كارينز ولا تيريوس ولا أفانزا

**Hossam_hassan4** · 01-05-2012 09:44 PM

انا راي برضه انك تشوف الداستر :) انا شايف انها احسنهم عفشه ناعمه و مصفحه من تحت و ابشنز كتير و شكلها كويس

**Dr'AhmZZong** · 01-05-2012 10:15 PM

المشاركة الأصلية كتبت بواسطة Hosam_Optrawy

طيب معلش انا مسمعتش عن انها فازت باللقب دا ياريت لينك او حاجه , وبرضه فى حاجه مهمه هى فازت باللقب دا بعد منافسه مع مين ايه العربيات اللى فئتها كانت بتنافسها وقتها على الجايزه والتريوس اتفوقت عليها ؟

ثانيا هو حد دلوقتى اتكلم فى بلوتوث ؟ هو انا هافضل عربيه عالتانيه عشان فيها بلوتوث , احنا بنتكلم فى اساسيات موتور عفشه فتيس تقفيل تصميم مساحه داخليه وبعد كدا الشكل والاوبشنز وقطع الغيار والانتشار واعادة البيع , دا الغير السعر طبعا اللى هو من اهم العوامل , ايه اللى فى التيريوس يميزها عن الباقيين فيها ايه زياده ؟

ثالثا بخصوص مبيعات اوروبا , فين المبيعات دى , انت عارف حضرتك ان فى يناير 2013 ماركة دايهاتسو دى هاتختفى من اوروبا ؟ ايوه هايقف انتاجها , وحاليا فى بعض الدول زى انجلترا مثلا خلاص قفلوا مفيش ستوك

وبعدين عمر ما شركة دايهاتسو كلها بكل عربياتها تريوس وسيريون وغيرهم وصلت ل 80 الف فى اوروبا , اكبر رقم كان فى 2007 باعت 58 الف عربيه بالتريوس بكله , واتفضل ادى اللينك من دايهاتسو نفسها بتاع وقف المبيعات ومكتوب فيه برضه ارقام المبيعات فى ال 5 سنين اللى فاتوا

DAIHATSU - News

ودا لينك دايهاتسو انجلترا

Daihatsu UK

رابعا ايه يعنى 100 % يابانى , هو اليابانى بينزل من السما ؟ عادى دلوقتى اليابانى بقى زيه زى غيره ويمكن اقل فى بعض الفئات , امال لو ماكنتش دايهاتسو كمان يعنى من اقل الشركات اليابانيه هى مش هوندا مثلا يعنى , لأ وكمان فى منها بتتقفل فى اندونيسيا

خامسا الموتور ضعيف ودى حاجه معروفه بنتكلم فى موتور عزمه 140 نيوتن وتسارع الاوتوماتيك 13 ثانيه وال 4*4 فى 14 ثانيه

حسام بييييييييييه أهلا بييييييييك ..

إيه يا سيدي زعلان كده لييييييييه .. أنا مش قصدي أضيقك قوي كده ..

واللهِ أنا كان نفسي الاقي link عشان عارف إنك هتشوط في قوي كده

هههههههه ..

أنا هتكلم بس في موضوع الياباني 100% .. أنا قلت كده عشان شعبك بيموت في حاجة اسمها ياباني 100% .. و ده طبعا ليه سعر ..

ااااااااه و حاجة كمان تريوس اشتراك بين تويوتا و داوهاتسو و نسيت حاجة تويوتا كامري بره اسمها برده دايهاتسو التيس .. ف ياريت ماتقولش إيه ديهاتسو ديه

العربية يا جماعة ليها استخدام و كيا ليها استخدام تاني خالص ..

بس كفاية إنك راكب 4 * 4 و بالسعر ده ..

**Hosam_Optrawy** · 01-05-2012 10:27 PM

المشاركة الأصلية كتبت بواسطة ahmazong

حسام بييييييييييه أهلا بييييييييك ..

إيه يا سيدي زعلان كده لييييييييه .. أنا مش قصدي أضيقك قوي كده ..

واللهِ أنا كان نفسي الاقي link عشان عارف إنك هتشوط في قوي كده

هههههههه ..

