زحلقة العربيه فى الرمله أنيل مليون مرة من السيراميك و أنت لابس شبشب مبلول

عملت حوادث كتيرة جدا فى تاريخ حياتى رغم أنى محترفة والله فى السواقة:girlsthink:
لكن الحادثة دى تعتبر غريبة أوى لأنها جت فى الصميم زى مابيقولوا و حوالى خمس ثوانى رعب


أولا أنا بقالى فتره طويلة باخد برشام بينيم أساسا حتى لو أنت لسه صاحى
ثانيا أنا كنت فى الطريق لوحدى و مفيش عربيات تانيه خااااالص و كنت قافلة الأزاز و مشغلة التكييف و أغانى حمزة نمرة و طايرة فى نص الشارع


و فجأة و بدون مقدمات دماغى صدعت قفلت عينى و فتحتها و ببص أدامى لقيت مطب شكله فى منتهى التخلف تحس أنه معمول عشان يقطع الكاوتش مثلا
حطيت رجلى على الفرامل و فجأة و بدون مقدمات لقيت العربيه بتتزحلق لأدام و بتنحرف على الجمب اليمين و أنا عماله ألف الدريكسيون على الشمال عشان أعدل وش العربيه للطريق لكن العربيه أتخبطت فى رصيف و أتعدلت تانى لوحدها مع كمية تراب حوليا كأنى فى عاصفة الصحراء كل دة حصل فى حوالى خمس ثوانى بالظبط
نزلت شوفت أية النظام و الخساير ملقتش حاجات كتيرة يعنى بس الخساير كلها كانت فيا أنا و الحمد لله
على العموم أنا حبيت أتكلم فى الموضوع بالذات عشان أنا مكنتش فاكرة أن الرمله أنيل فعلا من السيراميك و أنت لابس شبشب مبلول:penguin4:

الحمد لله انها جات سليمة
هيا الرملة بتعمل اكتر من كدا لو مفيش abs

اولا الف سلامه عليكى وكويس انها جت على قد كدا
ثانيا اكيد العربيه مفيهاش abs
لما يكون قدام ا ى مطب او اى شىء ومسكتى فرامل جامد وبيكون فى انحراف فى الدركسيون لازم تسيبى فرامل وتمسكى تسيبى وتمسكى علشان تساعدى فى توجيه العربيه وهو ده الى حصل معاكى
وكتيير كمان بيحصل نفس الموضوع من غير ما بيكون فىه رمل او تراب
علشان استحاله تتحكمى فى الدركسيون وانتتى ضاغطه فرامل
ثالثا مينفعشى تاخدى برشام او اى دوا فىه منوم اثناء القياده خوفا عليكى وعلى الاخرين

اقتباس:

---

عملت حوادث كتيرة جدا فى تاريخ حياتى رغم أنى محترفة والله فى السواقة

---

طب ده اللي هو ازاي ؟ يعني ازاي محترفه سواقه و عملتي حوادث كتير ؟ يمكن الحوادث اتعملت قبل احترافك للسواقه ؟ الله اعلم

اقتباس:

---

أنا بقالى فتره طويلة باخد برشام بينيم أساسا حتى لو أنت لسه صاحى

---

انا اباخد اليربان و اكتيفيد بيعملوا احلي دماغ و خصوصا عشان عندي حساسيه ... انت بتاخدي ايه ؟ عشان الادويه دي بدأت تفقد تأثيرها معايا

اقتباس:

---

حطيت رجلى على الفرامل و فجأة و بدون مقدمات لقيت العربيه بتتزحلق لأدام و بتنحرف على الجمب اليمين

---

خرطوم الفرامل بتاع الجنب اليمين فيه تسريب ... بتابعي زيت الفرامل ؟

اقتباس:

