الموضوع: يا رب سترك ,,, افيدوني افادكم الله تعالي

المشاركة الأصلية كتبت بواسطة dongol123

نبرة الخوف الي في كلام حضرتك دي هي اللي مقوياة عليك و اعتقد انه حاسس بيها علشان كده بيطلب منك بقلب قوي و هو واثق انك خايف منه

أنا لو في مكانك و ما قدرتش عليه فهأجر اللي يخليه يلعن اليوم اللي اتعرف فيه عليه
الدنيا ما بقتش زي الأول و الخوف هيجيب نتايج عكسية تماما
قوي قلبك و اضربه بالجذمة أول ما تشوفه و صدقني هو هينساك اول ما يعرف انك مش خايف منه

يا ريني اعرف اعمل ربع اللي قولت علية , خليني اكون صريح معاك واقولك اني هافية مع الأسف من ايام المدرسة وزمايلي بيستكردوني ,انا عمري ما عرفت اتعامل مع الناس , وسهل اوي يضحك عليا , وعمري ما فكرت ان اتجوز لأني عارف اني مش حعرف احمي بيتي ,,, اسف ع التفاصيل المملة دي شكرا ع ردك واهتمامك

المشاركة الأصلية كتبت بواسطة المنسي

عشان تتقى شره ابدا معاه بالتدريج يعني قلل الفلوس على مراحل لغاية ماتوصل انك تقوله مش معايا والظروف والحوارات وحال البلد والكلام ده مرة على مرة مش هيفكر حتى يرمى السلام عليك بعد كده

ربنا يكرمك انا متشكر جدا ع ردك ومساعدتك ,,,مفيش قدامي حاجة تانية اعملها غير اللي قولتلي علية,,و يا رب الكلام دة يجيب معاه نتيجه

انا عايز اشكركم انكم ادتوني الفرصة اني اتكلم معاكم , وانكم استحملتوني وشاركتوني بخبراتكم , جزاكم الله تعالي كل الخير

حصلي نفس الموقف دا بالظبط وكنت ساعتها زي حضرتك كدا بتعامل بطيبه لغاية لما كنت فى يوم جايب اخري من الدنيا واللي فيها جاللي يطلب مني فلوس رحت قالب عليه وشي وظرفتوا كلمتين حلويين من ساعتها يشفني يخاف , لو تقدر تقلب وشك عليه وتبلطج انت عليه صدقني حيشوفك حيخاف منك , لو متقدرش يبقي عليك وعلي القسم اللي زي دول بيخافوا من الشرطة اوي .