أنا هتكلم بس في موضوع الياباني 100% .. أنا قلت كده عشان شعبك بيموت في حاجة اسمها ياباني 100% .. و ده طبعا ليه سعر ..

ااااااااه و حاجة كمان تريوس اشتراك بين تويوتا و داوهاتسو و نسيت حاجة تويوتا كامري بره اسمها برده دايهاتسو التيس .. ف ياريت ماتقولش إيه ديهاتسو ديه :copy of m-s5:

العربية يا جماعة ليها استخدام و كيا ليها استخدام تاني خالص ..

بس كفاية إنك راكب 4 * 4 و بالسعر ده ..

اهلا بيك يامعلم

ولا زعلان ولا متضايق والله هازعل من ايه :) ومقدرش اشوط فيك لا سمح الله العفو , انا بس حبيت اوضح المعلومات الصحيحه , دا انت اللى المفروض تزعل :)

ومن غير لينك انا مش باكدبك والله بس انا مسمعتش عن الخبر وحتى لو فعلا فازت زى ماقولت اتفوقت على مين , معلش يعنى مع احترامى للتريوس ولملاكها اللى انت واحد منهم احنا بنتكلم فى فئه تعتبر لعبة مقارنة بال 4*4 بجد

ومعروف ترتيب دايهاتسو فين وسط الشركات اليابانى من الشركات الصغيره والمفروض انها بتعمل عربيات اقتصاديه ومبيعاتها مش كتير وعارف انها الفرع الصغير من تويوتا بس مش فى كل الموديلات , وبعدين تبع تويوتا تبع بى ام انا ليا بالعربيه اللى قدامى ومواصفاتها ايه , مش عشان يابانى يبقى غمض عينك واركب , معلش النظريه دى مش الكل مقتنع بيها فى كدا وفى كدا

**Sehsss** · 01-05-2012 10:53 PM

المشاركة الأصلية كتبت بواسطة mody3on

انا عمري ما شفت ريفيو امريكي او بريطاني او اوروبي لعربية تريوس , وبعدين هو مش الشعب اللي بيحب الياباني هو هو اللي بيحب يفتي في اي حاجة ؟ والكامري الجديدة مبقتش تنزل بماركة دايهاتسو , وبعدين عشان عربية 4*4 بثبات ضايع وموتور تعبان وتصميم قديم وتابلوه عتيق ادفع 160 الف جنيه ؟ طب ما توفر فلوسك وتجيب الداستر ما دام عاوز 4*4 وخلاص , وانا برضه عايز اشوف ال 80 الف عربية مبيعات دول , وجايزة افضل عربية 4*4 دي , لا وكمان ريفيو توب جير اللي اصلا في الموقع بتاعه مفيش اي عربية دايهاتسو , معلش دايهاتسو لا بتبيع في امريكا ولا اوروبا ولا الخليج ولا في اي حتة , مش اي حاجة ياباني تكون خارقة , اذا كان التويوتا ملكة الياباني مبقتش الاولى زي زمان , تقولي دايهاتسو ! , ولما حد يقول اللي راكب عربية بيكون متحيز لبلد المنشأ , ومين دلوقتي اللي متحيز للدايهاتسو ؟
--------
ملحوظة : كلامي من غير تقليل من حد ومش عاوز حد يزعل مني

ومين دلوقتي اللي متحيز للكارينز
ملحوظة: كلامي من غير تقليل من حد ومش عاوز حد يزعل مني

**ahmed legend** · 01-05-2012 11:15 PM

الكارنيز عربية ممتازة وواسعة وناعمة جدا وثبات

**Sehsss** · 01-05-2012 11:26 PM

المشاركة الأصلية كتبت بواسطة mody3on

فعلا عندك حق , مين اللي متحيز للكارينز , مشفتش في كلامي او كلام حسام اي كلام عن الكارينز اصلا , انا بتكلم على التريوس ومقلتش ابدا ان الكارينز احسن عربية عشان هي كوري وخلاص :)
انا عاوزك تقولي مميزات التريوس ايه اللي تخليني ادفع فيها 160 الف جنيه , تمام كده ؟ الميكروفون معاكوا :)

ولا ليها أي ميزة عربية سيئة جدا جدا، (حلو كده) والميكروفون رجعلك