---

المشاركة الأصلية كتبت بواسطة mohammedabdallh

اولا الف سلامه عليكى وكويس انها جت على قد كدا
ثانيا اكيد العربيه مفيهاش abs
لما يكون قدام ا ى مطب او اى شىء ومسكتى فرامل جامد وبيكون فى انحراف فى الدركسيون لازم تسيبى فرامل وتمسكى تسيبى وتمسكى علشان تساعدى فى توجيه العربيه وهو ده الى حصل معاكى
وكتيير كمان بيحصل نفس الموضوع من غير ما بيكون فىه رمل او تراب
علشان استحاله تتحكمى فى الدركسيون وانتتى ضاغطه فرامل
ثالثا مينفعشى تاخدى برشام او اى دوا فىه منوم اثناء القياده خوفا عليكى وعلى الاخرين
قصدها بتاخده لما تيجي تنام بس تاثيره استمر وظهر فاليوم ده. انا رايح موضوع النكت بتاعك ماتيجي وتجيب معاك شوية نكت جديدة.:bye2:

---

اقتباس:

---

المشاركة الأصلية كتبت بواسطة osama.m

الحمد لله انها جات سليمة
هيا الرملة بتعمل اكتر من كدا لو مفيش abs

---

وحياتك ما بتفرق حصلي موقف ب عربيه نيسان ليفينا لو تعرفها ....ولا بتفرق ولبسنا لبسا صح

إحترااااااااااااف + منوم = الحمد لله على السلامة ؟؟؟؟؟؟؟؟؟؟؟؟
ربنا يسترها معانا

اقتباس:

---

المشاركة الأصلية كتبت بواسطة ahmed_nubira

وحياتك ما بتفرق حصلي موقف ب عربيه نيسان ليفينا لو تعرفها ....ولا بتفرق ولبسنا لبسا صح

---

++++ 1

مينغعش تلبس شبشب مبلول وتطلع تجري علي السيراميك وترجع تعيط
يا ريت الناس تركز وهي سايقه ومتسرحش
ويسوقوا في كل مكان علي حسب طبيعه الارض مش علي حسب طبيعه العربيه

حمدالله على السلامة
السواقة مالهاش كبير
وياريت انا التزم الاول بالنقطة دى

اقتباس:

---

المشاركة الأصلية كتبت بواسطة osama.m

الحمد لله انها جات سليمة
هيا الرملة بتعمل اكتر من كدا لو مفيش abs

---

الحمد لله على كل شئ بس فيها فرامل ABS بس هيا ممكن تكون باظت ؟

اقتباس:

---

المشاركة الأصلية كتبت بواسطة mohammedabdallh

اولا الف سلامه عليكى وكويس انها جت على قد كدا
ثانيا اكيد العربيه مفيهاش abs
لما يكون قدام ا ى مطب او اى شىء ومسكتى فرامل جامد وبيكون فى انحراف فى الدركسيون لازم تسيبى فرامل وتمسكى تسيبى وتمسكى علشان تساعدى فى توجيه العربيه وهو ده الى حصل معاكى
وكتيير كمان بيحصل نفس الموضوع من غير ما بيكون فىه رمل او تراب
علشان استحاله تتحكمى فى الدركسيون وانتتى ضاغطه فرامل
ثالثا مينفعشى تاخدى برشام او اى دوا فىه منوم اثناء القياده خوفا عليكى وعلى الاخرين

---

أنتوا هتشككونى فى نفسى ليه بس هيا فيها ABS بس أنا مش عارفه دا بيبوظ ولا لأ
و كانت أول مرة فى حياتى بقى أجرب أفرمل و فى نفس الوقت بحرك الدريكسيون بس الحمد لله أنها مطلعتش فوق الرصيف و أتعدلت من البدايه و فعلا موضوع الدوا دا كانت غلطة أساسا

اقتباس:

---

المشاركة الأصلية كتبت بواسطة Screenplays

طب ده اللي هو ازاي ؟ يعني ازاي محترفه سواقه و عملتي حوادث كتير ؟ يمكن الحوادث اتعملت قبل احترافك للسواقه ؟ الله اعلم

