
او لو انت شايفه بعينك رشها بديتول او سفلون عشان تموت البكتريا

وشغلها فترة علي المراوج عشان تنشف كويس

ولازم تتأكد ان الفلتر بتاع التكييف راكب ونضييف لانه مهم جدا عشان بيحجز الوساخه دي

اما افتراح انك تشغل التكييف علي السخن ف ده مش بينفع إلا في تكيفات البيوت بس لان التلاجه مع السخن في تكيفات البيوت بتتحول إلي سخان (دورة عكسية) اما لو عاوز تشغل السخن عشان تنشف الثلاجة من الديتوا او السفلون ف ده يهسرع العملية بس لازم تبقي عارف ان الريحه هترجع تاني

وعشان كده يفضل لما تلاقي نفسك قربت توصل مشوارك تفصل الكمبوريسور وتشغل الهوا لغاية ما تنشف التلاجه وده كل مره

ودمتم

يارب اكون فدتك

---

باشا مش فاهم قصد حضرتك ايه ارش ايه بديتول قصدك ارش فى الهوايات و لا اسبراى تنظيف و لا ايه

ايه يا جماعة مافيش حد عنده حل و لا ايه

فعلا" كلام أستاذ amagroup صحيح
أنا برضه معايا دبلوم 5 سنين تكييف وتبريد قبل الهندسه وبقولك كلام الراجل ده صحيح

ايه علاقة تشغيل الساخن بالتكييف ؟؟؟
فى السيارة الهواء اللى بيدخل للكابينة لما بتشغل السخن بيبقى من مواسير داخله جوه الطبلوه من دايرة التبريد للموتور
(نفس دورة التبريد للردياتير ) أو سخان فى بعض السيارات
مالوش علاقه بتبديل دورة التبريد زى تكييف المنزل
ولا الفريون له علاقه
ياريت يا جماعة اللى يكتب رد يبقى متأكد منه مش تخلوا الراجل يدفع فلوس فى الهوا
مشكلتك من التلاجه لازم تتغسل علشان الريحه تروح والله المستعان

طيب فكرة معطر يتحط مع فلتر التكييف تظبط شويه كحل مؤقت و لا فيه حل مؤقت و افضل ثانى

لو العربيه فيها فلتر تكييف فكه ونظفه كويس

لو مفهاش ركب واحد لان المشكله دى كانت عندى

كل التحيه لحضرتك

م انا لما حصل كده غيرت فلتر التكييف فى التوكيل و لا جديد نفس الحكاية

انا عندي فكرة
هات ديتول اسبراي او بخاخ
وفك الفلتر
وشغل المروحة
ورش ديتول مكان الفلتر علشان المروحة تخليه يعدي علي التلاجة
متهيألي دا حل كويس ومش هيكلف كتير

اه طبعا حل كويس بس ياريت يجيب نتيجة و يكون حد فعلا جربه و نفع معاه