الموضوع: مطلوب تسعير سويفت 94 لاعضاء المنتدى الكرام

هتلعب في 28 الف لو الحالة نضيفة فعلا و مفيهاش حاجة
بس عايز اقولك كل حاجة الصيانة دي بوجيهات و فلاتر و سيور كمان مش هتعمل ع بعضها 200 ج متتغرش بكلام البائعيين اوي لأنهم بيحاولواي جملوا عربياتهم بالكلام قبل الشراء عشان تقول اه ديه متظبطة و تستاهل و الكلام ده لأنك في الحالتين هتعيد و تراجع ع الصيانات كلها المهم اساسيات العربية من صاج و شاسيه و موتور و عفشة و كهربا

و اتمني الموضوع ده يفيدك

http://www.nilemotors.net/Nile/244408-a.html

بس احب أنبهك لحاجة قطع الغيار ممكن تكون الي حدا ما قليلة في بعض القطع

و اذا اشتريت ان شاء الله هننتظر منك تقرير باستلام السيارة و هنقولك ايه الصيانات اللي تعملها لحد ما تخليها و لا الجديدة :))

بالتوفيق ان شاء الله

المشاركة الأصلية كتبت بواسطة RMHB

جزاكم الله كل خير

انا فى دكتور زميلى شارى سويفت مو 93 حالتها كويسة جدا بقاله 8 شهور ومغيرشى غير الفتيس وهو كان جاى بعلة اصلا وكان شاريها ب 25 وكانت رشة بره فقط وفيها سنتر وانذار وتكييف محتاج شحن شحنه بس


انا سالت المكانيكية عن الاسعار قالولى تعمل 25 الى 26 == سالت عندنا فى المنصورة والسويفت عندنا منتشرة جامد فايه رايكم

انا عارف انها منتشرة في المنصورة فعلا لكن عن رأي شخصي اللي يخليني ادفع 25- 30 الف في عربية موديل اوائل التسعينات و ممكن تقرفني في بعض قطع الغيار و أفضل اصرف عليها اشوف حاجة احدث بنفس السعر زي الماروتي او الألتو
و الماروتي ارجحها أكتر لأن قطع غيارها اكتر و ارخص من الالتو و بالمبلغ ده تجيب حاجة موديلها 2006 ع الاقل يعني هتبقي موديل حديث لسه متبهدلش و عدي عليها الزمن زي السويفت و قطع غيارها أرخص من الرخص و سهلة الشغل فيها يعني لدرجة انك تقدر تشتغل فيها بنفسك
يعيبها ان الحجم أصغر الي حدا ما من السويفت و الالتو لكن الحجم ميزة في الركن و الزحمة
و العيب التاني الكماليات و ديه أمرها سهل انك تحط تكييف و سنتر و انذار و ازاز كهربا كمان لو عايز

او تجيب التو 2008-2009 و تزود المبلغ لـ28-32 الف بس هتكون فاضية بدون كماليات برده و نفس الموضوع تقدر تركبلها برده بس قطع غيارها أعلي نسيبا من الماروتي لكن انجيكشن و اكبر و الشكل مختلف برة و جوة

ده رأيي الشخصي

و بص ع الموضوع ده هتلاقيه فيه كل حاجة من تركيب تكييف لازاز كهربا :)

http://www.nilemotors.net/Nile/274773-a.html

المشاركة الأصلية كتبت بواسطة ahmed1006

+1111111111111
تسلم علي وجهة النظر الجميلة دي

الله يخليك يا باشا :)