انا اباخد اليربان و اكتيفيد بيعملوا احلي دماغ و خصوصا عشان عندي حساسيه ... انت بتاخدي ايه ؟ عشان الادويه دي بدأت تفقد تأثيرها معايا

خرطوم الفرامل بتاع الجنب اليمين فيه تسريب ... بتابعي زيت الفرامل ؟

---

الحوادث إلى كنت بعملها ساعات كلها كانت تلفيات فى الميكانيكا و دى حصلت كتير جدا بسبب الطرق الحلوة بتاعتنا لكن عمرى ماعملت حوادث خبطات زى دى
و الدوا إلى باخده حاجات للكحه و حاجات من دى
و بالنسبه لخرطوم الفرامل أو الكلام دة أنا مش بهتم بالميكانيكا أد مابهتم أنها ماشيه وخلاص و لو حاسه بحاجة قرايبنا كلهم موجودين برخم على أى حد يوديها تتصلح

اقتباس:

---

المشاركة الأصلية كتبت بواسطة ahmed_nubira

وحياتك ما بتفرق حصلي موقف ب عربيه نيسان ليفينا لو تعرفها ....ولا بتفرق ولبسنا لبسا صح

---

مانا كمان أتدغدغت أهوه :help1:
بس الحمد لله أن الخبطة جت فى أخر العربيه مش من أدام

اقتباس:

---

المشاركة الأصلية كتبت بواسطة medododo

إحترااااااااااااف + منوم = الحمد لله على السلامة ؟؟؟؟؟؟؟؟؟؟؟؟
ربنا يسترها معانا

---

لأ متقلقش والله ربنا بيسترها معايا كتير أوى بس المرة دى كنت اوفر جدا

اقتباس:

---

المشاركة الأصلية كتبت بواسطة SHNORY

مينغعش تلبس شبشب مبلول وتطلع تجري علي السيراميك وترجع تعيط
يا ريت الناس تركز وهي سايقه ومتسرحش
ويسوقوا في كل مكان علي حسب طبيعه الارض مش علي حسب طبيعه العربيه

---

شمتان فيا طبعا يا شنورى :angry26: وفعلا والله عندك حق و الجمله الأخيره دى فعلا أنا هطبقها بعد كدة لأن أنا عن نفسى كنت هتطبق

اقتباس:

---

المشاركة الأصلية كتبت بواسطة A.Saad

حمدالله على السلامة
السواقة مالهاش كبير
وياريت انا التزم الاول بالنقطة دى

---

ميرسى الله يخليك و ربنا يستر على الكل بس أنا حبيت اعمل الموضوع دة عشان الناس تاخد بالها و متفكرش ان الرمله عاديه و أن المايا بس الى بتزحلق

لو الكاوتش ماسح كمان بيساعد قوى على زحلقه العربيه حتى و انت دايسه على الفرامل فيفضل برضه مراجعه الحاله العامه للكاوتش و تغيير اى عجله النقشه ممسوحه عليها او مشيت كتير (اكتر من ٤٠ الف كم)

الحمد لله انها جت على قد كده و ممكن برضه الواحد فى الحاله دى يفرمل بالراحه و قبل المطب بثانية يسيب الفرامل انت كدا كده هتاخده

سعات بعمل كده لو لقيت مطب فجائى

خطأ سواق خدى بالك بعد كدا

اقتباس:

---

المشاركة الأصلية كتبت بواسطة manola

شمتان فيا طبعا يا شنورى :angry26: وفعلا والله عندك حق و الجمله الأخيره دى فعلا أنا هطبقها بعد كدة لأن أنا عن نفسى كنت هتطبق

---

لا والله
ربنا يسلمك من كل شر
بس محدش بيعمل حادث الا لما يكون غلطان ويقعد يلعن في الطرق والمطبات
هي طرقنا زباله رضينا ام ابينا
يبقي غصب عننا لازم نمشي بالطريقه الاسلم
كمان لما تحصلك حاجه تانيه متحكيش هنا قدام القاهرويه دول
دا انا بخوض معارك معاهم ومجادلات في سواقه الاسكندرانيه وانتي كده بتهدي اللي انا بنيته
لاني بدات اقنعهم انهم مبيعرفوش يسوقوا ههههههههههههههههههههههههه ههههههههه

