اده هيا اسعار التويوتا المستعملة ولاعت !!!!

**me_medoo** · 28-04-2012 03:16 AM

مش ممكن ابداً الي بيحصل ده يا جماعه ايه هو السوق حصلو ايه
كل ما اجي ابص بصة على سعر التويوتا يارس الاقي. واحد حططلي عربية موديل ٢٠٠٧ وطالب حاجة وسبعين الف جنيه. وواحد معاه موديل ٢٠٠٩. شاريها ب ٨٥٠٠٠ جنيه وعاوز يبعها في سنة ٢٠١٢ يعني تلات سنين استخدام ب. ٨٠.٠٠٠

ياجماعه صحيح. ان التويوتا. دي عربية جوهرة بس دي عربية مش طقم ذهب !!!!!

**mazher_m** · 28-04-2012 03:23 AM

يا باشا خير
دي حاجه تفرح متزعلش

**me_medoo** · 28-04-2012 03:31 AM

ناس كتير بتسئلني هيا التويوتا بكام دلوقتي بقلهم معرفش واحد بيقلي الكورولا. ٢٠٠٧ ب ١١٠ الف جنيه بقولوا كمان معرفش ، بجد بجد معرفش التويوتا بالذات مبقاش ليها مقياس محدد ، وتتفاجئ ان في السوق دلوقتي تجار مبيشتغلوش غير في التويوتا وبس تقولوا فيرنا تقولوا هونداي ولا نيسان يقلك لا حضرتك انا تخصص تويوتا ، لان نادر الي عندو عربية تويوتا يبقى عاوز يبعها. الا اذا وهو ماشي اتكعبل في طوبة. او حفرة وادلق واتكفى ووقع على راسو ، او وشو ، فالخبط دي ممكن تسببلو. ارتاجج في القولون فتخليه يبيع التويوتا الي معاه ، ويجي ياعيني. يشتريها منو تاجر ويعلي في سعرها فوق سعرها

والي يغيظك الناس الي بتدحك على الناس وتقولك كاملة اتوماتيك وتقلوا ليه فيها ايه. يقلك فيها اربعة حزام امان واتنين ايرباج ومراية في نص البرفريز وفيها لاستيبن الاصلي بتاع بلدها وفيها مرايات كهربا هههههههه طيب يا عم الحج دي اساسيات في التويوتا استندر وكده تبقى عربيتك فاضية مش كاملة يقلك ياباشا دي مريات كهربا قلتلوا هتلي تويوتا في مصر مرايتها. اووووكر ده حتى الميكروباص بينزل مرايتو كهربا ههههههه

ياااااااه على الجهل !!! عاوزين يدحكو على الناس باي شكل وباي طريقة ( التجار) ولاد التيت وملهمش اي شغلانه. ولا عمله غير انو يقلب في العربيات. ويولعوووو في اسعار السوووق بجد بجد حاجة تخنق
لمن تيجي تبيع يوقعولك سعر عربيتك. ولمن تيجي تشتري يحسسوك انو جايبلك عربية تويوتا. من القمر

**me_medoo** · 28-04-2012 03:38 AM

المشاركة الأصلية كتبت بواسطة mazher_m

يا باشا خير
دي حاجه تفرح متزعلش

هيا تفرح وفي نفس الوقت تخوف وتقلق ان الناس تعزف وتبعد عن شرى التويوتا ويقلك لاياعم بلاش تويوتا دي كلها مع تجار وياخوفي لا التجار يبتدو يلعبو في عدداتها وساعتها هتبقى التويوتا مشمووومة في السوق. فوجود التويوتا مع ناس تجار حاجه تخوف وتقلق. بجد بجد

**S O P H O S** · 28-04-2012 03:40 AM

انها حقا سياسة السوق

**me_medoo** · 28-04-2012 03:55 AM

ابسط يا بوحميد فاكر زمان لمن مكنتش عاجباك الكورولا هههههههه. اهو دلوقتي لو فكرتك تبيعها حط على تمنها عشر بكاوي براحة وبيع بسم الله مشاء الله هههههههه

**S O P H O S** · 28-04-2012 03:59 AM

ههههههههههه يا ميدو يا حبيبي انا جايبها من قريب
والحمد الله اتروقت بردوا متقلقشي
وانهاردة حتي فالجراج اتحكت فالرفرف الخلفي ناحية السواق الحته الي فوق الكاوتش
وكان نفسي امسك الواد الي هناك مش هينفع اقولك بقي انت فاهم الرقاية
بس الحمد الله علي كل شئ
ناقصلي خبطة كمان واوقفها فنص الشارع احسن لي

