الموضوع: بروتون ساجا او بريليانس اف سى فى

يعنى حضرتك محتار بين عربيه من توكيل عز العرب اللى اقل ما يوصف بيه انه حرامى و بين عربيه صينى قطع غيارها اغلى من قطع غيار الاوبل و الميجان ؟!

سؤال بس ارجوك متزعلش منى : هو حضرتك بتدور على عربيه و لا بتدور على حد ينصب عليك و ترمى فلوسك فى الارض ؟!

فيه كذا اختيار تانى غير البريليانس و البروتون

ربنا يوفقك ..

المشاركة الأصلية كتبت بواسطة مواطن مصرى

يعنى حضرتك محتار بين عربيه من توكيل عز العرب اللى اقل ما يوصف بيه انه حرامى و بين عربيه صينى قطع غيارها اغلى من قطع غيار الاوبل و الميجان ؟!

سؤال بس ارجوك متزعلش منى : هو حضرتك بتدور على عربيه و لا بتدور على حد ينصب عليك و ترمى فلوسك فى الارض ؟!

فيه كذا اختيار تانى غير البريليانس و البروتون

ربنا يوفقك ..

؟؟!!!!!

يعني هو الراجل غلطان عشان عايز يجيب عربية تجمع مابين القوة والأمان والأوبشانز ويكون سعرها معقول؟؟

طب يعني يا ريت حضرتك تديله الاختيارات الكتير اللي عنده بدل ماتقول الكلمتين وتسيبه كده.

المشاركة الأصلية كتبت بواسطة raul_7

؟؟!!!!!

يعني هو الراجل غلطان عشان عايز يجيب عربية تجمع مابين القوة والأمان والأوبشانز ويكون سعرها معقول؟؟
طب يعني يا ريت حضرتك تديله الاختيارات الكتير اللي عنده بدل ماتقول الكلمتين وتسيبه كده.

يا فندم المشكله عندى مش فى العربيه تجمع بين القوه و الامان و الامكانيات بسعر معقول ... المشكله انك بعد ما تدفع السعر المعقول ده هتتدبس فى فى التوكيل و قطع الغيار و هتفاجا بحاجات مع توكيل عز العرب و البافاريه عمرك ما كنت تحلم بيها علشان كده انا قصدى انصح الزميل اللى بيسأل بالابتعاد عن الماركتين دول (بروتون - برييليانس) عن تجربه شخصيه مع توكيلات عز العرب و البافاريه و له حريه الاختيار فى اى سياره تانى من اى وكيل تانى غير اللصوص دول

توكيل عز العرب تعاملنا معاه لخمس سنوات كامله فى سياره نسيبى (سيتروين اكسارا) و ملخص تعاملنا معاه ان اقل كلمه تقال عليه انه حرامى و نصاب و المهندسين المحترمين المحترفين اللى فى التوكيل تسببوا مره فى تلف جوان الموتور و مره فى مشكله فى فتيس اوتوماتيك ثمنه 8 الاف جنيه باسعار سنه 2004
حتى مراكز الخدمه المعتمده بتاعته (امير وجوزيف - الكويت و البلاد العربيه) لا يقلوا عنه فى السرقه و النصب و الاستغلال

اما عن سيارات بريليانس فهى عربيات جميله و فخمه و كل حاجه بس المشكله ان قطع غيارها تدخل فى فئه تانى خالص غير فئه الصينى و الكورى و حتى اليابانى و تجربتى معها ان لى واحد زميلى فى الشغل معاه frv هاتشباك موديل 2010 عمل بيها حادثه (دخل فى فاصل الخرسانه اللى على المحور) نتج عنها كسر فانوس امامى و اكصدام و شبكه و الراداتير اتعوجت فيه حتت و اتصل بى اساعده فى نقل العربيه الى التوكيل و قالوله فى التوكيل المحترم بتاع البافاريه ان ثمن كشاف امامى و شبكه و اكصدام و راداتير عشره الاف جنيه مصرى مع ان العربيه كلها على بعضها بسبعين الف جنيه و طبعا لولا الراجل كان عامل تأمين و محضر لكان جاتله سكته قلبيه لان ثمن كشاف الانسر بوما مثلا 950 جنيه بينما ثمن كشاف الاخت بريليانس 1350 جنيه و الاكصدام معدى 3000 جنيه اما الراداتير بالمروحه بموتورها بخزان المياه (كما ورد فى المقايسه) فلو قلت لك انه اغلى من رادتير الاوبل مش هتصدقنى ده غير ان المصنعيات عندهم حاجه تييييييت خالص

انا وجهه نظرى المتواضعه ان الانسان بيتعب فى القرش اللى بيجيبه و حرام حد يسرقه منه تحت بند قطع غيار مبالغ فى سعرها او مصنعيات هلاميه لحاجات ممكن تتعمل بعشره جنيه فى اى بنزينه و الزميل اللى بيسأل عن مقارنه بين العربيتين انا قلتله حرام عليك لان العربيتين دول توكيلاتهم غاليه جدا جدا بالقياس لعربيات تانى كثير فى نفس الفئه السعريه

