سؤال مهم ومحتاج الرد حول ريحة كمكة فى تكييف الاوبترا

**takatiko2011** · 26-04-2012 01:36 PM

السلام عليكم كنت عرضت الموضوع ده قبل كده الصيف اللى فات ان فيه ريحت كمكة فى التكييف و بتبان اوى لما الكمبروسر يفصل لما درجة الهواء بتبقى على واحد فروحت السنة اللى فاتت التوكيل و مع الصيانة قالولى ده عيب فلتر التكييف فقمت مغيره و برده فضلت ريحة الكمكة المهم روحت لواحد بتاع تكيفات حبيبى قالى ده عيب الثلاجة هى اللى عاملة ريحت الكمكة ديه وده عشان انت كونت بتشرب سجاير فى العربية قبل كده و انت مشغل التكييف و عشان كده لازم نفك التابلوه و نشيل الثلاجة و نغسلها و نرجه نحطها تانى فطبعا فكرة انى افك التابلوه ده و العربية لسه موديل 2010 مستبعد تماما مع العلم انى جربت انى احط معطرات فى الصالون و معطر مع فلتر التكييف تحت و جربت موضوع تشغيل التكييف سخن و بعد كده ساقع و لا توجد نتيجة نفس ريحت الكمكة فبرجاء من سيادتكم اللى عنده حل لهذا الموضوع يقولى بس من غير فك تابلوه و الكلام ده و شكرا لاهتمامكم

**takatiko2011** · 26-04-2012 03:13 PM

هو بعد اذنكم اسه سبب نقل الموضوع ده و منقول لفين مش فاهم

**HeMa_LanCeR** · 26-04-2012 03:30 PM

طيب شغل التكييف السخن مده كويسة 15 دقيقة مثلا
بس تكون مشيت بالعربيه مشوار محترم في عز النهار

افتح الزجاج كله وشغل التكييف
لو مجبش نتيجه قولي افكر معاك في حل تاني

**takatiko2011** · 26-04-2012 04:05 PM

انا جربت موضوع التكييف السخن ده و شغلته حوالى 10 دقائق بس و هى واقفة بس ما فيش حاجة حصلت

**drmagieed** · 26-04-2012 05:36 PM

طيب ما تغير الفريون إللي فيها بالكامل

**abokaki2003** · 26-04-2012 11:57 PM

السلام عليكم
انا عندى اوبترا 2008 و فيها نفس المشكلة , المهم رحت لواحد بتاع تكييفات اثق فيه , و عرفت منه السبب و هو ان وحدة الكنترول بالكمبرسور تالفة و محتاجة تتغير بحوالى 300 ج , لانها لما الكمبرسور بيفصل الهواء بيعدى حوالين السربنتينة و هى طبعا فيها تراب و بلاوى فتعمل هذه الرائحة المككمة و انا بافكر اغيرها فعلا عن قريب و شكراً

**elsrowgy** · 27-04-2012 03:35 AM

ياجماعه فريون ايه ووحده كنترول ايه دى فعلا من التلاجه اليى تحت الطابلوة وعلى فكرة انا مهندس تكييفات وتشغيل السخن ملوش اى علاقه بالموضوع

**takatiko2011** · 28-04-2012 10:02 AM

طيب باشا لو الثلاجة اللى تحت التابلوه حلها انها تتفك ولا ممكن حل تانى احسن فكها فيلم جامد اوى

**amagroup** · 28-04-2012 10:44 AM

المشاركة الأصلية كتبت بواسطة takatiko2011

السلام عليكم كنت عرضت الموضوع ده قبل كده الصيف اللى فات ان فيه ريحت كمكة فى التكييف و بتبان اوى لما الكمبروسر يفصل لما درجة الهواء بتبقى على واحد فروحت السنة اللى فاتت التوكيل و مع الصيانة قالولى ده عيب فلتر التكييف فقمت مغيره و برده فضلت ريحة الكمكة المهم روحت لواحد بتاع تكيفات حبيبى قالى ده عيب الثلاجة هى اللى عاملة ريحت الكمكة ديه وده عشان انت كونت بتشرب سجاير فى العربية قبل كده و انت مشغل التكييف و عشان كده لازم نفك التابلوه و نشيل الثلاجة و نغسلها و نرجه نحطها تانى فطبعا فكرة انى افك التابلوه ده و العربية لسه موديل 2010 مستبعد تماما مع العلم انى جربت انى احط معطرات فى الصالون و معطر مع فلتر التكييف تحت و جربت موضوع تشغيل التكييف سخن و بعد كده ساقع و لا توجد نتيجة نفس ريحت الكمكة فبرجاء من سيادتكم اللى عنده حل لهذا الموضوع يقولى بس من غير فك تابلوه و الكلام ده و شكرا لاهتمامكم

بص يا باشا

الكمكمة دي عبارة عن فطريات وبكتيريا اتكونت علي مواسير الثلاجة نتيجه ركنة التكييف او ترسيب اي حاجه من تراب او زيوت او دخان سجاير (حاجات اتكلست ونشفت) وطبعا مع الوقت عملية الترسب بتزيد وبنصحك بالاتي:-
اما تفك التابلو زي ما قالك الاسطي وده احسن حل
او لو انت شايفه بعينك رشها بديتول او سفلون عشان تموت البكتريا

وشغلها فترة علي المراوج عشان تنشف كويس

ولازم تتأكد ان الفلتر بتاع التكييف راكب ونضييف لانه مهم جدا عشان بيحجز الوساخه دي

اما افتراح انك تشغل التكييف علي السخن ف ده مش بينفع إلا في تكيفات البيوت بس لان التلاجه مع السخن في تكيفات البيوت بتتحول إلي سخان (دورة عكسية) اما لو عاوز تشغل السخن عشان تنشف الثلاجة من الديتوا او السفلون ف ده يهسرع العملية بس لازم تبقي عارف ان الريحه هترجع تاني

وعشان كده يفضل لما تلاقي نفسك قربت توصل مشوارك تفصل الكمبوريسور وتشغل الهوا لغاية ما تنشف التلاجه وده كل مره

ودمتم

يارب اكون فدتك