تقرير تنظيف الدهان بالبوليش

**mado83** · 29-04-2012 11:16 AM

ومكان عم سعيد ده فين

**MIGOS** · 29-04-2012 01:38 PM

يا ريت تكتب تقرير بعد شهر مثلا وقول لنا حال العربية إيه
لأني خايف تكون الصنفره أثرت على البويا والتلميع مداري عليها
فمش هيبان اللي حصل قبل أربع غسلات بالمياه والمنظفات
وتقبل مروري

**AhMeD MeTwAlY** · 29-04-2012 03:31 PM

المشاركة الأصلية كتبت بواسطة tarekzein

طب مفيش صوره للعربيه بعد التلميع

المشاركة الأصلية كتبت بواسطة moha4tec

الف مبروك بس كنا عوزين الصور

هي العربيه مكنش فيها خدوش واضحه واختفت عشان هيكون في فرق قبل وبعد التلميع الموضوع كله ان سطح العريبه اصبح ناعم والتراب مش بيقف عليه بغباوه زي الاول

المشاركة الأصلية كتبت بواسطة mado83

ومكان عم سعيد ده فين

دا عندنا في الشرقيه لو حضرت عايز تعمل عربيتك حدد معاد وتشرفني في بيت ولدي المتواضع ونعمل العربيه بيني وبينه بتاع 200 متر مش كتير

المشاركة الأصلية كتبت بواسطة migos

يا ريت تكتب تقرير بعد شهر مثلا وقول لنا حال العربية إيه
لأني خايف تكون الصنفره أثرت على البويا والتلميع مداري عليها
فمش هيبان اللي حصل قبل أربع غسلات بالمياه والمنظفات
وتقبل مروري

ان شاء الله وبعدين لو في اي حاجه هنفخح سعيد ورمضان بس معتقدش ان في اثار هتبان وربنا يسهل

**Amr Axel** · 29-04-2012 04:29 PM

ألف مبروك يا باشا و يا ريت لو صور بس غريب حكاية صنفرة دي مع بدن العربية طب انا استخدمتها في تلميع الفوانيس لكن مع البدن غلط

بس انا عن نفسي بعمل القصة ديه كلها بنفسي
و خلي بالك لو العربية راشة متستخدمش تنر عشان غلط ع الدهان ممكن تستخدم كومباوند هيشيل اثار الحكة و الدهان بدون ما يأثر ع الرش

العدة اللي بجيبها كيس قطن بستخدم أقل من نصه
علبة بولش كريم علبة لونها برتقالي مدي ع أصفر العلبة بـ6 جنيه بتقعد معايا سنة - سنتين
فوطة ناعمة

غسلة محترمة للعربية عشان تبقي نضيفة و اي دهان او حك يبان يتشال بالتنر و يتغسل مكانه بالمية تاني
نستني العربية تنشف و قبل ما مكان نحط فيه البولش يتنضف مكانه بفوطة ناشفة و بعدين تحط البولش زي نقطة متوزعة ع السطح و توزيع البولش ع كل مكان ع حدي بشكل دائري مع الضغط و تفضل شغال لحد ما تلاقي البولش كأنه مجيير و الكبوت لوحده الرفرف لوحده و هكذا و بخلي السقف اخر حاجة و اسيب البولش ع كل منطقة حوالي تلت ساعة و ترجع تشيل بالفوطة بشكل دائري برده و ممكن تديها غسلة بالمية بس خلاص خلصت :)
القصة كلها بتاخد حوالي ساعتين غسيل برة و جوة و بولش

**aboadam2012** · 07-05-2012 01:26 AM

المشاركة الأصلية كتبت بواسطة ahmed metwaly

انا عربيتي كان متغطية بالهبو لو واقف في الشمس وببص من الازاز مش شايف حاجه والازاز الخلفي كمان لان في ورشة دهان خشب فمبهدل العربيه لدرجة لو مشيت ايدك علي العربيه تحس انك بتمشيها علي رمل
جبنا ايه بقئ عشان ننضفحه
كيس قطن+جركن تنر+بولش +حاجه زي البولش مش فاكر اسمها ايه
الكلام دا بكام 28 جنيه
ها يا عم رمضان مين الي سعيد الحظ الي هيشتغل في عربيتي
قالي سعيد
قولتله احنا هنتريق من الاول ملها العربيه اخدها وامشي

قالي لا هو اسمه سعيد

اطلقت عليه سعيد كبستو
مسك العربيه مسحها الاول بفوطه وبعدين مسكها بالبولش والماده التانيه الي زيها دي وفضل يدعك في العربيه وجاب سنفره 60 وعمل بيها الكبوت والسقف لانهم كانو خشنين جدا
ومسك العربيه غسلها كلها جوه وبرا
وكل ما يعمل حته وتدخل دماغي اديله سجاره ال ام احمر يشربها ويكمل
جينا للحساب

كام يا عم رمضان قالي خلي علينا يا غالي دانت ابوك وجدك حبيبي وحكالي مغامرات جدي والعربيات
خلص ها اؤمر قالي 50 جنيه قولتله اتفضل
واديت الواد دخانه 20 جنيه يعني الحوار كله صرفه 100 جنيه
بس العربيه رجعت كانها طلعه من الفرن بجد تسلم ايده

مبروك انا بعانى من نفس المشكلة العربية لسةجديدة وحصل نفس الى حصل معاك هو الازاز نضف ازاى وانتا عملتها عند بوهيجى