هارد لك للهوندا 2009 2010 2012

**hany63** · 29-04-2012 10:41 PM

معلش سؤال بريء
هو انت عرفت منين ان واحده موديل 2009 و التانيه 2010 مع انهم نفس الشكل؟
هو انت سحبت الرخص بعدها؟

**hany63** · 29-04-2012 10:57 PM

المشاركة الأصلية كتبت بواسطة محمد-علام

....التلاته أي حد سواق يحب يركبهم سواء جيل ثامن أو تاسع ....بس لما تيجي عربية جيل خامس ........................................
وفي الاخر مالقيتش منهم إلى كل ترحيب واحتراام وصوت كلاكساات جميل
وفي الاخر all honda drivers is very respectable
عارف ليه ....علشان الحرف ده H

**hany63** · 29-04-2012 11:05 PM

بصراحه اول مره اشوف حد يلطش في نفس الماركه اللي هو راكبها مش عارف خلينا ايه للناس التانيه
وبعدين الفروقات اللي انت قايلها مش هي الحكايه
ده فلتر اسبور في اي عربيه كانت هي اللي علمت عليك
وياما علمت على الجيل الخامس بانواعه بس مش ممكن اعمل فيها فرح لسببين
اولا عشان ما اضايقش اصحابي و حبايبي
ثانيا بقول ياواد دي مواتير شغاله من عشرات السنين حتى لو مسقطه فا مفيش وجه مقارنه
على فكره انا ولا متضايق ولا حاجه بس صدمني الاسلوب الظريف اعلاه

**SAMEH_FOUAD** · 30-04-2012 10:07 AM

المشاركة الأصلية كتبت بواسطة hany63

بصراحه اول مره اشوف حد يلطش في نفس الماركه اللي هو راكبها مش عارف خلينا ايه للناس التانيه
وبعدين الفروقات اللي انت قايلها مش هي الحكايه
ده فلتر اسبور في اي عربيه كانت هي اللي علمت عليك
وياما علمت على الجيل الخامس بانواعه بس مش ممكن اعمل فيها فرح لسببين
اولا عشان ما اضايقش اصحابي و حبايبي
ثانيا بقول ياواد دي مواتير شغاله من عشرات السنين حتى لو مسقطه فا مفيش وجه مقارنه
على فكره انا ولا متضايق ولا حاجه بس صدمني الاسلوب الظريف اعلاه

استاذ هانى اخبارك اية ياباشا

على فكرة هو مايقصدش الاهانة او توجية اى شىء للهوندا الجيل الثامن بالعكس احنا كلنا عارفين مدى تفوق هذا الجيل فى كل حاجة وفعلا هو فخر للهوندا زى بالظبط ( الجيل الرابع - الخامس - السادس )

بس احنا كلنا عارفين ان محرك ال si d16a9 محرك غبى جدا وقوى جدا وخصوصا ان اللى مع علام مانيوال يعنى تجميعة هيفوق السيفيك 2009

وياباشا شيل فكرة ان محركات الهوندا بتتضعف مع الوقت احنا مافيش فينا الحمد لله حاسس الاحساس دة لو حد ممتلك العربية اكثر من 8 سنين هيلاقى فرق القوة تقريبا واحد مافيش فية تغير الا تغيرات غير ملموسة لو اثرت هتأثر فى الaccelerate لكن بعد كدة هتتظلط الدنيا

ومعلش ياباشا احنا كلنا هونداوية فى بعض ومافيش بينا زعل انت تعدى انا اعدى واحد

**SAMEH_FOUAD** · 30-04-2012 10:27 AM

من قبل المعرض بتاع فورميولا الاهرام بحوالى يومين او يوم

لقيت مين , خير الله ماجعلة خير ( HONDA S2000 ) وكانت TUNED كمان والواد سخنان وصوت العربية تحفة والجرى والغرز ماقولكش انا بقى سخنت انا كمان وقولت تعالى يامعلم وكان نفسى من زمان اجرى مع محرك هوندا بالقوة دية لأ وكمان TUNED

والحمد لله جرانى وراة طول الطريق مش عارف اجيبة ولا الفرق بيزيد تقريبا كان الفرق حوالى 3 عربيات ووصلنا لسرعة 200 تقريبا والفرق مازادش بس على فكرة انا كنت بنقل مستريح شوية يعنى كنت بنقل عند 6000 لفة هو ماشاء الله كان بيوصل المكنة للاخر

بجد ساعتها عرفت يعنى اية تبقى راكب SiR بس بردة اول مرة فى حياتى حد يجرينى وراة بس الحمد لله مش اى حد دية هوندا بردة لأ وهوندا مين ( S2000 ) اللى بتبهدل العربيات كلها

