محتاج ردكم يا رجاله (الياريس والهوندا سيتى)

**ahawit** · 11-06-2008 02:25 PM

يا جماعه أنا محتار بين الياريس والهوندا سيتى عاوز حد يفيدنى برأيه ويقولى أشترى ايه؟

ـــــــــــــــــــــــــ ــــــــــــــــــــــ
تم النقل بواسطة الإشراف...

**El Prince** · 11-06-2008 02:50 PM

نصيحتى العملية ليك :
1- اقرا كل اللى اتكتب عن الاتنين كل و احدة فى مكانها
2- جرب الاتنين وقرر بنفسك

**sammor_28** · 11-06-2008 02:55 PM

في مواضيع كتيره في قسم التويوتا والهوندا وفي قسم المقارنات عن الموضوع ده خدلك جوله في الوقع وانت تعرف وربنا يوفقك ان شاء الله

**ahawit** · 11-06-2008 02:55 PM

شكرا على إهتمامك وردك بس أجرب الأتنين أزاى

**mohamed ibiza** · 11-06-2008 03:04 PM

انا رأيي سيتي

**ابوشريف** · 11-06-2008 04:16 PM

حيره فى نوعين قريبين جدا لبعض فى اشياء كثيره

انا كنت معجب بالسيتى علشان استهلاكها للبنزين وصوت موتورها الناعم جدا

لكن لما شفت الحوض بتاعها حسيت ان الصاج ضعيف مثل الورق

وشفت كمان عربيات سيتى مخبوطه خبطات بسيطه ومأثره عليها كتير

اذا كان مفيش غير الاختيارين دول

انا اقولك ياريس بناء على كم المشاركات الهايل اللى قريته هنا فى المنتدى بخصوص هاتين السيارتين

**hazem_khidr** · 13-06-2008 06:23 PM

هو حصرتك الموضوع دا اتهري مناقشه.
انا رايي الياريس و بدون تحيز مش علشان انا مالك لها
لكن لاسباب كتير خلتني افضلها عن 10 عربيات كنت بقارن بينهم و انا بشتري!!!!!
ايوه عشر عربيات و الله لاني مش كل يوم حجيب عربيه جديده فكان لازم احدد اختياراتي بدقه
و الياريس بتتمتع بالاتي
1.تقفيل ياباني 100% بعكس السيتي
2.تقفيل الصالون ممتاز بعكس السيتي ايضا
3.موتور قوي و السيتي برضه موتورها قوي.
4.استهلاك بنزين قليل جدا(350 كيلوفي الصفيحه) و السيتي استهلاكها كويس بس ما اعرفش كام كيلو.
5.توافر قطع الغيار خارج التوكيل بعكس السيتي,
6.قطع غيار ارخص من السيتي
7.اي ميكانيكي كويس ممكن يصلحها بعكس السيتي برضه كل حاجه عاوزه توكيل.
8.شكلها في رايي افضل من السيتي بكراحل و شكلها مش حيقدم قبل 4 سنين كمان.
9.نفس موتور الكورلاا من 2002 الي 2007 و الكل بيشهد للموتور دا بالاعتماديه
دي نقط خلتني افضل الياريس عن اي عربيه تانيه بصراحه
عيوبها بقي
ما ظهرش معايا عيوب قاتله الحمد لله لحد انهارده لا عندي ولا عند ابن خالي اللي بقالها معاه سنتين و عامل 60 الف كيلو!!!!
1.الاكصدامات ضعيفه
2.بالنسبالي غير مريحه للمسافات الطويله و دا يمكن لاني متعود علي وضعيه قياده منخفضه مش مرتفعه .
3.حاليا تمنها بقي مغالي فيه اوي
و بصراحه لو بشتري حاليا كنت حعيد حساباتي تاني لاني سعرها زاد 5000 عن ما جبتها !!!!!!!
بس متهيالي لو كنت فكرت تاني كنت جيبها برضه:)

**ahawit** · 13-06-2008 06:38 PM

شكرا يا أستاذ حازم على المقارنه الدقيقه والسريعه دى بس بينى وبينك أنا بيعجبى صالون السيتى عن الياريس أكتر.

مش عارف بس هيا أذواق والأختلاف فى الرأى لا يفسد للود قضيه

وشكرا تانى على أهتمامك وردك. وربنا يباركلك فى عربيتك وتغير للأحسن ان شاء الله

**hazem_khidr** · 13-06-2008 07:08 PM

لا شكر علي واجب يا باشا:)
السيتي كويسه ما قولتش حاجه لكن كل واحد بيختار اللي يناسبه.
يعني مثلا انا عايش في المحله
لو احتجت تيل فرامل او سير دينامو قطع
لو معايا سيتي حوقفها لحد ما انزل اجيب قطع غيارها
انما الياريس حلاقي قطع غيارها موجوده و مش حعطل او اوقف العربيه علشان قطعه غيار لا تتعدي ال 100 جنيه.
انا فكرت فيها كده الصراحه.
بالنسبه للصالون ف دي اذواق
بس انا بتكلم علي جوده التقفيل نفسها
الياريس مكنتش عاجباني من جوه لكن لما بصيت علي النيو اكسنت و السيتي بصراحه حسيت ان الياريس افضلهم.
............
بقولك ايه ما تبص علي الكيا ريو
عربيه جميله جدا و تقفيلها ممتاز و ب 81 الف فول اوبشن ولو اتوماتيك ب 87 الف.
بصراحه لو كانت الريو موجوده زيرو ايام ما بشتري كنت ممكن اشتريها مكان الياريس.