الموضوع: أقصى سرعة مشيت عليها ؟؟

280 KM

Opel vectra 3800 cc

المشاركة الأصلية كتبت بواسطة youssef_00

هو فى ايه بالظبط كل اللى داخل عمال ونبى وبلاش وحرام عليكم وابوس ايدكم بلاش سرعات عالية طب هما ليه عاملين العدادت سعرتها 240 و260 وبردو موضوع نرفزنى جامد بردو بتاع الاوبل روحت اتفرجت على الاوبل استرا فى توكيل منصور اللى فى جامعة الدول دخلت وفتحت العربية 100 /100 ابص على العدادات لاقيتها 260 الار بى ام 10 المهم قعد مع الراجل اللى هناك واتكلمت معاه على موضوع القسط وكده بصراحة الراجل طلع زووق جدا وانا ماشى ايدانى الكتالوج بتاع العربية ابص فى الكاتالوج الاقى من المواصفات اللى خلتنى اكره العربية ان السرعة القصوى 185 والعداد مكتوب عليه 260 بصوا موضوع السرعة القصوى ده ما ينفعش نقول خطر ومش خطر ما انا بشوف على طريق الصعيد ومرسى مطروح عيال امهم اللى جايبلهم العربيات وماشين 220 و230 وواحد بتاع جولف 2008 ماشى ازيد من 250 فده قضاء وقدر ....
اخوكم يوسف

أخى يوسف
طبعاً كل شيء قضاء و قدر , لكن ماينفعش ان واحد مستهتر بروحة وارواح الناس اللى ماشيا فى امان الله يبقى ماشى على طريق زى مصر إسكندرية الصحراوى مثلاً االى السرعة فية 100 كم ويبقى ماشى فرحان بنفسة وبيقول وسع الوحش وطاير على 150 ولقى واحد أجن منة وعداة طبعاً مش هايسيبة هايشمر القميص وهيقول يانا يا هو على الطريق دة ممكن تقولوا ذنب الناس اللى ماشيى فى حالها اية ان واحد معندوش ولا ضمير ولا احترام او وعى يعدى من جنب واحد ماشى على 90 ماشى فى حالة عدى من جنبة وكان سبب انة دخل فى شجرة وتوفى هو ومراتة وبناتة الاثنين ( دى حادثة حصلت فعلاً مش من وحى الخيال ) , حد من الشوماخاريين - نسبة الى مايكل شوماخر - يحب يبقى مكان الراجل دة.
حسبنا الله ونعم الوكيل.

180 ك
1600 cc
على طريق اسكندربة

فى الحقيقه أنا مش مصدق الكلام اللى الناس بتقوله ده. للدرجه دى مفيش وعى او حتى خوف من ربنا!!!
اللى عايز يسوق بسرعه فيه أماكن مخصوص لكده .فين حق الطريق؟فين مزاعاه الاخرين؟وبعد كده نقول دا قدر!!!
طيب ماشى لو فرض وواحد حصل له حادث و مات وكمان موت حد معاه تفتكروا حايكون شهيد؟تفتكروا حيقول ايه لربنا سبحانه و تعالى ! كنت بقفل الامبير ؟طيب علشان اوصل ل ايه؟مجرد السرعه؟بدون هدف,بدون نتيجه!تفتكروا دى حاجه ترضى ربنا ؟طيب افرض ان والدك كان سايق او والدتك تحب حد يجى من وراهم بالسرعه المبالغ فيها دى و قد يتسبب له فى حادث لا قدر الله,ياترى دى حاجه كويسه و تدعوا الى الفخر؟

انا بتكلم على العربيات المجهزة للسرعات العالية يعنى ما اجبش 128 واقول امشى على 180 وصحيح طب ما فى الاوتوكروس طب ما الناس تروح تشترك هناك و تقفل الامبير براحتها على الاقل فى سيارت اسعاف موجودة وبصراحة مصر من اسوء الدول فى الطرق يا راجل امريكا منعت السياح اللى بينزلو مصر ما يركبوش سيارات مصرية ولا يركبو مع سواقيين مصريين اللى بتصريح من وزارة الداخلية الناس دى مافيش بعدهم ...k14

المشاركة الأصلية كتبت بواسطة tutankhamoun

ما هو المشكلة إن السرعة تأثيرها مش على صاحبها بس
دي بتاخد في سكتها ناس تانية أبرياء معاها

+10000000000000 mazbot ya basha allah ynwr 3lek

انا جيبت بالنيو اكسنت 210 كيلو مع العلم ان انا كان ممكن اجيب اكتر من كده لان انا حاطط فى العربية تربو ونظام عادم كامل وفلتر كى ان ومتنفخة بالكامل كاربون