الموضوع: مقارنه بين اشهر 3 وحوش من نيسان حاليا

المشاركة الأصلية كتبت بواسطة BassamHafez

شكرا جزيلا على التعليقات بس يا ترى في حد ليه ملاحظه على المواصفات الميكانيكيه للعربيات؟؟

ملاحظاتي كالاتي:

1- وزن الجوك يزيد عن وزن التيدا بحوالي 81 كيلو فقط وده معناه اداء متقارب وان كان لصالح التيدا وده انا برجعه برضو للجنط ال 17 اللي في الجوك

2- وزن القاشقاي يزيد عن وزن التيدا بحوالي 252 كيلو مع الجنط ال 17 اكيد الاداء ها يختلف بشكل ملحوظ ولكنه مرضي نوعا ما للي مش بيجري

3- نسبه الانضغاط لمحركي الجوك والقاشقاي ارتفع ل 10.7 وكان 9.8 في التيدا وده معناه عشان تاخد احسن اداء من محركي الجوك والقاشقاي يبقى بنزين 95 وان كان 92 مش عامل مشاكل

4- تعديل الانجيكشن في الجوك والقاشقاي لاعطاء افضل حرق للبنزين

5- نسب الفتيس في الجوك مختلفه عن القاشقاي واعتقد هو متزود في القاشقاي لاعطاء عزم اكبر عشان الوزن واكيد ده على حساب البنزين

6- التعليق الامامي في ال 3 عربيات واحد وهو ماكفيرسون ولكن الخلفي في القاشقاي مالتي لينك عشان الراحه وفي الجوك والتيدا تروجان بيم وده تعليق رياضي نوعا ما

هي دي ملاحظاتي حتى الان

مش عارف هل صح في جميع النقط او بعضها ؟؟

ارائكم اكيد ها تفيدني لو انا غلط في حاجه