الف سلامة و اعملي فحص للفرامل و الكاوتش و حاولي لما تغير شوفي كاوتش نقشته تتعامل
و هنا فعلا ينطبق مثل يوضع سره في أضعف خلقه حبة رملة ناعميين في الارض يعملوا اكتر من كده احمدي ربنا
كنت راكب جنب واحد في عربية هيونداي اكسيل و حبة رملية ناعميين في الارض و هو ضرب فرامل بس و العربية لوشت بينا في كل العواميد اللي في الشارع و فوق الرصيف و لفت و استقرت في نص الشارع بشكل معكوس جابت شنطة و الجنب اليمين كله اللي كنت قاعد فيه عملت أحلي دماغ من الخبط :)




شنوري بيه خلي بالك انت بتكلم لاعبة كونغ فوو بدل ما تلاقي ( شين تي توي ) في الطريق تطيرك هههههههههههه
( شين تي توي : ركلة مستقيمة ) لاعب ساندا قديم و مبطل لعب صميم :)

اقتباس:

---

المشاركة الأصلية كتبت بواسطة Axel

الف سلامة و اعملي فحص للفرامل و الكاوتش و حاولي لما تغير شوفي كاوتش نقشته تتعامل
و هنا فعلا ينطبق مثل يوضع سره في أضعف خلقه حبة رملة ناعميين في الارض يعملوا اكتر من كده احمدي ربنا
كنت راكب جنب واحد في عربية هيونداي اكسيل و حبة رملية ناعميين في الارض و هو ضرب فرامل بس و العربية لوشت بينا في كل العواميد اللي في الشارع و فوق الرصيف و لفت و استقرت في نص الشارع بشكل معكوس جابت شنطة و الجنب اليمين كله اللي كنت قاعد فيه عملت أحلي دماغ من الخبط :)

---

كنت رابط الحزام؟؟؟؟

اقتباس:

---

المشاركة الأصلية كتبت بواسطة shnory

كنت رابط الحزام؟؟؟؟

---

للأسف اه انا دايما بكون رابط حزام الامان الا في حالات جنب السواق مبربطوش الا قليل
و بسم الله ما شاء الله ساعتها الحزام قايم بواجبه ع أكمل وجه و اخر حلاوة في تثبيتي لتلقي الخبطات ههههههههههههههههه يا راجل بقولك الجنب اليمين اللي قاعد فيه كله و الشنطة ضاعوا تقولي حزام و بنطلون
و لما مكنتش رابط الحزام قبل رمضان اللي فات باسبوع كنت جنب اللي سايق برده جيه واحد خبطه من قدام و انا طيرت بدماغي في قايم الباب و الازاز من ضربة الفرامل هههههههههه فضلت عندي دوخة لمدة شهرين بعدها و الحمد الله راحت

يخربيت الادمان وعاميله
هههههههههههههه

حمدلله علي سلامتك

اقتباس:

---

المشاركة الأصلية كتبت بواسطة abdo_general

يخربيت الادمان وعاميله
هههههههههههههه

حمدلله علي سلامتك

---

البني ادم علشان يرضي مناخيره يضيع نفسه
ربنا يتوب عليهم
ههههههههههههههههههههههههه ههههههههه

حمد لله علي السلامه .... وربنا يعوضك خير :)))
ديه اخره التكنولوجيا .. مالو البلاط الصابون بيتحط عليه بيبتبخر اصلا هههههه
والقبقاب الخشب ده برده ... هو صوته عالي بس احتمال علشان سير الكاتينة جنزير هاهاها :))))

اقتباس:

---

المشاركة الأصلية كتبت بواسطة shnory

البني ادم علشان يرضي مناخيره يضيع نفسه
ربنا يتوب عليهم
ههههههههههههههههههههههههه ههههههههه

