الحمد لله جبت 320 موديل 1992 بس للأسف اتخميت فيها و اخدتها بسعر عالي و طلعت راشة كله من بره و انا كنت واخدها على انها راشة حزام بس مع اني كشفت عليها بس سبحان الله القدر يعمي البصر.

بعد سواقتها لليوم الاول ( امبارح ) العربية محتاجة :

  1. شبكة امامي مع اكصدام و فوانيس.
  2. الكرونة بيقولولي انها 4 سلندر مش لوك ولا 6سلندر
  3. الباور تقيل و قالولي محتاج علبة دركسيون
  4. محتاج مفاتيح الازاز كله
  5. اشحن التكييف ( اذا كان شغال اصلا )
  6. " بيقولولي " مغيرة الصدر ( الي هو بمسك فيه الريداتير )
  7. كنت فاكرها 320 اوروجينال طلعت 316 متعدلة
  8. محتاجة دواسة بنزين جديدة الي فيها اتفكت\وطبعا محتاجة تترش تاني عشان مرشوشة وحش اوي.
  9. محتاجة اضبط الفرامل.
  10. طلع مافيهاش APS للأسف كان صاحبها بيقول فيها مش عارف انا ازاي ما جربتش الفرامل مع اني عارف اميز بين العادية و الاي بي اس بسهولة شديدة.


صاحبها قال انها مستوردة من المانيا من زمان.

والحمد لله اولا و اخيرا و الخيرة فيما اختار الله.