يا جدعان أنا عملت امبارح جارية ...كانت لازم تتصور وللاسف كنت بجري مع 3 عربيات هوندا من 2009 ل 2012 و التلاته كانوا أصحاب وبيجروا مع بعض .....مش عارف ايه اللي حشرني وسطهم ....بس ....ماسكهم من أول شارع الثورة وطلعت بيهم لحد أول نفق el-na في الدائري

التقرير كالتالي

الجريه كانت من 80 لحد205
كنا في شارع الثورة بنجري ورا بعض علشان كان زحمة شوية ...مازودناش عن 150 شوية أطلع شوية يطلعوا شوية ...الطريق زحمة وكان الموضوع غرز بس مش سرعة
الناس هرشت إن في واحد دخيل (قالوا ده غلبان تعالوا نلعب معاه شوية ...هههه )
هديت عند طلعت الدائري ...وكان التعامل مابينا عن طريق الإشارات .......وواللهِ الذي لا اله إلى هو ...خلتهم قدامي التلاته وده كان الإتفاق مبينا ...وكان الفرق تقريبا عربية ما بيني وما بينهم
وكنا ماشيين تقريبا 80
وقبل مطلع أجري دعيت ربنا إنه مايكسفنيش معاهم ....وطبطبت على الطارة وقلتلها يلا يا وزة ...عايز اتفرج عليكي وانا عارفك مش حتكسفيني
ابتدينا الجريه والتلاته قدامي
كنت ماشي 80 نزلت تاني ويلا بينا .....تاني 100 تالت 140 رابع 180 خامس 200 205
لحد 120 كنت لسة وراهم .....بعد 120 معرفش... لقيت العربية اتهبلت وبتنزل من 120 ل 180 زي من 40 لل 100 ...والناس كانوا واقفين على الدواسه ....وانا كمان كنت واقف على الدواسه زيهم لإن الجرية دي تقريبا كنت حاسس إنها ممكن متتكررش تاني وبصراحة كانت تاريخية


خلصت الرابع وأنا بعديهم وانا كنت على الشمال وهم كلهم على يميني حطيت الخامس لحد 205 تقريبا لحد ماعدتهم فرق عربيتين ورحت واخد غرزة جامدة من الشمال لليمين علشان كنت داخل دخلت الزهراء ....والغرزة كانت جاية وكاني علمت عليهم لأني عديت قدامهم هم التلاته ..وطبعا كلاكسات بحبك بحبك منهم كلهم بصراحة ....ده وإن دل ..إنهم ناس محترمة ...بس الوزة بتاعتي ...ما شاء الله ...كانت قليلة الادب

ربنا يديني خيرها ويكفيني شرها ...ويباركلي فيها ويكفيني شر عيون الناس
ارفعوا راسكم يا هونداويه