---

الادمان يطرق الباب في اي وقت :)))))

حمد لله علي السلامة

اقتباس:

---

المشاركة الأصلية كتبت بواسطة shnory

البني ادم علشان يرضي مناخيره يضيع نفسه
ربنا يتوب عليهم
ههههههههههههههههههههههههه ههههههههه

---

+111111111111
ههههههههههههههههههههه
يارررررررب

اقتباس:

---

المشاركة الأصلية كتبت بواسطة sonasteel

حمد لله علي السلامه .... وربنا يعوضك خير :)))
ديه اخره التكنولوجيا .. مالو البلاط الصابون بيتحط عليه بيبتبخر اصلا هههههه
والقبقاب الخشب ده برده ... هو صوته عالي بس احتمال علشان سير الكاتينة جنزير هاهاها :))))


هههههههههههههههههههههه هههههههههههههههههههه
الادمان يطرق الباب في اي وقت :)))))

---

ههههههههههههههههههههههههه ههههه ههههه
حمد لله على السلامه اولا ثانيا فى حاجه عايز اسأل عليها
هى الميكانيكا مالها و مال الطرق بتاعتنا علل لما يأتى ؟؟؟؟
ثالثا خلى بالك لما تلاقى نفسك كده حاولى متسوقيش
و ربنا يسترها علينا و عليكى
و يبعدكوا عننا فى الطريق
قولى امين
^_^

اقتباس:

---

المشاركة الأصلية كتبت بواسطة Land_Cruiser

لو الكاوتش ماسح كمان بيساعد قوى على زحلقه العربيه حتى و انت دايسه على الفرامل فيفضل برضه مراجعه الحاله العامه للكاوتش و تغيير اى عجله النقشه ممسوحه عليها او مشيت كتير (اكتر من ٤٠ الف كم)

---

فعلا الكاوتش رفيع جدا شكله هو السبب كدة

اقتباس:

---

المشاركة الأصلية كتبت بواسطة SASA3

الحمد لله انها جت على قد كده و ممكن برضه الواحد فى الحاله دى يفرمل بالراحه و قبل المطب بثانية يسيب الفرامل انت كدا كده هتاخده

سعات بعمل كده لو لقيت مطب فجائى

---

ميرسى على النصيحه و إن شاء الله تبقى أخر المطبات :brn:

اقتباس:

---

المشاركة الأصلية كتبت بواسطة lad

خطأ سواق خدى بالك بعد كدا

---

ربنا يستر

اقتباس:

---

المشاركة الأصلية كتبت بواسطة SHNORY

لا والله
ربنا يسلمك من كل شر
بس محدش بيعمل حادث الا لما يكون غلطان ويقعد يلعن في الطرق والمطبات
هي طرقنا زباله رضينا ام ابينا
يبقي غصب عننا لازم نمشي بالطريقه الاسلم
كمان لما تحصلك حاجه تانيه متحكيش هنا قدام القاهرويه دول
دا انا بخوض معارك معاهم ومجادلات في سواقه الاسكندرانيه وانتي كده بتهدي اللي انا بنيته
لاني بدات اقنعهم انهم مبيعرفوش يسوقوا ههههههههههههههههههههههههه ههههههههه

---

عندك حق والله بس أنا ساعات فعلا بكون مستعجله بس بعد الكلام الحلو دة تقولى ببوظ كل حاجة ماشى يا شنورى أشمت أشمت هههههههههههههههههه و على فكرة والله و أنا متأكدة الأسكندرانيه أفضل ناس بتعرف تسوق فى مصر

اقتباس:

---

المشاركة الأصلية كتبت بواسطة Axel

الف سلامة و اعملي فحص للفرامل و الكاوتش و حاولي لما تغير شوفي كاوتش نقشته تتعامل
و هنا فعلا ينطبق مثل يوضع سره في أضعف خلقه حبة رملة ناعميين في الارض يعملوا اكتر من كده احمدي ربنا
كنت راكب جنب واحد في عربية هيونداي اكسيل و حبة رملية ناعميين في الارض و هو ضرب فرامل بس و العربية لوشت بينا في كل العواميد اللي في الشارع و فوق الرصيف و لفت و استقرت في نص الشارع بشكل معكوس جابت شنطة و الجنب اليمين كله اللي كنت قاعد فيه عملت أحلي دماغ من الخبط :)




