حد شغال فى البنك الاهلى المصرى ؟ افاده

**فتح الباب** · 27-04-2012 05:15 PM

السلام عليكم ورحمة الله وبركاته.
بخصوص فتح حساب فى الاهلى المصرى
هل نظام التوفير يدرج تحت اسم (حساب) ام هو نظام مختلف وان كان هو حساب فهل يكون له رقم حساب عادى جدا مثله مثل الحساب الجارى مثلا ؟
وهل يمكن اى شخص من اى دوله عربيه او اجنبيه للتحويل اى مبلغ على حسابى (التوفير)
(انا اسف يظهر ان الموضوع هيطول فى الكتابه وعندى الكيبورد شبه بايظ فمش هقدر اواصل فى الكتابه ) لوتكرمت حضرتك اذا امكن لو في كتيب يشرح جميع انظمة الحسابات والمقارنه بينهم فى البنك الاهلى المصرى . واكون شاكر لحضرتك جدا

**just_magdy1** · 27-04-2012 05:27 PM

حساب التوفير هو احد الحسابات بعائد فى البنك الاهلى وأكيد له رقم حساب
حضرتك بتروح اقرب فرع ليك من فروع البنك الاهلى وتفتح حساب ( الحد الأدنى ٥٠٠ جم )
وبتاخد رقم الحساب وبعد مايقرب من اسبوع بتستلم بطاقة خصم
وممكن اى شخص يبعت فلوس على حسابك لو اعطيته رقم الحساب ورقم الفرع اللى حسابك فيه او اسمه
بالتوفيق ان شاء الله

**فتح الباب** · 27-04-2012 05:48 PM

عفوا يافندم ايه هى بطاقة الخصم وهل حساب التوفير له دفتر ام كارت فيزا ولا ايه . ممنون لحضرتك جدا

**د.محمود صلاح** · 27-04-2012 09:04 PM

كارت الخصم هو كارت debit card يعني كارت بنكي يخصم من رصيدك المتاح فقط واسمه visa electrone وده بيعملوه على اي حساب توفير او جاري او حتى شهادة ايداع

رصيدك في البنك بيتعمل له دفتر ولكنه متخزن على نظام الكمبيوتر عندهم والدفتر ده اصبح صوري الى حد كبير ....

التحويل بيكون بحوالة بنكية من البنك الاجنبي الى مصر وبيكون بالدولار والبنك بيحوله للمصري الى حسابك بسعر الصرف في يوم التحويل

**د.محمود صلاح** · 28-04-2012 01:26 PM

حساب التوفير له رقم حساب بيتم التحويل له مباشرة بحوالة او تيلكس مثله مثل الحساب الجاري

**Ahmed Selim** · 28-04-2012 01:35 PM

أى حساب فى البنك سواء جارى أو توفير له رقم حساب

الحوالة البنكية دى بتبقى من بنك لأخر و بتصب فى ألأخر فى رقم حساب المحول إليه........اللى هو حضرتك الكلام ده سواء جارى أو توفير.

رقم حساب العميل فى أى بنك بمثابة رقم التعريف الشخصى ليك أو الرقم القومى بحيث أن أى موظف عند إعطاءه الرقم بيدخل على السيستم و يعرف أنت حسابك فيه كام و يعرف بياناتك و عنوانك و رقم تليفونك إلخ.

الكروت عامة نوعين.........
1- خصم مباشر من الحساب
2- خصم على الحساب ( بمعنى أنك بتخد فلوس من البنك مش من حسابك الشخصى )

تانى نوع ده لو مدفعتش الفلوس اللى أخدتها بالكامل خلال 50 إلى 55 يوم من ساعة ما أخدتها البنك بيحسب عليك فايدة على المبلغ المستخدم.......حتى لو كان باقى جنيه واحد مدفعتوش.

أما النوع الأول فده بدون فوايد خالص لأنه من فلوسك الشخصية و بالتالى لو حسابك مفيهوش فلوس مش هيسحب معاك.