الصني تقفيل مصري

**zokamus** · 28-04-2012 08:35 PM

العربية مرضية فى كل حاجة بالنسبة لفئتها وسعرها وموضوع البنزين كويس جدا بالنسبة للمانيوال ألى يقولك الكنبة ضيقة طيب الكرسيين الاماميين واسعين والشنطة ما شاء الله والعربة فعلا كبيرة مش صغيرة.
الاوتوماتيك فعلا بتاكل شوية وخود بالك وانت بتستلمها اوعى تستلمها غير لما يركبولك فلتر تكييف وصر على موقفك يقولك ملوش لازمة يقولك جاية من المصنع كدة طيب عاملين مكان للفلتر لية مكانة سهل جدا ورا صندوق القفازات امام الكرسى بجوار السائق لسة جايب عربيتى اول ابريل واكتشفت الموضوع ده وفعلا مش موجود وروحت مركز السبع وقالى المهندس انة مش مهم ومردوش يركبوة مجانا بس انا لم اقتنع وهاجيبة ان شاء الله من برة.

**S O P H O S** · 28-04-2012 08:56 PM

المشاركة الأصلية كتبت بواسطة _hema

اخى الكريم

الصنى يتم تجميعه وتقفليه فى مصانع نيسان الموجوده فى السادس من اكتوبر والمملوك بالكامل لليابان بإيدى مصريه تحت اشراف الخبراء اليابانيين ومدير المصنع يابانى
ونيسان لاتستطيع اخراج العربيه من هذا المصنع وبها عيووووب

اعتمد على الله واشتريها

دى اصبحت مع فئه كبيره من الشعب وحائزيها بيزدادو يوما بعد يوميا نظراُ لكفاءه العربيه ومدى استجابتها للطرق المصريه الصعبه وتحملها الخدمه الشاقه فى هذه الطرق

وبعدين ارجو ان حضرتك تبحث عن مزايا السياره ستجدها كثيره

كل التحيه لحضرتك

واتمنى لك التوفيق فى اختيارك

+111111111111

**medoghaly** · 28-04-2012 09:19 PM

كلها تقفيل مصري هوة التقفيل المصري باين فيها من السماعات و العزل بس هى في الاخر الكلام دة كلة مش حاجة جنب اداء و شهرة العربية دي هي عربية جميلة و الناس كلها شايفاها من احسن العربيات سعر مقابل اللقيمة

**Sehsss** · 28-04-2012 09:22 PM

المشاركة الأصلية كتبت بواسطة medoghaly

كلها تقفيل مصري هوة التقفيل المصري باين فيها من السماعات و العزل بس هى في الاخر الكلام دة كلة مش حاجة جنب اداء و شهرة العربية دي هي عربية جميلة و الناس كلها شايفاها من احسن العربيات سعر مقابل اللقيمة

+111111111

**Sehsss** · 28-04-2012 09:59 PM

المشاركة الأصلية كتبت بواسطة ayman1204

للاسف الشديد التقفيل المصرى واضح جدا فيها
السماعات بتاعت الكاسيت وحتى صوت الازاز وهو بيترفع وهو بيتقفل مش ثابت فى مكانة دا غير ان الكنبة ضيقة وراء جدا وحريقة بنزين
بس نيجى للميزات

السوبر صالون منها
2 اير باج
abs ebd bas
عفشة سبور
ودى لو انت عاوز وسائل امان عالية ومعكش الامكانيات ممكن تجيبها وتتغاضي عن العيوب اللى فيها

فعلا زى ما قال عاطف عادل لو انت بتدقق بلاش

نفسي أعرف بتجيب الكلام ده منين، وعلى فكرة لمعلوماتك العفشة السبور من أول موديلات 2010 في الex زي السوبر صالون، وغير كلمة حريقة دي بقى، وأنا شوفت كذا عربية منهم عربتي زجاجهم ثابت ما بينطش من مكانه

**Sehsss** · 28-04-2012 10:00 PM

المشاركة الأصلية كتبت بواسطة ayman1204

صاحب الموضوع طلب المشورة والحمدلله زى ما ذكرت العيوب ذكرت ايضا مزايا السيارة
ولا بد له التوضيح
وايضا انت كمالك للعربية من الافضل ان تخبرة افضل منى عن العيوب قبل المزايا عن السيارة التى سوف يشتريها

طيب ما تقول لنفسك ياللي ما بتطلعش عيب في اللوجان في كل مشاركاتك، كلها ما شاء الله مميزات

**Sehsss** · 28-04-2012 10:01 PM

المشاركة الأصلية كتبت بواسطة M.Nabeeh

حبيبي

هو سأل علي جوده التقفيل مش علي استهلاك البنزين ولا وسع الكنبه(كل ده ملهوش علاقه بالموضوع)

**Sehsss** · 28-04-2012 10:22 PM

المشاركة الأصلية كتبت بواسطة ayman1204

الكلام دا من البورشور نفسه بتاع الصنى
والعفشة الاسبور مش موجودة فى الموديلات 2010 ويا ريت ملاك الصنى يفيدونا بالنقطة دى نظرا لانى لا امتلك صنى ولكن مع واحد صحبي ونزلت اشرتيتها معاه واخترنا اللون

والصنى الاتوماتيك حريقة بنزين كما هو اضح من ملاكها وعيوب التقفيل ظاهرة ايضا كما هو اضح بالموضوع ؟؟؟

حضرتك بقى اللى معاك عربية تانية مش ملاحظ العيوب دى فيها دى مشكلتك

كل عربية ولها عيوب
وانا بذكر عيوب اللوجان
هات لى مشاركة واحدة ما ذكرت فيها عيوب اللوجان ؟؟؟ !!!!!!!!!
انا حاتت رد ستوك (يعنى رد ثابت ) للمقارنة بين اللوجان وبين اى عربية تانية تقريبا هتلاقية رد واحد ذاكر فيها مميزات وعيوب العربية لمن استشار عن الامر ........ ليس الا

وبلاش تزعل نفسك اوى كدة
الصنى احسن من اللوجان ما قولناش حاجة دى فئة ودى فئة تانية خالص

أنا اللي معايا عربية تانية، فعلا عندك حق ماهو اللي ما يعرفش يقول عدس.. وما حدش قال إن عربية أحسن من التانية.. وعلى فكرة انت بتتعمد في كل المشاركات عن الصني إنك تعيب فيها مش عارف ليه مضايقاك قوي كده.. وحلوة قوي تمتملك صني مع واحد صاحبك دي، طيب على كده أنا أمتلك 2 لوجان مع 2 صحابي و3 جين 2 مع 3 صحابي