شكرا HONDA , ALL THE TIME , ALL GENERATION

**SAMEH_FOUAD** · 30-04-2012 10:40 AM

المشاركة الأصلية كتبت بواسطة hany63

واحشني و الله ياسامح باشا

اولا عمرك شوفت في اي قسم واحد راكب جيل سابق عمال يقول علمت على الجيل الجديد
انا عارف طبعا قوة ال si وبالاماره 130 حصان و سوقت المانيوال كمان بس لما تفرق عربيتين بس ده تبقى شهاده للجيل التامن الاوتوماتيك اللي غالبا من غير اي تعديلات ولا حتى فلتر عشان الضمان و اعتقد انك عارف بيعمل ايه

تانيا كلمة تيجي الجيل الخامس و تدي اللي راكب الجيل الجديد على عينه و تقعده على البوتاجاز تسمي ده ايه

ثالثا حضرتك بدل ماتلفت نظره بصفتك منسق القسم و يهمك كل الاعضاء الموضوع عجبك و قعدت تسأل عن تسارع الجيل التاسع!!!!!! طب ما اكيد هيكون تعبان بسبب ان العربيه غالبا جديده ولازم تعدي 7000 كم عشان تحفظ

رابعا الموضوع ده مكانه المقابله مش في القسم والا يبقى ده قسم هوندا الجيل الخامس و نروح ندور على قسم تاني للجيل الحالي

انا على فكره مش زعلان ولا الموضوع شخصي بس ده رأيي

انت اكتر ياباشا وكنا مفتقدينك فى المقابلة مع انها كانت قريبة منك بس ان شاء الله تتعوض وتشرفنا المرة الجاية

بالنسبة للى حصل فدة على سبيل المداعبة مش اكتر ياستاذ هانى ماتاخدش المواضيع بالحساسية دية

بالنسبة للموضوع انا مش هقدر اقول لاى حد ماتكتبش تجربة او اى موقف طالما ماجرحش فى حد بأى تعبير لفظى , وهو لما اتكلم اتكلم على صحاب العربية مش العربية بنفسها

موضوع الجيل التاسع حضرتك عارف انة عاملنا صدمة فى الهوندا فطبيعى عايزين نشوف هل فعلا المحرك حدث فية اى تطور زيادة بس كدة كان سؤال عابر يعنى

لأ ازاى ياباشا بيتك ومترحك وكل الهوندات واحد انت تسأل ونحن نجيب

بس صدقنى والله الموضوع مش محتاج الحساسية دية خالص لانة ابسط من كدة بكتير وعموما ياباشا حضرتك راكب سيفيك الجيل الثامن وحضرتك عارف ان احنا بنحب الجيل دة قد اية , وبجد من اجمل ما انتجتة هوندا يعنى مننا وعلينا وبندافع عنة باستماتة قصاد اى هجوم او عداء من بقية الاقسام , احنا هنا اسرة مع بعضينا بجد ومحدش يقدر يقول كلمة على الهوندا اى كانت

**SAMEH_FOUAD** · 30-04-2012 11:47 AM

المشاركة الأصلية كتبت بواسطة hany63

مين اللي قال اني واخد الموضوع بحساسيه احنا بنتناقش

اولا الراجل ما غلطش في الناس اللي شدت معاه بل بالعكس قال عليهم ناس محترمه

ثانيا مش انا بس اللي علقت في ناس تانيه قالت على سبيل الدعابه ان ده هيعمل فتنه

ثالثا ودي اهم نقطه ياريت بقى ماتزعلوش لما الاقسام التانيه يخشوا يتنططوا علينا و الهوندا راحت عليها بدليل ان احد اعضاء القسم من وجهه نظرهم عايز يثبت ان عربيته القديمه ضربت الجيل الحالي على عينها (وعلى فكره الكلمه دي بالذات اتقالت على اللي سايق الجيل التامن وتعبير مرفوض في رأيي ولو انت موافق يبقى اسمح لي اختلف معاك)

لأ اكيد طبعا مايقصدش انة يوجة الاهانة لملاك الجيل الثامن , على فكرة حضرتك اتقابلت مع محمد علام فى المعرض وهو فعلا شخصية محترمة وماعتقدش ان دة تفكيرة انة يقصد بتوجية الاهانة لاى حد حتى لو كان عربية موديل الستينات , بس هو ممكن يكون التعبير خانة

وعلى فكرة اكيد مش هقبل اى تصرف من اى عضو كان فى توجية الاهانة عامة لاى شخص

وماتزعلش ياباشا والله انا عشان عارف نيتة اية وهو بيتكلم ازاى بقول علية كدة

ومافيش حد يرضى بالاهانة لحد او التقليل من شأنة