الموضوع: باركولي بقيت واحد منكوا و جبت 320 موديل 1992 بس للأسف ......

المشاركة الأصلية كتبت بواسطة meado_2005

الحمد لله جبت 320 موديل 1992 بس للأسف اتخميت فيها
لو جبتها باكتر من 60000 تباه اتخميت لان العربية ديه بالمواصفات ديه بتعمل من 52 الي 60
و اخدتها بسعر عالي و طلعت راشة كله من بره و انا كنت واخدها على انها راشة حزام بس مع اني كشفت عليها بس سبحان الله القدر يعمي البصر.
و لا يهمك كل ده مش مشكلة عادي .

بعد سواقتها لليوم الاول ( امبارح ) العربية محتاجة :

1. شبكة امامي مع اكصدام و فوانيس. هات ربع امامي m من الحرفيين ب 3000 ج
2. الكرونة بيقولولي انها 4 سلندر مش لوك ولا 6سلندر : مينفعش اكيد 6 سلندر عشان المكنة 6 سلندر العربية مش هتمشي غير مع الكارونة ال 6 سلندر .
3. الباور تقيل و قالولي محتاج علبة دركسيون لا متجبش علبة صلح العلبة اللي عاندك احسن بحوالي 250 ج
4. محتاج مفاتيح الازاز كله المفتاح ب 35 ج الاصلي اللي بينور
5. اشحن التكييف ( اذا كان شغال اصلا ) اعمل صيانة كاملة للتكيف هشان اكيد هتحتاج تغير خراطيم و مواسير التكييف .
6. " بيقولولي " مغيرة الصدر ( الي هو بمسك فيه الريداتير ) معتقدش ممكن تلاقي بس قاعدة من قواعد الماتور عايزة تتغير فالماتور قريب قوي من الرادياتير و تحس من الموضوع ده ان الصدر متغير اكشف بس علي قواعد الماتور .
7. كنت فاكرها 320 اوروجينال طلعت 316 متعدلة عادي يا باشا بردو و لا يهمك مش حكاية .
8. محتاجة دواسة بنزين جديدة الي فيها اتفكت تتعمل عند اي ميكانيكي هيزبطهالك ب 20 ج بدل متجيب واحدة تانية
9. \وطبعا محتاجة تترش تاني عشان مرشوشة وحش اوي. اعمل حسابك في 2500 ج عشان تطلع مرشوشة نضيف .
10. محتاجة اضبط الفرامل. عادي و غير كمان خراطي البكام بالمرة و اعمل حسابك في 150 ج
11. طلع مافيهاش aps للأسف كان صاحبها بيقول فيها مش عارف انا ازاي ما جربتش الفرامل مع اني عارف اميز بين العادية و الاي بي اس بسهولة شديدة.

مين اللي قال انها مفهاش abs روح لواحد متخصص bmw عشان انا شاكك في الموضوع ده يمكن لان ممكن يكون في مشاكل في الفرامل لكن ال abs موجود .

صاحبها قال انها مستوردة من المانيا من زمان. مش قصتك باه مستوردة و لا لأ لان الموديل ده اصلاً مكنش بيتقفل في البفارية .

والحمد لله اولا و اخيرا و الخيرة فيما اختار الله.

مبروووووووك و الله و اوعي تبص وراك خلاص العربية جت بس لازم تزبطها عشان متقرفش منها و اوعي تركب حاجة مش اصلي حتي لو جبتها استيراد او مستعملة هيكون احسن من ان انت تجيب حاجة صيني .

مبروك
ربنا يجعلها وش خير عليك

مبروك و عايزين نشوف صور :)

الف مبروك وربنا يديك خيرها ويكفيك شرها يارب

المشاركة الأصلية كتبت بواسطة novo

والله يا شريف أنا متهيألي يجيب نص قدماني كامل نفس لون عربيتة و يأخد منه كل حاجه من أول الزراير لغاية التكييف و كده الموضوع هيقف عليه أرخص كتير جدا و ده اللى الواحد اتعلمه من الحرفيين , حاول تجيب جمله مش قطاعي
النص فى حدود 6000 من غير تابلوه و جير بوكس

و الله ممكن يا نوفو فكرة بردو ماشي انا معاك في الموضوع ده ...

هو النص اللى فى حدود 6000 جنية ده شامل ايه يا رجالة ؟

يعنى نص صاج بس ولا بالعغشة الامامى و الموتور و كله ؟