إزاي أعرف إن الموبينة معطلة

**bshndi** · 29-04-2012 09:47 PM

السلام عليكم يا حضرات
أرجو أن تكونوا جميعاً في أتم أحوال الصحة و السعادة
السيارة : شيفورليه لانوس 2010 العداد 45 ألف كيلو
إستفسار بسيط بعد مشوار لا يتعدي 8 كلم ركنت وأكلت وروحت أدور العربية تاني لقيت العربية بتتررج وعاملة صوت كأن الشكمان مخروم .
طبعاً ولعدم خبرتي دخلت البنزينة رفعتها وطلعت طقم بوجيهات وفلتر بنزين وقولت للولد غير يا ريس ، قالي ما بعرفش يا بيه ومش عارف أصلاً العيب من إيه

قولت خلاص روحت على الحي السادس عند مركز الصيانة إلي جنب أشرفكو . في شاب محترم فتح الكبوت وقالي أعتقد إنها موبينه دي مش بوجيهات وفصل أول وصلتين من سلوك البوجيهات ما فيش شرارة خاص ؟ عله عكس ألإثنين إلي تحت
قام جاب موبينة قديمة من عنده وحطها العربية رجعت حلاوة .
وإقترح شراء واحدة جديدة ودي تعملها 300 جند كوري ، 550 جي إم من عند البنا
أنا كان في جيبي 500 جنيه قمت أخدت العربية وروحت وركنتها قولت لما أسألكم الأول ممكن تكون إشتغاله وممكن يكون كلامهم صح ؟
أفيدونا
في إقتراح ثالث وكان المفروض إني أطلع على التوكيل وأسوق الجنان لحد ما تتغير لإنه مش معقول موبينه تبوظ بعد 45 ألف وأنا مش بغسل موتور العربية إلا في التوكيل ؟
إحترامات

**hessenp** · 29-04-2012 11:43 PM

متهيقالى طالما انه غير قدامك الموبينة بواحدة تانية واشتغلت العربية حلاوة زى مابتقول يبقى فعلا العيب منها ....
وانتظر برضة راى الاعضاء!!!!!!!!!!!!

**ahmedelngar** · 30-04-2012 01:15 AM

فعلاً الموبينة

**mailo** · 30-04-2012 11:17 AM

لو لسة في الضمان غيرها عندهم

**megadeath** · 30-04-2012 02:13 PM

عندى مشكلة تشبة الموضوع ده و ومحتاج الافادة
العربية بقلها اسبوعين بحس ان فيها رعشة مع انى لسة عامل الصيانة الدورية بالكامل و غيرت سلك البوجيهات ،
من يومين و انا فاتح الكبوت سمعت صوت زى صوت شرز بتاع الكهرباء ( كان فى سلكين ملمسين على بعض ) المهم تتبعت الصوت لقيته جاى من عند الموبينة واحد صحبى شال السلك بتاع البوجهات اللى واصل الموبينة و قلى المخرج الرابع بتاع الموبينة مش بيخرج كهرباء مع ان سامع الصوت بتاع الكهرباء بس مش شايف شرارة
الى جارجة من الموبينة ... على فكره هو ما كنتش مقرب سلك البوجية من الموبينة هو شالة بعيد خالص
حد يقولى ده ايه

**bshndi** · 30-04-2012 05:43 PM

شاكر لكل من شارك أو أدلى برأيه ، أنا هاخد العربية وأروح التوكيل ونشوف الحكاية إيه معاهم بس سؤال للخبراء هل غلط أمشي على العربية كثير في الوضع ده عشان لو كده أجيب ونش أحسن ؟

**DRNOUR0** · 30-04-2012 07:25 PM

انا حصل معايا نفس الموقف وفعلا غيرت الموبينة وعشان دائما انا بشتري جديد واصلي اشترتها ب650 للنوبيرا وركبتها بس استمرت لمدة ستة شهور فقط وباظط تانى علي الرغم من انها اصلية فقررت ولاول مرة اشتري استيراد فذهبت الي الحرفيين واشتريت واحدة ب 250 كانت راكبة علي موتور وشغالة بقالها فترة فانصحك بالاستيراد والابتعاد بالاخص عن الموبينة الالمانى او الصينى