شنوري بيه خلي بالك انت بتكلم لاعبة كونغ فوو بدل ما تلاقي ( شين تي توي ) في الطريق تطيرك هههههههههههه
( شين تي توي : ركلة مستقيمة ) لاعب ساندا قديم و مبطل لعب صميم :)

---

لأ مش هتوصل للدرجة دى يعنى ههههههههههههههههههههههههه ه
و إن شاء الله هخليهم يعملوا فحص و كلام من دة عشان متتكررش تانى لحسن بعد كدة هيجيلى سكته قلبيه

اقتباس:

---

المشاركة الأصلية كتبت بواسطة abdo_general

يخربيت الادمان وعاميله
هههههههههههههه

حمدلله علي سلامتك

---

ماشى ماشى يا عبده هههههههههههههههههههههه
و حاولت أتعالج كتير من الأدمان دة بس مفيش فايده كل شوية بهرب و أتعاطى

اقتباس:

---

المشاركة الأصلية كتبت بواسطة SHNORY

البني ادم علشان يرضي مناخيره يضيع نفسه
ربنا يتوب عليهم
ههههههههههههههههههههههههه ههههههههه

---

طيش بقى يا شنورى

اقتباس:

---

المشاركة الأصلية كتبت بواسطة SonaSteel

حمد لله علي السلامه .... وربنا يعوضك خير :)))
ديه اخره التكنولوجيا .. مالو البلاط الصابون بيتحط عليه بيبتبخر اصلا هههههه
والقبقاب الخشب ده برده ... هو صوته عالي بس احتمال علشان سير الكاتينة جنزير هاهاها :))))



الادمان يطرق الباب في اي وقت :)))))

---

مش عارفة أنا ياما قولت البلاط حلو البلاط حلو لازم يعنى الفشخره الكدابه دى و كمان الباب عندى مش أتطرق دا الباب أتخلع خالص و المفصلات دابت

اقتباس:

---

المشاركة الأصلية كتبت بواسطة SYD

حمد لله علي السلامة

---

الله يسلمك

اقتباس:

---

المشاركة الأصلية كتبت بواسطة ahmedeihab

ههههههههههههههههههههههههه ههههه ههههه
حمد لله على السلامه اولا ثانيا فى حاجه عايز اسأل عليها
هى الميكانيكا مالها و مال الطرق بتاعتنا علل لما يأتى ؟؟؟؟
ثالثا خلى بالك لما تلاقى نفسك كده حاولى متسوقيش
و ربنا يسترها علينا و عليكى
و يبعدكوا عننا فى الطريق
قولى امين
^_^

---

يا أخى أستر عليا الله يسترك ههههههههههههههههههههههههه ه لما أقولك ميكانيكا مشيها ميكانيكا
بس فعلا أقولك مالها بقى , لما تلاقى العربيه كل فتره يتغير فيها و أنا أصلا بكسل أمشى خطوتين على بعض و بسيبها و فى الأخر بلاقيها عماله تعمل حركات غريبه يبقى أكيد العيب من الطرق و الميكانيكا و يتهئ لى فيه حاجة أسمها مساعدين بتبوظ ولا حاجة كدة بتخلى العربيه زى مراجيح مولد النبى
و إن شاء الله لما أخد برشام مش هسوق بس المشكلة أن أحنا داخل علينا فتره أمتحانات و لازم أسوق غصب عنى حتى لو بموت و ربنا يستر على الناس

اقتباس:

---

المشاركة الأصلية كتبت بواسطة manola

الباب عندى مش أتطرق دا الباب أتخلع خالص و المفصلات دابت

---

ركبي ستاره بقي
ولو معاكي فلوس اعملي براقع بدل الباب
الصيف داخل وقفل الابواب حيكتم العربيه