**BLOODY_STONE** · 28-04-2012 12:01 PM

المشاركة الأصلية كتبت بواسطة ahmed1006

ههههههههههه يا ميدو يا حبيبي انا جايبها من قريب
والحمد الله اتروقت بردوا متقلقشي

وانهاردة حتي فالجراج اتحكت فالرفرف الخلفي ناحية السواق الحته الي فوق الكاوتش
وكان نفسي امسك الواد الي هناك مش هينفع اقولك بقي انت فاهم الرقاية
بس الحمد الله علي كل شئ
ناقصلي خبطة كمان واوقفها فنص الشارع احسن لي

ربنا يعينك و يعيني ... ده انا جبت اخري من الجراج ... برش اكصدامين كل سنة مرة بسببهم و كان عندي حكة زيك برضه في نفس المكان و اتنيلت رشيت الرفرف اللي ورا الله يحرقهم ...

**me_medoo** · 28-04-2012 12:30 PM

ههههههههه انا مش عاوز اقلكم حتى انا عندي حكة في نفس المكان ... بس ده لأني كنت راكن فوق الرصيف تحت شجرة والعربيات كلها راكنه فوق الرصيف وجي أمشي بصيت لقيت عربية جيب راكن قدامي بالعرض قال يعني احنا الي ولاد تيت ركنين فوق الرصيف وهو بقة الذكي الشاطر المحترم بيركن قدام الرصيف وسايبلي متر وربع كده من ورى عربيتو بينو وبين الشجرة يادبوك اقدر اطلع عربيتي منها المهم يمين شمال فين وفين لحد ماطلعت ام العربية وعلى سانتي واحد قام ككخخخخخخ وحكيت الرفرف الخلفي نزلت طبعاً وأقول عررررررررربيتي لألألألألألألألألألألألأ مستحيل ... سامحيني يا لوزة ... سامحيني يا حبيبتي اني جرحتك وعورتك ... المهم رحت بسرعه جايب قطنة بميكروكروم كده (بولش) وبحاول أطهر الجرح بس الجرح غويط محتاج غرز ... واانا عمال بداويها بصيت لقيت بتاع الجيب حط مفتاحوا في عربيتو وخد بعضو وقال يا فكيك ... هههههههههههههههه

**ibn_seena** · 28-04-2012 02:13 PM

المشاركة الأصلية كتبت بواسطة me_medoo

ههههههههه انا مش عاوز اقلكم حتى انا عندي حكة في نفس المكان ... بس ده لأني كنت راكن فوق الرصيف تحت شجرة والعربيات كلها راكنه فوق الرصيف وجي أمشي بصيت لقيت عربية جيب راكن قدامي بالعرض قال يعني احنا الي ولاد تيت ركنين فوق الرصيف وهو بقة الذكي الشاطر المحترم بيركن قدام الرصيف وسايبلي متر وربع كده من ورى عربيتو بينو وبين الشجرة يادبوك اقدر اطلع عربيتي منها المهم يمين شمال فين وفين لحد ماطلعت ام العربية وعلى سانتي واحد قام ككخخخخخخ وحكيت الرفرف الخلفي نزلت طبعاً وأقول عررررررررربيتي لألألألألألألألألألألألأ مستحيل ... سامحيني يا لوزة ... سامحيني يا حبيبتي اني جرحتك وعورتك ... المهم رحت بسرعه جايب قطنة بميكروكروم كده (بولش) وبحاول أطهر الجرح بس الجرح غويط محتاج غرز ... واانا عمال بداويها بصيت لقيت بتاع الجيب حط مفتاحوا في عربيتو وخد بعضو وقال يا فكيك ... هههههههههههههههه

هههههههه
كويس ان شنطة الاسعافات كانت موجودة.
والا لوزة كانت فضلت تنزف لحد البيت.

عموما انا اخويا حك لوزة بتاعتي من عند الكاوتش اليمين الوراني كده وهو بيدخلها الجراج واخد جزء من الباب والاكصدام كمان. نفس الحكه تقريبا. واضح ان دي منطقة عزيزة على شركة تويوتا

الموضوع: اده هيا اسعار التويوتا المستعملة ولاعت !!!!

LinkBack

أدوات الموضوع

عرض

اده هيا اسعار التويوتا المستعملة ولاعت !!!! - انشر الموضوع فى :

-

-

-

-

-

المواضيع المتشابهه

اسعار العربيات المستعملة

اسعار السيارات المستعملة في مصر الان

اسعار قطع غيار الشاهين المستعملة

اسعار الاسترا المستعملة؟؟؟

لو حد يعرف اسعار البيكانتو المستعملة ...

الكلمات الدلالية لهذا الموضوع

المفضلات

المفضلات

ضوابط المشاركة