الموضوع: عايز أشتري تابلت أو قارئ إلكتروني.

المشاركة الأصلية كتبت بواسطة MTAK

اشكر لك ردك السريع
و سألتهم

الجهاز بيكون متبرشم

و الضمان من امازون

و الاجهزة من ابو اعلانات و قالوا طالما لم تدخل على الاستور بتاع امازون و تعمل اكاونت يبقى لن يظهر لك اى اعلان

و الشحن للمحافظات بـ 27 جنيه

و الدفع عند الاستلام
و الاستلام فى خلال 24 ساعه من تاريخ الطلب

بصراحه حاجه عظيمه اوى
-------------------------------------------------
يبقى لنا ان يكون حد معاه الكيندل و يعملنا تقرير يستعرض فيه امكانياته الفعليه التى استعملها و تجربته معاه
مثل الذى كان عامله استاذ كرين عن السونى قبل كده

حضرتك لازم تعمل account عشان تعرف تستعمل الجهاز, معني كده إن الads هتظهر؟ وهم طبعا جايبين الad supported عشان بـ 114$.

كويس إن في ضمان طبعا وأكيد حاجة تطمن إن الجهاز متبرشم.

أنا حضرتك معايا kindle 3, لو حضرتك عايز تسأل على أي حاجة فيه أنا تحت امرك بس صعب أعمل تقرير دلوقتي عشان عندي امتحانات.

المشاركة الأصلية كتبت بواسطة MTAK

مش فى اجهزة ليس فيها wifi او 3g
يبقى ازاى لازم اعمل اكاونت على امازون حتى يفتح لى الجهاز (الحكاية دى لاحظتها و انا باتفرج على كيندل فاير كل ما احاول افتح اى حاجه يظهر لى شاشة ادخال الميل و الباسورد و كان البياع صينى كل اللى عنده هو ده الجهاز عاوزه و لا لأ)

و هل عمل الاكاونت ده ممكن و لا لازم عنوان فى امريكا و الحوارات دى ( لسه ملسوع منها فى الـ xbox)


ثانيا

عرض البى دى اف بيكون كويس
انت عارف ان معظم ما نمتلكه هو ملفات pdf و دى بتبقى كل صفحه كصورة او خط مع صور
فهل عرضه لهم بيبقى زى الكمبيوتر و لا بيختلف

كمان ابعاد الشاشه مناسبه لرؤيه واضحه و لا لازم اعمل اسكرول يمين و شمال علشان اعرف اشوف كويس

أولا مفيش kindle مفيهوش Wifi, في منهم بينزل بـ3G كمان بس ده مش هيشتغل في مصر, عشان لدى بأقول لحضرتك لازم تعمل account.

وزي ماحضرتك شفت كده في الkindle fire, لازم account عشان تعرف تعمل أي حاجة.

بس عمل account مش محتاج عنوان في امريكا ولا حاجة, بس email address و password. بس طبعا مش هينفع تدخل على Amazon Store و تنزل كتب وكده, لازم تكون في امريكا. غير كده هيشتغل معاك عادي.

ثانيا بالنسبة للPDFs, طريقة العرض زي الكمبيوتر بالظبط, وبالنسبة لابعاد الشاشة, لو الخط في الPDF صغير وإنت مش عايز تعمل scrool يمين وشمال ممكن تقلب orientation بتاع الscreen لlandscape, طبعا ده هيكبر الخط الضعف وهيقسم الصفحة نصين ف مش هيبقى فيه scrolling يمين وشمال.

لو حضرتك عايز تجرب ممكن اقابل حضرتك يوم تشوف بنفسك طريقة العرض وكده قبل ماتشتري.