تسقيط موتور للافيو

**Ahm662** · 02-05-2012 02:03 PM

المشاركة الأصلية كتبت بواسطة mmamdouh

للاسف معنديش اى خلفية عن سكودا فا مقدرش افتى

بس المرور مازال بيمنع تركيب موتور من شركة غير اللى عملت العربية

mmamdouh

طب ممكن شوية نصائح عن التغيير من كربراتير إلي انجكشن عموما مش شرط اسكودا . وهاحتاج اغير ايه مع الموتور

**Ahm662** · 02-05-2012 02:09 PM

المشاركة الأصلية كتبت بواسطة ahmedeihab

نصيحه اخويه هقولها و همشى
العربيه دى مش ثابتها بعد ال 120 على موتورها
بالك بقا لو ركبتلها موتور اكبر مش هتلاقى ثبات فى العربيه
تحياتى
^_^

أنا عارف ان ثباتها مش قد كده بس لو العفشة حلوة و ‏sturt bar‏ و شوية تراويش كده الدنيا ها تحلو و أنا هانفض لتغيير الموتور بسعة أكبر بس هاغير من كربراتير لانجكشن

**nity** · 02-05-2012 02:46 PM

المشاركة الأصلية كتبت بواسطة MMamdouh

الموضوع هنا زى تسقيط مكنة 1600 بتاعت نوبيرا فى لانس بس الفرق ان فى حالتك مش هيبقى فية تعديل فى قواعد لان القواعد فى الاوبترا و الافيو نفس النظام

بالنسبة للفتيس مفيش اى مشكلة... المكنتين يركبوا على فتيسك عادى خالص و الحوض عندك يساع المكنة ال1600 بس طبعا هو عندك اضيف من حوض اللانوس فا اللى بيشتغل فى العربية هيتقرف شويتين

طبعا اهم حاجة تعدل الفرامل بعد التسقيط لان فرامل الافيو متنفعش مع المكنة ال1600

طبعا المكنة دى 1600 اتنين كامة 16 صباب بتطلع حوالى 105 حصان

الاسعار معرفش الصراحة لانى مشتغلتش فى الشيفرولية خالص بس هى اغلى من الدايو

MMamdouh

الله اكبر عليك يا بشمهندس ربنا يزيدك معرفة وعلم وشكرا على اهتمامك بالموضوع بس اخر طلب علشان الموضوع يكمل وينجح معايا

هعمل ايه بالظبط فى موضوع الفرامل وهجيب ايه بالتحديد ماستر وطنابير ومواسير ولا ايه بالظبط ؟ وهيبقو نوع ايه يعنى بتوع اوبترا ولا نوع تانى ولا ايه

**Ahm662** · 02-05-2012 03:38 PM

المشاركة الأصلية كتبت بواسطة nity

الله اكبر عليك يا بشمهندس ربنا يزيدك معرفة وعلم وشكرا على اهتمامك بالموضوع بس اخر طلب علشان الموضوع يكمل وينجح معايا :copy of m-s5: هعمل ايه بالظبط فى موضوع الفرامل وهجيب ايه بالتحديد ماستر وطنابير ومواسير ولا ايه بالظبط ؟ وهيبقو نوع ايه يعنى بتوع اوبترا ولا نوع تانى ولا ايه:b4_048::b4_048:

معلش يا ريس أنا سألت م/ محمد بس سؤال كده علي الماشي . بس نصيحتي لحضرتك هات نص كامل استيراد و خد منه كل اللي انتا عايزه

**MMamdouh** · 02-05-2012 04:05 PM

المشاركة الأصلية كتبت بواسطة Ahm662

طب ممكن شوية نصائح عن التغيير من كربراتير إلي انجكشن عموما مش شرط اسكودا . وهاحتاج اغير ايه مع الموتور

انا مجربتهاش قبل كدة بس بشكل عام هتحتاج المكنة الانجكشن كاملة بادوات التغذية و الفرن + ضفيرة كاملة و الكونترول و طقم العدادات... مش عارف بصراحة هيبقى ايه نظام حساس السرعة لان دة بيبقى راكب فى الفتيس و متوصل بالكونترول

طبعا هتحتاج طلمبة البنزين بتاعت العربية الانجكشن و لو الطلمبة بتركب فى التنك هتحتاج تغير التنك

MMamdouh

**MMamdouh** · 02-05-2012 04:12 PM

المشاركة الأصلية كتبت بواسطة nity

الله اكبر عليك يا بشمهندس ربنا يزيدك معرفة وعلم وشكرا على اهتمامك بالموضوع بس اخر طلب علشان الموضوع يكمل وينجح معايا

هعمل ايه بالظبط فى موضوع الفرامل وهجيب ايه بالتحديد ماستر وطنابير ومواسير ولا ايه بالظبط ؟ وهيبقو نوع ايه يعنى بتوع اوبترا ولا نوع تانى ولا ايه

انا مبحثتش فى الموضوع بالتفاصيل بس حسب اللى عملتة فى الدايو التعديل عندك هيبقى:

تغيير الماستر العمومى ال20 بماستر اكبر 22 من الاوبترا

تغيير الطنابير بطنابير اكبر بتوع اوبل فكترا A اوB او طنابير دايو سبيرو او لانوس 1600

تغيير الكالبرات بكالبرات اكبر بتوع افيو 1600 (مش عارف اذا كان ينفع بتوع النوبيرا و الاوبترا ولا لا)

تركيب تيل اكبر بتاع اوبترا او نوبيرا او سبيرو

مواسير و خراطيم الفرامل مش هتتغير

MMamdouh