المشاركة الأصلية كتبت بواسطة amir
كان الله في عون المنتدي و القائمين عليه
احب اوضح نقطه تعقيبا علي كلام سبعاوي, مادام في ناس كل همها انها تدخل المنتدي و تبوظ المنتدي بمعلومات خاطئه او اتهامات كاذبه....
يبقي لازم الاداره مشكورا تفكر في كلامي كويس و تشوف ممكن يتنفذ و لا يتعدل
اقتراحي للمره التانيه كالتالي:
1-قصر العضويات الجديده علي المشاهده فقط لمده معينه( كنوع من انواع استكشاف المنتدى ) و بكده الاعضاء الجداد هيبقي عندهم وقت كويس يتصفحو فيه الاقسام الموجوده بما تحوي من عشرات الصفحات و الاف المواضيع بدلا من اغراق المنتدي بنفس الموضوع مره ورا مره
2- سرعه اعاده عرض عدد المشاركات السابقه ليه؟!
لأن الوضع الطبيعي في الحياه ان الخبره بتفرق فمش معقول عضو جديد لسه داخل و يسئل اسئله استفزازيه او يناقش مناقشات غير موضوعيه و باقي الاعضاء يتعاملو معاه و كأنو اخ و صديق ( هو ده جمال المنتدي و روحه) و يكون العضو الجديد ده داخل اصلا للتشويش و الاساءه للمنتدى فلازم نكون كلنا عارفين احنا بنكلم مين و ساعتها هنعاملو علي هذا الاساس, لو عضو جديد و بيسئل او يناقش حاجه مفيده نحترمه لاكن لو و هو لسه جديد و داخل يستهزء بالاعضاء المؤسسين او يستهبل يبقي ساعتها سهل جدا كلنا ناخد بالنا و يتم ايقاف عضويته
3- اقتراح اخير و خلو نفسكم طويل معايا شويه, ممكن الاداره مشكوره تشوف المواضيع المميزه و القديمه و تعمل نوع من انواع الفلتره و تجمعهم في موضوع واحد و يكون مغلق و خالي من الشكر و الاقتباسات و خلافه, مثلا قسم الدايو يبقي فيه موضوع شامل و مجمع لكل شيء عن النوبيرا و موضوع اخر عن اللانوس و هكذا...
يمكن اقتراح صعب بس لو لتنفذ هيكون روعه و اللي عايز يعرف حاجه عن ماركه معينه ما عليه الا الذهاب الي احد تلك المواضيع و ميزه كمان ان الناس الجديده او الموجودين حاليا مش كل شويه ينشئو موضوع جديد للسؤال عن شيء قديم
و شكرا للاعضاء المتميزين و اداره المنتدي