الموضوع: هما الناس جرالهم ايه ......... تجربتي مع السواقة

سبقتك يا أم ميرنا :)
بس زي ما موترايزر قال لك.. خليكي كوووووووووول

المشاركة الأصلية كتبت بواسطة m_18c_m

الواحد يبقي ماشي بعربيتة وواخد الحارة بتاعته وعلي سرعة مقبولة ويلاقي مليون كلاكس من وراها . طيب اعديه ازاي وانا اصلا لسة بخاف اني انقل من حارة للتانية ولازم اقعد شوية واستني الحارة لما تفضي شوية . بلاقي اللي يزعق واللي يطلع ايديه مستنكرا ومستهجنا كأني مخلوقة غريبة ماشية علي الطريق .دا طبعا غير النقل والميكروباص اللي بيرموا عليك رمية تودي في داهية
واما بقي المشاه فدا موضوع تاني
الناس ماشية كانهم سكرانين هو دا من الهموم ولا اصبحوا عندهم لا مبالاة باي حاجة
حياتهم رخيصة ولا ايه ، مليون كلاكس عشان الواحد ينتبه ويوسع الطريق ، ولا حياة لمن ينادي
هي دي بقت حالة الناس فعلا ولا انا اللي مكبرة الحكاية

عندك حق فى كل كلمه قولتيها الناس ماشيه على رأى المثل إعمل فيها عبيط

أنا بردوا لسه جايب سبارك جديده ولسه جديد فى السواقه بس بعرف أسوق

بكون ماشى فى الحاره وألاقى الكلكس اللى ورايا ولما بكون ماشى بالليل واحد ربنا

ياخده مشغل زينون خلانى إتعميت .وقبل كده ميكروباص ماشى سريع وعمال يعمل

غرز فجأه راح خبطلى الرفرف اليمين من تحت الكشاف وبقى منظر العربيه رخم

هو خبطنى من هنا وطااااااار من الناحيه التانيه .ومره ألاقى واحد راكب لانسر 2008 وماشى عكسى وكنا هانعمل زى البيض اللى بيتقش بس الحمد لله جت سليمه

ومفيش حاجه حصلت والله بينى وبينك حلال فى الشعب القوانين اللى بتتعمل يارب

ينزل قانون للى ماشى معاكس يتوقف عن ركوب العربيه 5 شهور ويفضل قاعد من

غير العربيه .علشان يتعلم الأدب .بقيت ماشى مش لاقى ولا عربيه سليمه نهائى

حتى الـBMW الجديده واخده خبطه فظيعه من ورا ومن الجناب وشكلها زفت الله

يكون فى عون صاحبها .معلش بقى طولت عليكم الموضوع مش هايكفى منتدى

بالكامل .شكرا على موضوعك .