اقتباس:

---

المشاركة الأصلية كتبت بواسطة SHNORY

ركبي ستاره بقي
ولو معاكي فلوس اعملي براقع بدل الباب
الصيف داخل وقفل الابواب حيكتم العربيه

---

و ليه التكاليف و البذخ دة
ماهى التكاتيك مفتوحة على البحرى و مفيهاش ولا ستاير ولا براقع :funny34d:

اقتباس:

---

المشاركة الأصلية كتبت بواسطة manola

و ليه التكاليف و البذخ دة
ماهى التكاتيك مفتوحة على البحرى و مفيهاش ولا ستاير ولا براقع :funny34d:

---

لا برضه انت بنت وواجب تتستري جوه العربيه
علشان لو لابسه شبشب ولا حاجه الناس متشوفهوش
كمان التكاتك مركبينلها ستاير جلد ومشمع وحاجات تانيه تفرح

اقتباس:

---

المشاركة الأصلية كتبت بواسطة manola

و ليه التكاليف و البذخ دة
ماهى التكاتيك مفتوحة على البحرى و مفيهاش ولا ستاير ولا براقع :funny34d:

---

معلش سؤال خارج الموضوع
هو جمع تكتك
تكاتيك
ولا التكاتيك د اختراع تاني

ولو هي جمع التكاتيك
يبقي ايه التكاتك
؟

عاوزين نرسي علي مسميات بقي
حرام كده

اقتباس:

---

المشاركة الأصلية كتبت بواسطة shnory

لا برضه انت بنت وواجب تتستري جوه العربيه
علشان لو لابسه شبشب ولا حاجه الناس متشوفهوش
كمان التكاتك مركبينلها ستاير جلد ومشمع وحاجات تانيه تفرح

---

ماهى التكاتيك دى بتصرف جامد برضة يا شنورى و أحنا مش حمل مصاريف , دا بيركبوا عدة صوت لما توك توك بيعدى جمبى بحس أننا بطنى وجعتنى من الصوت و أنت طبعا عارف أن تكاتيك أسكندريه هنا مصيبه فى الأصوات وبالأخص لو أنت فى أمان الله و بتقول يا رب أنام الساعة 2 بالليل مثلا و تلاقى توك توك معدى فى الشارع , و كمان ماله الشبشب بتاعى البلاستيك إلى لونه أزرق , دا أنا بنزل بيه فى المناسبات و الأعياد فقط (حاجة تشرف كدة)

اقتباس:

---

المشاركة الأصلية كتبت بواسطة abdo_general

معلش سؤال خارج الموضوع
هو جمع تكتك
تكاتيك
ولا التكاتيك د اختراع تاني

ولو هي جمع التكاتيك
يبقي ايه التكاتك
؟

عاوزين نرسي علي مسميات بقي
حرام كده

---

لأ جمع توك توك تكاتك بكسر الـ (ت) لكن عشان حرام نكسر الـ (ت) و نتحمل تمن تكاليف الجبس و دكتور و شوية عصاير و بسكوت بختصر كل دة و بقول تكاتيك

اقتباس:

---

المشاركة الأصلية كتبت بواسطة manola

و كمان ماله الشبشب بتاعى البلاستيك إلى لونه أزرق , دا أنا بنزل بيه فى المناسبات و الأعياد فقط (حاجة تشرف كدة)

---

وماشيه حافيه طول السنه؟؟؟
انا موصي واحد حرامي شباشب يشوفلي جوز حلوين للمصيف السنادي في اي جامع
حخليه يعمل حسابك في حاجه تشحتفي بيها في غير الاعياد والعطلات الرسميه

اقتباس:

---

المشاركة الأصلية كتبت بواسطة manola

عملت حوادث كتيرة جدا فى تاريخ حياتى رغم أنى محترفة والله فى السواقة:girlsthink:
لكن الحادثة دى تعتبر غريبة أوى لأنها جت فى الصميم زى مابيقولوا و حوالى خمس ثوانى رعب


