حادث سرقة جماعي في مدينة الشيخ زايد

**me_medoo** · 28-04-2012 12:16 PM

المشاركة الأصلية كتبت بواسطة taotao

معلش تعقيباً على كلمة "متخططة صح" لما باقارن شارع القصر العيني (أو أي شارع في القاهرة الخديوية) بشوارع أكتوبر باتجنن!!! شوف أي شارع في وسط البلد، هاتلاقيه أوسع من أوسع شارع في أكتوبر !! وخللي بالك احنا بنقارن بين شوارع تم تخطيطها من 150 سنة وشوارع تم تخطيطها من 25 سنة !!!

من 150 سنة كان تعداد القاهرة لا يتجاوز المليون وماكانش فيه سيارات ، بينما أكتوبر بعد 120 سنة من بناء القاهرة الخديوية شوارعها ضيقة وخانقة (وهي مدينة مليونية زي ماهو مكتوب في تعريفها هي والشيخ زايد) !!!!

أنا مش فاهم البني آدم اللي "خطط" كان في دماغه إيه؟؟ بيت جحا؟؟ ده فيه شوارع بتفوتني من كتر ماهي ضيقة ماباخدش بالي منها !!

ماعلينا بس كلمتك قلبت علي المواجع

حبيبي قلبي يا أستاذ تاو تاو ... فعلاً معاك حق فاكـر مدينة نصر زمان ... كان ممنوع تعلي في المباني بسبب قرب المطار ... وهوباااااا مفيش كام سنة ولقينا عمرات وأبراج مبنية بالعشرة والخمسطاشر دور ... وبقى في أزمة طرق وأزمة باركن ... نفسي الحكياة في أكتوبر ( وأنا لمن أقول أكتوبر أقصد من أول دريم بارك للشيخ زايد لمدينة مبارك للمتميز للحزام الاخضر لورى المصانع كلها ) كل الناس الي فيها الي بنت عملت أثاثات عماير لأن عندهم أمل أنو يطلعوها أبراج .. يعني هيبقى في كثافة سكانية عالية ... الطرق الي فيها متستحملش الكلام ده كلو وزي ما بنشتكي من الزحمة في مدينة نصر زي مابنشتكي دلوقتي من الزحمة بالذات وقت خروج الطلبة مع خروج الشركات على خروج المصانع الطرق بتتقفل والمحور بيتشل تماماً ...

وشوارع صغيرة جداً وأرصفة كبيررررررة قاد كده ... مع ان مفيش حد بيمشي على الرصيف أساساً هههههه ...

فساد فساد فساد غرق وأثقل كاهل مدينة أكتوبـر ... ومشين على سياسة ودنك منين يا جحا ... يعني مثلاً قدام هيبـر بدل الاشارة الي عملنها دي وكم المطبات الكتيرة دي والناس الي بتعدي على رجليها ميعرفوش يعني ايه أشارة أساساً ومش شايفينها اذا كانت خضرة ولا حمرة ولا فوشية وكل حمار بيعدي وخلاص ... طيب فيها ايها لمن يعمللهم حتت كوبري مشاه ... كام بني أدم أتفعص هناك وأتداس على الطريق وأتهرس وبقى صلصة ... وكل واحد يتهرس على الطريق السريع يقومو يعملوا مكانو مقام بس بدل ماهو بقبة يعملوها على شكل مطب تخليداً لذكراها ... طيب يابني أدمين ماتعملو كوبري مشاه ولا نفق مشاة شغلوا مخكم شوية !!!

هيخسر ايه لو الحج هيبر 1 مايعمل كوبري مشاه على حسابو وسلالم كهربا كمان زي بتاعت كورنيش الاسكندرية كده ماهو بيكسب قد كده بسم الله مشاء الله ... ولا من فلوس الهبش والضرايب بتاعت المدينة ...
أنتا عارف حضرتك لو عملو كوبري مشاة شيك وحطو عليه يفط منيرة اليفطة الواحده بتتأجر ب 35000 جنيه في الشهـــر يعني هيجيب تمنو في ظرف سنـة وتمن كباري مشاه أكتوبر كلها . خلينا ساكتين متقلبش عليا المواجع ... سمحني يا أستاذ أيهاب أني طلعت على الموضوع بس من جواياااااا نار نار يا غالي .... وكل ما اسوف الهبش الي بيهبشوه مننا والاقي فلوسنا تتحول لسويسرا بتجنن ... وفوق ده وده مفيـش أمـــــن وعمالين نتسرق فوق الهبـش ... وعلى فكرة الحرامية بينطو على البيوت يسرقو العربية في الجراشات الي تحت الارض ... ويسرقو البيوت ذات نفسها واللهِ حرام بجد بجد حـرام ... يعني هيا وزارة الداخلية شارية العربيات الجديدة قسط وعلى حساب أبوها ... ماهو كلو من خيرنا ومن فلوسنا ... وفي النهاية بلاقيهم بيتفسحوو في بعرابيتهم الجديدة في شوارع اكتوبر ... وتحياتي .

