حد يعرف كيفية تثبيت دى فى دى بالشاشة اللى على شكل لاب توب من غير تخريم فى التالبلوه؟

**muslem** · 11-06-2008 06:56 PM

السلام عليكم
انا كنت عايز اشاركم انكم تساعدونى و غيري اكيد لما يشوف الموضوع فى تثبيت دى فى دى بالشاشة و مقاسها 7 بوصة بس و شكله زي اللاب توب بيقفل زيه كده
مش عارف اثبته ازاى فى العربية ؟
انا عمال افكر فى قاعدة تكون بالحشر او بتتزنق زي الشماسة اللى بتكون راكبو ورا فى العربية اللى مش بتحتاج اى مسمار لتريكبها و بالتالى بتخلى العربية فبريكة مش مخرمة من اى حتة ايه رايكم انتم خصوصا راى اهل الخبرة

**fahd_628** · 11-06-2008 06:58 PM

فية كاسيت بيبقى بلت ان فية شاشة و بتطلع و بتخش اوتوماتيك و بتبقى شكلها جامد جدا جدا

بس المشكلة ان سعرة غالى !

**muslem** · 11-06-2008 07:05 PM

المشاركة الأصلية كتبت بواسطة fahd_628

فية كاسيت بيبقى بلت ان فية شاشة و بتطلع و بتخش اوتوماتيك و بتبقى شكلها جامد جدا جدا

بس المشكلة ان سعرة غالى !

فعلا بس فى مشكلة تانية عندى
انى اشتريت الدى فى دى ده ومكنتش اعرف ان فى اشكال تانية عملية اكتر زى اللى بيركب فى سقف العربية مثلا
فمضطر احاول اركب ده باى طريقة و اخلص نفسي خصوصا انى اعتبر لم استعمله و عايز استعمله بقي اشغل عليه دروس و كده:)

**mrghost** · 11-06-2008 10:27 PM

بص ياباشا احسن حل انك تلزقه بالdouble face وده لزق عبارة عن بكرة خضراء بتلزق من الناحيتيين وممكن تشيله فى اى وقت لو حبيت وموجوده عند اى حد بتاع قطع غيار وب7 جنيه بس

**muslem** · 12-06-2008 01:32 AM

المشاركة الأصلية كتبت بواسطة mrghost

بص ياباشا احسن حل انك تلزقه بالdouble face وده لزق عبارة عن بكرة خضراء بتلزق من الناحيتيين وممكن تشيله فى اى وقت لو حبيت وموجوده عند اى حد بتاع قطع غيار وب7 جنيه بس

فكرة كويسة بس احاول بقي اثبته على حتة تكون وخداه كله مش نصه على الهواء و نصه لازق اظن اللازق ده برضوة مش قوى اوى علشان كده ححاول اشوف مكان ليه ينفع يتفتح كويس من غير ما يكون نصفه محطوط على الهواء

**Ahmad Allawy** · 13-06-2008 09:12 PM

يستهسألي الدابل فيس م هيتحمل وزن الشاشة..
و السخونية بتاعت الشمس هتخليه يفك بسرعة..

**eng_mkhalaf** · 14-06-2008 12:53 PM

دبل فيس فعلا مش هيستحمل وزن الشاشة

**HNaga** · 14-06-2008 11:56 PM

ممكن تعمل زى رف يتحط فى مكان الكسيت و الدى فى دى يتثبت عليه
عايز تشغله شد الرف وإفتح الدى فى دى و لما تخلص إقفل الدى فى دى و دخل الرف لجوة

الدبل فيس لزق قوى بس هات نوع نظيف M3 مثلا

**hic** · 15-06-2008 01:41 PM

انا عندى نفس المشكله و جربت الدابل فيس مسك كويس و كل حاجه بس الحراره بتخليه يفك
هو انسب حاجه فى رايى اللى بيركب بيلت ان مع الكاسيت

**muslem** · 16-06-2008 01:40 AM

المشاركة الأصلية كتبت بواسطة HNaga

ممكن تعمل زى رف يتحط فى مكان الكسيت و الدى فى دى يتثبت عليه
عايز تشغله شد الرف وإفتح الدى فى دى و لما تخلص إقفل الدى فى دى و دخل الرف لجوة

الدبل فيس لزق قوى بس هات نوع نظيف M3 مثلا

فكرة كويسة بس حشوف الرف ده يتعمل ازاى خصوصا ان العربية لسه جايبها و مش عايز اخرم فيها بفكر فى حاجة تربط زى اباجورة الهندسة اللى بتتربط فى الترابيزة بس تكون شكل عكسي ححاول كده اشوف ممكن اعملها فين مثلا عند خراط او حاجة كده ارسمه له و اخليه يعملها لى على اد الرف اللى بابا فى العربية و حجمه صغير شوية بس ممكن اعمله و اخلى فيه رف و يكون الدى فى دى محطوت عليه على طول و اذا حبيت اشيله ممكن ابقي افك الرف ده زى ما انا عايز و من غير ما يترك اثر لخرم فى التابلوه