السلام عليكم ورحمة الله وبركاته
ده سؤال موجه للناس كلها خصوصا اللى بيشتغلوا فى مجال التوظيف والموارد البشرية
إيه المجال اللى ليه مستقبل فى مصر على الأقل خلال ال15 سنة اللى جاية؟
وإيه المهارات اللى مفروض يتمتع بيها اللى عاوز يلتحق بالمجال ده؟
عرض للطباعة
السلام عليكم ورحمة الله وبركاته
ده سؤال موجه للناس كلها خصوصا اللى بيشتغلوا فى مجال التوظيف والموارد البشرية
إيه المجال اللى ليه مستقبل فى مصر على الأقل خلال ال15 سنة اللى جاية؟
وإيه المهارات اللى مفروض يتمتع بيها اللى عاوز يلتحق بالمجال ده؟
انا محامي واعمل مدير للموارد البشرية لمجموعات شركات بالعاشر تعمل في مجال الهيدروليك
إيه المجال اللى ليه مستقبل فى مصر على الأقل خلال ال15 سنة اللى جاية؟
علي ماعتقد افضل مجال هو المهندس ( مهندس اي مجال ) التطور بيحتاج الي تخصص علي درجة عالية
وإيه المهارات اللى مفروض يتمتع بيها اللى عاوز يلتحق بالمجال ده؟
دراسة - تدريب
اعتقد المهندسين وخصوصا الاتصالات
المحاماه بلا منازع .. و العقارات في الاعمال الحره ...
موضوع هااااااااااااام جدا.. انا عموما باحضر زي بحث كده في الموضوع ده و هانزله هنا في المنتدى قريب ان شاء الله.. بس المشكلة اني كنت كاتباه عشان ينزل على شكل محاضرة تدريبية و كتبت نصها بالانجليزي و نصها التاني بالعربي.. يعني عايزة شوية شغل عشان يبقى شكلها متناسق.. بس ان شاء الله هاركز فيها الويك إند ده و اخلصها :)
أنا رأيى ان مش مهم ايه المجال اللى انت شغال فيه قد ما مهم هل انت مميز فى مجالك ولا لأ. طبعا فى مجالات بيكون الطلب عليها اكتر من مجالات تانية زى مجال تكنولوجيا المعلومات مثلا ، لكن مش معنى انك دخلت فى المجال دة ان كل مشاكلك اتحلت ، بالعكس لازم تبذل مجهود كبير جدا لأن المنافسة شرسة جدا. بشكل أساسى حاول تهتم باللغة بالإضافة إلى تطوير نفسك فى المجال اللى انت بتحبه او اللى انت مؤهل انك تشتغله وياسلام لو معاها كمان شوية شهادات معتمدة دولية زى ال Cpa مثلا لو محاسب ، كدة هاتبقى مؤهل انك تدخل الشركات الكبيرة.
لو دورت حواليك هتلاقى فى مهندس دخله الشهرى 500 جنيه وواحد تانى دخله 50000 جنيه. كذلك فى باقى المجالات .
اللى عاوز اقوله ان مش مهم انت بتشتغل ايه قد ما مهم انت مميز فى اللى انت بتعمله ولا لأ.
بالتوفيق ان شاء الله
طيب المهندسين ومفهوم ليه وفعلا ما شاء الله معظم الوظائف الخالية اللى باقرأ إعلاناتها بيكون مطلوب مهندسين أو محاسبين لكن المحاميين وبلا منازع كمان مش قادر أفهم لييه
انا فى كليه تجاره
و احب توضحولى ازاى اكون مميز
و اكون مؤهل انى ادخل الشركات الكبيره او قطاع البورصه
مع العلم انى فى المنصوره
لكن ممكن اخد دورات فى القاهره لانى عارف انها افضل ومعتمده
و مش فارقه الفلوس
يا ريت تساعدونى
انا اقولك ليه .. لان ببساطه ماتقدرش تستغني عنهم .. لو انت في اي بلد مش هاتقدر تستغني عن المحامي ...
a lawyer with his briefcase can steal more than a hundred men with guns.
التجاره يا سيدي .. اول حاجه لازم تتدرب .. تدرب فين دي مش مشكله بس المهم انك تتدرب .. و كمان .. و انت بتتدرب بقي تاخد دورات في الكمبيوتر و اللغات و الاداره و الكلام ده .. و يا سلام بقي لو تقدم CMA or CPA ..
بالنسبه للبورصه دي بقي فيه عندك series 63-series 66-series 7 exam
افتح www.wikipedia.com و دور عليهم .. المشكله بقي انها عاوزه $$$ و غير كده الامتحان في امريكا .. بس اول ما تاخدها بقي انسي .. هم اللي بيدوروا عليك مش انت اللي هاتدور عليهم ..