الموضوع: الصني تقفيل مصري

المشاركة الأصلية كتبت بواسطة ayman1204

شكرا يا جميل على التوضيح وفعلا زى مانت قولت ويا جماعه دى فئة ودى فئة تانية

لان فعلا انا بنفسي مجرب الفرامل
دايما الفرامل بتقف فى الحتة قبل اللى انت متوقعها

وعلشان كدة انا فعلا بانصح باللى يجيب صنى يجيب الصنى السوبر صالون لان تمنها فيه وفعلا زى مانت قولت اللوجان بالنسبة لسعرها رائعا وعلشان جدا انا بحب انصح الجميع باعلى قيمة مقابل السعر ودا اللى بانصح بيه دايما وربنا يهدى النفوس يا رب


بس فى سوال ممكن اساله لاصحاب النيسان عامتا وللاخ الكريم صاحب sehsss المتعصب لردودى واخد منى موقف مش عارف لية

ما الفرق بين النيسان صنى اول فئة مانيوال واللوجان المانيوال ؟ ( عاوز فروق مقنعه تجعلنى اغير رائي فى شراء الصنى بدل اللوجان او تجعلنى اندم انى اخترت اللوجان )

سيبك من حكاية الماتور 118 حصان و 90 حصان انا مش بعد ال 90
جبت مرة 180 باللوجان وغدت غرز بيها على الصحرواى ( كان تجربة فقط لاثبات وجود اللوجان وكانت تجربة ممتعه بصراحة ) بس الصنى تماما اللى حاولت اعدى ال 160 ولم اعرف .............

دى فديوهات للتوضيح

logan 180 km/h with 6 passenger [1] - youtube

180 و 6 راكب
وغرز بيها على الطريق الصحرواى - مصر اسكندرية

ودا لما عديت الـ 180
logan 180 km/h with 6 passenger [2] - youtube


منتظر الاراء . ؟ ..............

ولو حابين نفتح موضوع بقسم النيسان ممكن لتعم الفائدة العامة :d

بص.. أولا، أنا معرفكش علشان ابقى متعصب لردودك، انت اللي ردودك غريبة ومتحامل على السيارة بدون سبب واضح، ومتعصب للسيارة اللي انت راكبها (اللوجان).
ثانيا.. الفرق بين أول فئة مانيوال في العربييتين بالنسبة للكماليات ما فيش اللهم إلا إنك بتنزل تفتح التانك بالمفتاح من بره في اللوجان زي الـ128 والصني بتتفتح من جوه، وإن زراير الزجاج في التابلوه، وزراير الزجاج الخلفي في الأرض، وما عندكش ميزة اللوك بتاع الشنطة اللي في الصني (مش عارف صاحبك اللي بتقول عليه عارفها ولا لأ).
ثالثا.. هاكلمك على الحاجات المهمة اللي بتتميز بيها الصني عن اللوجان (معلش استحملني علشان زي ما انت قولت قبل كده إني راكب العربية ومش عارف فيها) .. العفشة زي ما قاللك الأخ زونج مش هاتكلم فيها علشان هو اقدر مني في الموضوع ده، الكاوتش في اللوجان نوع روماني سىء جدا، الصني (5 فرد بريدجستون ياباني)، خامات التابلوه والعربية عامة من جوه في اللوجان سيئة جدا.. الصني أفضل بمراحل، التكييف متوسط مش ممتاز زي الصني، الموتور أضعف بكتير من الصني (وواضح إنك فاهم الهورس باور والعزم غلط) بدليل إنك قولت إنك جيبت 180 وعلى فكرة أنا كان عندي بيجو موديل 1979 وكنت بجيب 170 كيلو، الفكر يا حبيبي هاتجيبهم في وقت قد إيه (التسارع)، ثبات الصني أفضل بمراحل من اللوجان، صاج اللوجان عامل زي الورق المقوى ولاحظ دائما الرفرف الخلفي الشمال (اللي مش ناحية التانك) لو لاقيت واحدة سليمة يبقى ربنا بيحبك، صاج الصني اقوى بكتييييييير.. العمر الافتراضي لموتور الصني أكتر بكتير من العمر الافتراضي لموتور اللوجان كفاية تعرف إن سعر موتور الصني زيرو (35 ألف جنيه) وطبعا موتور جبار، مش زي موتور اللوجان متواضع يزيد عن اللانوس 4 أحصنة فقط مع العلم إن اللانوس 1500 سي سي، وموتور اللوجان 1600
رابعا.. اللوجان تتفوق في 3 أشياء فقط عن الصني (الوسع الداخلي، الارتفاع عن الأرض "مقابل ضعف الثبات على السرعات العالية لأنها نسبة وتناسب لو تعرف" واستهلاك البنزين "في مقابل تسارع أقل من الصني).
خامسا.. انت بتقول "ما كررتش ومش هاتكرر" لو ركبت الصني هاتكرر الموضوع كتير.. وكون إنك ما عرفتش تجيب بيها أكثر من 160 فده (عيب سواق) ........ تحياتي وشرفنا دائما بالزيارة