الموضوع: هو القتل بقى عادى كده ؟؟

المشاركة الأصلية كتبت بواسطة mzeid

اللهيرحمهم الحج ياسر و الحج أشرف

بس ليا تعليق على نقطة بس
بالنسبة لأي جريمة تحصل نقعد نقول فين الشرطة و الشرطة مش شغال و الكلام دة
طيب يا جماعة سؤال هو فيه في الداخلية قسم توقع و استباق الجرائم زي ما كان في فيلم minority report او ان الداخلية معاهم عصا سحرية يمنعوا بيها الجرائم في يوم و ليلة او يكونوا بيجنموا بالجرائم اللي هتحصل علشان يمنعوها ؟؟؟؟؟!!!!!!!!!

انا مش بدافع عن الشرطة ننتقد في الحاجة اللي ينفع ان احنا ننتقدها يعني مثلا واحد عربيته اتسرقت و الضباط تقاعسوا عن شغلهم مثلا و مجابوهاش او ان جاتلهم اخبارية ببيعة مخدرات و متحركوش او ان مخبر بلغ عن نية واحة و ترتيبه انه يقتل شخص معين و الشرطة متحركتش ماشي ننتقد و نقول مشتغلوش

انما واحد اتخطف او اتسرق او لا قدر الله اتقتل مش هنقول فين الشرطة ما هي مش بتنجم
الشرطة دورها انها تجيب المجرمين المرتكبين للواقعة

كلام حضرتك سليم و مفيش شرطه فى العالم تقدر تدخل فى دماغ المجرم و تعرف بيفكر فى ايه لكن الشكوى من الشرطه فى تضاءل دورها بصوره مخيفه جعلت الغير مجرمين يتشجعوا و يبقوا مجرمين و يرتكبوا ابشع الجرائم بدم بارد لانهم عارفين ان فى انفلات و الشرطه ضعيفه و مش قادره عليهم لدرجه انهم من بجاحتهم بقوا بيهاجموا رجال الشرطه نفسهم و الكمائن و الأقسام بدل ما يختبئوا منهم يعنى الوضع اتعكس