الموضوع: إيه مجالات العمل الأفضل

المحاماه بلا منازع .. و العقارات في الاعمال الحره ...

موضوع هااااااااااااام جدا.. انا عموما باحضر زي بحث كده في الموضوع ده و هانزله هنا في المنتدى قريب ان شاء الله.. بس المشكلة اني كنت كاتباه عشان ينزل على شكل محاضرة تدريبية و كتبت نصها بالانجليزي و نصها التاني بالعربي.. يعني عايزة شوية شغل عشان يبقى شكلها متناسق.. بس ان شاء الله هاركز فيها الويك إند ده و اخلصها :)

أنا رأيى ان مش مهم ايه المجال اللى انت شغال فيه قد ما مهم هل انت مميز فى مجالك ولا لأ. طبعا فى مجالات بيكون الطلب عليها اكتر من مجالات تانية زى مجال تكنولوجيا المعلومات مثلا ، لكن مش معنى انك دخلت فى المجال دة ان كل مشاكلك اتحلت ، بالعكس لازم تبذل مجهود كبير جدا لأن المنافسة شرسة جدا. بشكل أساسى حاول تهتم باللغة بالإضافة إلى تطوير نفسك فى المجال اللى انت بتحبه او اللى انت مؤهل انك تشتغله وياسلام لو معاها كمان شوية شهادات معتمدة دولية زى ال Cpa مثلا لو محاسب ، كدة هاتبقى مؤهل انك تدخل الشركات الكبيرة.
لو دورت حواليك هتلاقى فى مهندس دخله الشهرى 500 جنيه وواحد تانى دخله 50000 جنيه. كذلك فى باقى المجالات .

اللى عاوز اقوله ان مش مهم انت بتشتغل ايه قد ما مهم انت مميز فى اللى انت بتعمله ولا لأ.

بالتوفيق ان شاء الله

المشاركة الأصلية كتبت بواسطة أبوسيف

أنا رأيى ان مش مهم ايه المجال اللى انت شغال فيه قد ما مهم هل انت مميز فى مجالك ولا لأ. طبعا فى مجالات بيكون الطلب عليها اكتر من مجالات تانية زى مجال تكنولوجيا المعلومات مثلا ، لكن مش معنى انك دخلت فى المجال دة ان كل مشاكلك اتحلت ، بالعكس لازم تبذل مجهود كبير جدا لأن المنافسة شرسة جدا. بشكل أساسى حاول تهتم باللغة بالإضافة إلى تطوير نفسك فى المجال اللى انت بتحبه او اللى انت مؤهل انك تشتغله وياسلام لو معاها كمان شوية شهادات معتمدة دولية زى ال Cpa مثلا لو محاسب ، كدة هاتبقى مؤهل انك تدخل الشركات الكبيرة.
لو دورت حواليك هتلاقى فى مهندس دخله الشهرى 500 جنيه وواحد تانى دخله 50000 جنيه. كذلك فى باقى المجالات .

اللى عاوز اقوله ان مش مهم انت بتشتغل ايه قد ما مهم انت مميز فى اللى انت بتعمله ولا لأ.

بالتوفيق ان شاء الله

تمام جدا و كلام سليم.

طيب المهندسين ومفهوم ليه وفعلا ما شاء الله معظم الوظائف الخالية اللى باقرأ إعلاناتها بيكون مطلوب مهندسين أو محاسبين لكن المحاميين وبلا منازع كمان مش قادر أفهم لييه