**المنسي** · 28-04-2012 12:39 PM

المشاركة الأصلية كتبت بواسطة me_medoo

هههههه حبيب قلبي يا استاذ خالد نسيت تقول عمارة نمرة كام ونمرة الشقة يا جماعة. خلو بالكو متحطوش بيناتكم الشخصية على الانترنيت. اي واحد هيعمل بحث عنك في جوجل. هيطلع بيناتك ... ومحدش هيعمل بحث عنك الا اذا حابب يئذيك او يجيبك

وبعدين استاذ منسي بتقول رشاشات وحادثة حصلت لاستاذ ايهاب فين ياباشا نورنا الله يباركلك علشان مع الاسف انا ساكن هناك
الحادثة حصلت له من فترة قريبة وكان حكى عنها هنا فالمنتدى وغالبا كانت فى طريق اللى جاى من ميدان جهينة ورايح حى الاشجار الطريق اللى فيه على يمينك النسايم مش عارف ولا البشاير حاجة كده تقريبا هو ده اللى استاذ ايهاب قصده عليه
انا امنية حياتي نفسي قبل ما اموووووووت واقابل رب العالمين.
الاقي عملية جلاء لجيوش سواقين الفيوم. وعمال الفيوم نفسي افتح عيني في يوم من الايام. ويقلولي اسكت اسكت مش الجالية الفيومية انسحبت من اكتوبر. ومعدش ولا واحد فيومي فيها يااااااااااه ده انا ممكن ادبح عجل كده لوجه الله
انت بتتكلم عن السواقين تعالى انزل الفردوس ولا حدائق الاهرام شوف كمية اللى جايين من الفيوم ومحتيلنها اشى سواقين ميكروباص على سواقين تكاتك على بوابين ربنا يرحمنا منهم

المشاركة الأصلية كتبت بواسطة ehab_osman

لا تخاف يا اخي وخليها علي الله ............. وعلي فكرة في نفس يوم الجمعة .. بتاع الرشاش ...... اختي الدكتورة كانت راجعه من شغلها من نفس الطريق تقريبا الساعة 1 صباحا .
وربنا ستر .

ربنا يسترها علينا وعليك بس انا عايز اعرف الطريق ده فين بالظبط هل هو الطريق اللى بعد ماتعدى ميدان جهينة وتدخل اكنك رايح على حى الاشجار وفى اخره على اليمين كمباوند النسايم وعلى شماله نادى وادى دجلة ولا فين بالظبط عشان الواحد يخلى باله

**me_medoo** · 28-04-2012 03:46 PM

لا اله الا الله ... هو الاحتلال وصل لغايت عندكم هناك .
طيب ليه ما انغير اسم المحافظة وبدل ما يبقى اسمها مدينة السادس من أكتوبر يبقى أسمها مدينة الساس من فيوم ... وبدل الشيخ زايد نسميها مولد الشيخ الفيومي ... وبدل حدائق الاهرام تبقى حدائق الفيوم ههههههههههههههه . على الاقل تبقى أسم على مسـمى .

ياجماعة خلونا نكون متفقين حوادث السرقة والقتل في أكتوبر وضواحيها مش من سكنها ... لكن من الوافدين عليها .ألي بيمثلوا خطر على أمن المدينة وبيمثلوا أنحلال وحالة من الفوضى والهمجية في المدينة ... الي أنبنيت برؤوس أموال ناس محترمة كانو بيسعو ويبحثو عن الامان والهدوء والحياة الجديدة النظيفة... ورؤوا في أكتوبر هيا المستقبل للحياة في مصــــــــر ... لكن المستقبل بقة بالنسبة لنا جحيم :

1- حالة من فوضى وساقين النقل .

2- أنتشار التكاتك المزعجة بصوت أغاني وطبل ليل نهار وميخليش الواحد يرتاح في بيتو نهائي لأنو بقى حاسس انو عايش في الشارع .

3- أنتشار بائيعي الروبابكيا بميكروفوناتهم العالية القادمين من الفيوم
ويزعجو السكان ليل نهار .

4- أنتشار البائعون المتجولون في كل حته القادمون من الفيوم رغم وجود كم هائل من الاسواق المحترمة يعني مينفعش الاقي على المحور السريع هاي واي واحد راكن نص نقل بيبع يوستفندي ولا بطيخ عليه ...

5- أحتلال البوابين للمنطقة ... حتى بعد ان رفضناه ومدفعنلوهوش الشهرية بنى عشة على أول الشارع وقعد فيها بالعافية .

