الموضوع: شوروا عليا يا جماعة نفسيا وانسانيا.

المشاركة الأصلية كتبت بواسطة memofree

معلش .هى حاجه تخنق. الحمد لله احسن من مشكله كبيره . دى عربيه نقل زى ما بتئول يعنى كان ممكن تهرس الحته دى و تخش فى مواضيع كتييير . قدر الله و ما شاء فعل . كل ما تشوفها قول فى بالك كان ممكن تكون اكبر من كده و الحمد لله

و السلام عليكم

الحمد لله ربنا سترها ويارب يسترها على الناس كلها بامره.

المشاركة الأصلية كتبت بواسطة hosamsief

العفو عند المقدر من شيم الرجال ... و الحمد لله انها جت على قد كده .. و بسيطه ... ربنا يكرمك

الحمد لله على كل حال.

المشاركة الأصلية كتبت بواسطة الغزالى

بصراحه ومع احترامى الموضوع كبر على الفاضى انت ممكن وانت ماشى زلطه من مقطوره فى نفس المكان بس تدغدغلك القايم اكتر من كده ... البتاعه بيسطه جدا جدا يا مستر ايمن ... ( انت بتقول راجل كبير وبتاع .. والبلد حالها واقف خلقه فاسيب الناس تعمل برزقها .... واهم حاجه برضو فى نفس الوقت انك متزعلش نفسك لان انت كنت زعلان على العريبه وفى نفس الوقت عايز تأمن نفسك ... فالحمد لله الموضوع بيسط خالص .. استغفر ربنا واحمد على كده )

مستر غزالى.اخبارك ايه.الحمد لله على كل حال وفعلا بلليل المحضر خلص والحمد لله.

المشاركة الأصلية كتبت بواسطة casperinoo

سؤال جانبي ..
هو ممكن فعلا خبطه هايفه زي ديه تأثر في بيع العربيه ؟!!

الله اعلم .

المشاركة الأصلية كتبت بواسطة mrghost

على فكره خبطة بسيطه جدا ومكانتش مستاهله محضر ولا حاجه
ياريت تتنازل عنه فى اقرب وقت والعفو عند المقدرة

الحمد لله على كل حال وخلص المحضر والحمد لله ويارب يسترها على الجميع.

المشاركة الأصلية كتبت بواسطة ramyhekal

دى بسيطه ان شاء الله ومش هاتحتاج رش سمكرى كويس هايردهالك زى الاصل بالظبط
متقلقش وعلى فكره ولا لها لازمه فى البيع انا اشتريت عربيه فابريقه فيها نفس الخبطه بالظبط سبحان الله
ولا سألت دى من ايه وانا ببيع بردو ولا حد علق عليها لان اكيد دى بتبقى ترييحه عربيه

الحمد لله على كل حال وربنا يسترها على الجميع بامره.

المشاركة الأصلية كتبت بواسطة د.محمود صلاح

اتركها على حالها افضل من سمكرتها فهي غير ملحوظة واهي تاخد العين

د.محمود فكرت فى كدة فعلا اسيبها زى ما هى وده خوفا من عدم عودتها للاصل.الحمد لله على كل حال.