و لو عايز بدائل فيه : رينو لوجان (توكيلها اسعاره غاليه بس مش لدرجه عز العرب و البافاريه)
لانوس - فيرنا (فى رأييى انها راحت عليهم من زمااااااااان)
لو عايز بدائل صينى : بى واى دى منتشره جدا تاكسى و فيه منها اوتوماتيك (بس للامانه توكيلها سيىء كمعامله و الفنيين اللى فيه اخرهم يصلحوا اللادا)

المشاركة الأصلية كتبت بواسطة مواطن مصرى

يا فندم المشكله عندى مش فى العربيه تجمع بين القوه و الامان و الامكانيات بسعر معقول ... المشكله انك بعد ما تدفع السعر المعقول ده هتتدبس فى فى التوكيل و قطع الغيار و هتفاجا بحاجات مع توكيل عز العرب و البافاريه عمرك ما كنت تحلم بيها علشان كده انا قصدى انصح الزميل اللى بيسأل بالابتعاد عن الماركتين دول (بروتون - برييليانس) عن تجربه شخصيه مع توكيلات عز العرب و البافاريه و له حريه الاختيار فى اى سياره تانى من اى وكيل تانى غير اللصوص دول

توكيل عز العرب تعاملنا معاه لخمس سنوات كامله فى سياره نسيبى (سيتروين اكسارا) و ملخص تعاملنا معاه ان اقل كلمه تقال عليه انه حرامى و نصاب و المهندسين المحترمين المحترفين اللى فى التوكيل تسببوا مره فى تلف جوان الموتور و مره فى مشكله فى فتيس اوتوماتيك ثمنه 8 الاف جنيه باسعار سنه 2004
حتى مراكز الخدمه المعتمده بتاعته (امير وجوزيف - الكويت و البلاد العربيه) لا يقلوا عنه فى السرقه و النصب و الاستغلال

اما عن سيارات بريليانس فهى عربيات جميله و فخمه و كل حاجه بس المشكله ان قطع غيارها تدخل فى فئه تانى خالص غير فئه الصينى و الكورى و حتى اليابانى و تجربتى معها ان لى واحد زميلى فى الشغل معاه frv هاتشباك موديل 2010 عمل بيها حادثه (دخل فى فاصل الخرسانه اللى على المحور) نتج عنها كسر فانوس امامى و اكصدام و شبكه و الراداتير اتعوجت فيه حتت و اتصل بى اساعده فى نقل العربيه الى التوكيل و قالوله فى التوكيل المحترم بتاع البافاريه ان ثمن كشاف امامى و شبكه و اكصدام و راداتير عشره الاف جنيه مصرى مع ان العربيه كلها على بعضها بسبعين الف جنيه و طبعا لولا الراجل كان عامل تأمين و محضر لكان جاتله سكته قلبيه لان ثمن كشاف الانسر بوما مثلا 950 جنيه بينما ثمن كشاف الاخت بريليانس 1350 جنيه و الاكصدام معدى 3000 جنيه اما الراداتير بالمروحه بموتورها بخزان المياه (كما ورد فى المقايسه) فلو قلت لك انه اغلى من رادتير الاوبل مش هتصدقنى ده غير ان المصنعيات عندهم حاجه تييييييت خالص

انا وجهه نظرى المتواضعه ان الانسان بيتعب فى القرش اللى بيجيبه و حرام حد يسرقه منه تحت بند قطع غيار مبالغ فى سعرها او مصنعيات هلاميه لحاجات ممكن تتعمل بعشره جنيه فى اى بنزينه و الزميل اللى بيسأل عن مقارنه بين العربيتين انا قلتله حرام عليك لان العربيتين دول توكيلاتهم غاليه جدا جدا بالقياس لعربيات تانى كثير فى نفس الفئه السعريه

و لو عايز بدائل فيه : رينو لوجان (توكيلها اسعاره غاليه بس مش لدرجه عز العرب و البافاريه)
لانوس - فيرنا (فى رأييى انها راحت عليهم من زمااااااااان)
لو عايز بدائل صينى : بى واى دى منتشره جدا تاكسى و فيه منها اوتوماتيك (بس للامانه توكيلها سيىء كمعامله و الفنيين اللى فيه اخرهم يصلحوا اللادا)

كلام حضرتك بالنسبة لسيتروين أنا معرفش بصراحة, إنما بروتون في عز العرب مش سيئة خالص للدرجة, وده من كلامي أنا وانا أصلا مبحبش التوكيل بس الواحد لازم يعترف إن التوكيل مش وحش, يعني ممكن نقول أحسن الوحشين, ومسمعتش إن توكيل في بروتون بوظ عربية نهائي.

وبعدين مركز خدمة عصام صفا ممتاز والناس فيه شغلهم 100 100 وبينجزوا في الوقت على عكس التوكيل.

قطع الغيار في بروتون سعرها يعتبر معقول جدا لو قارنتها بميثلاتها, معرفش برضه البريليانس ايه نظامها.

و في النهاية حضرتك برده مااديتش بدائل كويسة ماعدا اللوجان, يعني الاختيارات في الأول وفي الآخر محدودة.