6- المشي عكس السير والوقوف في نص الطريق (سواقين الفيوم)
مش عاوز أقلك الساعه 12 بالليل امام الحصري في الاشارة واحد موقف نص نقل في نص الاشارة وقاعد بيغسل عربيتو النص نقل الدبابة .
ومشمر جلبيتو وعدم المؤخزة لباسو الابيض باين . ولاكان ده ميدان ومعلم سياحي لاكتوبر ولا كان في ستات في الشارع ولا كانو واقف في نص الشارع في الاشارة وعايش كده مع نفسو .

9- هجوم سكان الفيوم على شقق ومساكن وقرى سياحية في أكتوبر أثناء الثورة وأحتلالها بحكم وضع اليد وبأعتبار أن هذه الشقق من حقهم ... مش من حق المغتربين الي أشتروها وتعبو وشقيو في تمنها وفي أقساطها والي شايل فيها سيغة والي شاري عبش جهاز لبنوتو كل ده أتشفط والجيش لم يستطيع أرجاع شيء سوى الشقق فقط لأصحابها .
وأكتفى بالطرد .

8- أنتشار حوادث السلب والنهب والسطو على السيارات والبيوت بكثرة وكثافة غير حوادث القتل وعدم شعور السكان بالامن أو الامان .

كل دددددددددددده واحنا كسكان في المنطقة مش قادرين نمنعهم أنهم يدخلو مدينتنا ؟؟؟؟

**Khaled Lanos** · 28-04-2012 04:12 PM

المشاركة الأصلية كتبت بواسطة me_medoo

هههههه حبيب قلبي يا استاذ خالد نسيت تقول عمارة نمرة كام ونمرة الشقة يا جماعة. خلو بالكو متحطوش بيناتكم الشخصية على الانترنيت. اي واحد هيعمل بحث عنك في جوجل. هيطلع بيناتك ... ومحدش هيعمل بحث عنك الا اذا حابب يئذيك او يجيبك

ههههههههههههه حبيب قلبي والله يا استاذ ميدو ضحكتني هههههههههه

تصدق مخدتش بالي من الحتة دي

!!

بس انت معاك حق ألف شكر ياباشا على التنبيه.

دلوقتي هكلم حد من الإدارة ان شاء الله عشان أعدل البوست ده.

**haroun707** · 28-04-2012 04:52 PM

اولاً ربنا يعوض عليك ان شاء الله

وانا لى صديق كان من ضمن الناى اللى عربياتهم اتعرضت للسرقة

بس هو عمل محضر على طول

.

**Sehsss** · 28-04-2012 08:21 PM

قدر الله وما شاء فعل

**المنسي** · 29-04-2012 03:57 PM

المشاركة الأصلية كتبت بواسطة ehab_osman

ذهبت صباح اليوم الاحد 29-04-2012 الي قسم شرطة الشيخ زايد لعمل محضر للمفقودات ، اول حاجة قلت ما تعملش فيها شاطر .......... واسأل علشان توصل بسرعة ؟؟؟؟؟؟؟؟؟؟؟؟؟
وفعلا وانا ماشي الساعة 9 صباحا شفت - في حتة مقطوعة - 2 امناء شرطة بيشورو ... رحت واقف ؟؟؟؟؟ راحين فين يا جماعة ........... رايحين القسم ؟؟؟؟؟؟؟؟؟؟؟؟ يا صلاة النبي ...... يالللاه وانا كمان ................. طلع وراء المعهد الازهرى - وامام القسم فيه نادى فيه حمام سباحة ........... اسمه ايه مش عارف .....؟ طلع القسم كله عارف اللي حصل يوم الخميس من سرقات ، عدد المحاضر الفعلي 20 محضر شرطة .
المهم انا بلغت و عملت ثلاث مذكرات فقد اشياء ثمينة .
والحمد لله علي كل حال .

الحمد لله على كل حال وربنا يقويك على تطليع الورق والمستندات دى تانى بس اما هما عارفين مش بيتحركو ليه ويحطو كمين فى الحتة دى حاجة غريبة والله

-

-

الموضوع: حادث سرقة جماعي في مدينة الشيخ زايد

LinkBack

أدوات الموضوع

عرض

-

-

-

-

المواضيع المتشابهه

ازاي اروح الشيخ زايد / مدينة نصر من السوبرجيت ؟

حادث سرقة جماعي في مدينة الشيخ زايد ...

الشيخ زايد

لو عاوز اشتري قطعة ارض تتبع جهاز مدينة 6 أكتوبر او الشيخ زايد اعمل ايه

الشيخ زايد

الكلمات الدلالية لهذا الموضوع

المفضلات

المفضلات

ضوابط المشاركة