أولا أنا بقالى فتره طويلة باخد برشام بينيم أساسا حتى لو أنت لسه صاحى
ثانيا أنا كنت فى الطريق لوحدى و مفيش عربيات تانيه خااااالص و كنت قافلة الأزاز و مشغلة التكييف و أغانى حمزة نمرة و طايرة فى نص الشارع


و فجأة و بدون مقدمات دماغى صدعت قفلت عينى و فتحتها و ببص أدامى لقيت مطب شكله فى منتهى التخلف تحس أنه معمول عشان يقطع الكاوتش مثلا
حطيت رجلى على الفرامل و فجأة و بدون مقدمات لقيت العربيه بتتزحلق لأدام و بتنحرف على الجمب اليمين و أنا عماله ألف الدريكسيون على الشمال عشان أعدل وش العربيه للطريق لكن العربيه أتخبطت فى رصيف و أتعدلت تانى لوحدها مع كمية تراب حوليا كأنى فى عاصفة الصحراء كل دة حصل فى حوالى خمس ثوانى بالظبط
نزلت شوفت أية النظام و الخساير ملقتش حاجات كتيرة يعنى بس الخساير كلها كانت فيا أنا و الحمد لله
على العموم أنا حبيت أتكلم فى الموضوع بالذات عشان أنا مكنتش فاكرة أن الرمله أنيل فعلا من السيراميك و أنت لابس شبشب مبلول:penguin4:

---

الحمد لله قدر ولطف

الحمد لله ان حضرتك بخير
احيانا الواحد يبقى مضطر للعلاج بمثل هذه الادويه للكحه او الحساسيه ويفضل ان تكون قبل النوم وفى حاله عدم الاحساس باليقظه ان نبتعد عن السواقه لفتره

شفاكى الله وعفاكى

تحياتى لحضرتك

اقتباس:

---

المشاركة الأصلية كتبت بواسطة manola

لأ جمع توك توك تكاتك بكسر الـ (ت) لكن عشان حرام نكسر الـ (ت) و نتحمل تمن تكاليف الجبس و دكتور و شوية عصاير و بسكوت بختصر كل دة و بقول تكاتيك

---

+111111111111
هههههههههههههه
بتوفري يعني
ماااااشي

اقتباس:

---

المشاركة الأصلية كتبت بواسطة shnory

وماشيه حافيه طول السنه؟؟؟
انا موصي واحد حرامي شباشب يشوفلي جوز حلوين للمصيف السنادي في اي جامع
حخليه يعمل حسابك في حاجه تشحتفي بيها في غير الاعياد والعطلات الرسميه

---

لالالالالالالا أنا أعترض يا شنورى بيه
خليك حويط برضة , الشبشب أستخدامه فى الشتا بس و الصيف بيحب الطراوه خلينا نأجل الموضوع دة لحد الشتا إلى جاى و عليك خير

اقتباس:

---

المشاركة الأصلية كتبت بواسطة _hema

الحمد لله قدر ولطف

الحمد لله ان حضرتك بخير
احيانا الواحد يبقى مضطر للعلاج بمثل هذه الادويه للكحه او الحساسيه ويفضل ان تكون قبل النوم وفى حاله عدم الاحساس باليقظه ان نبتعد عن السواقه لفتره

شفاكى الله وعفاكى

تحياتى لحضرتك

---

ميرسى الله يخليك و كان موضوع الأدوية دة للأسف غلطة و مش هتكرر تانى لأن الحمد لله أن مكانش فيه ناس فى الشارع أو عربيات تانيه كان ممكن الموضوع يتحول لأكبر من كدة بكتيــــــــر

اقتباس:

---

المشاركة الأصلية كتبت بواسطة abdo_general

+111111111111
هههههههههههههه
بتوفري يعني
ماااااشي

---

أومال (على رأى فريد الديب)