الموضوع: انضرب على نار وخدوا العربية

الموضوع بالتفصيل...

بعد الكوبرى الجديد ب 200 م على طريق السويس فى نطاق منطقة تسمى بالروبيكى ... كنت مسافر فى اتجاه السويس وراكب عربية تويوتا دبل كابينة وكان معايا السواق وطبعا حاجتى الشخصية من لاب واخره الساعة 7 صباحا... السرعة كانت 80 كم -- Safety Drive.

ومرة واحده على غفلة عربية هيونداى اكسنت RB رصاصى جت جنب السواق وضرب طلقة حية على الزجاج الجانبى للسواق دمرته واخترقت الزجاج الامامى ولما فقت من الخضة وببص مين بيعمل ايه لاقيت العربية الهيونداى فيها 4 اشخاص 3 منهم معاهم سلاح اّلى وموجهينه فى راس السواق اللى هو يعنى لو فكر انه يزود سنه جاز هايتفرتك...
المهم قطعوا علينا الطريق وهاتك ياضرب بالاّلى على الارض تحت رجلى مع اننا نزلنا من العربية وسبناها وقلنالهم خدوا اللى انتم عاوزينه ... بلا مبالغة فرغوا تحت رجلى خزنة الى وخدو العربية وجريوا بيها فى اتجاه مصر....
وكانت اهم مطلب عندهم التليفونات بتاعتنا وسيباهلم...

ياجماعة بالله عليكم خدوا بالكم من الطريق كويس جدا ودايما ركوزا فى المرايات لاى حاجة شكلها غريب وراكم او جنبكم وربنا يستر طريقكم...

على فكرة كان معدى جنبا وهم بيضربوا النار علينا مش اقل من 4 عربيات وكلهم شافوا ضرب النار وطاروا
وكان فى تحت الكوبرى اللى هو يبعد عننا اقل من 200 م ناس وسواقين واقفة بتفطر وحياة .... لكن لا حياة لمن تنادى.

للعلم عرفنا ان الرصاص كله حى واسمه رصاصة خارقة حارقة روسى... يعنى مفيش هزار.

وبرضه انا عارف ان فى تاس كتيره هتقول كنتم دوستم عليهم وجريتم ... وهرد عليه وقوله ان 3 الى فى راس السواق يعنى بس بمجرد تفكيره انه يزود كان راح ... والرصاص اسرع من اى سرعة...

طبعا روحنا عملنا محضر وهكذا ... والنتيجة ..( حاولوا تفاوضوهم على المبلغ اللى طلبوه وتشوفوا واسطة من العرب تقيلة علشان ماتتقلبوش فى الفلوس كمان وتستلموا العربية)


من فضلكم ... استحلفكم بالله ... ركزوا 100% فى الطريق واللى بيحصل حواليكم.