سلك دبرياش اتقطع

**hazemawad** · 30-04-2012 10:38 PM

سلك الدبرياش بتاع الداتشا نوفا اتقطع وسألت عليه عند مشيل حليم قال 120 جنيه(!!!!!!!!!!!) والتانى سامح الضبع قال الايطالى ب 80 (!!!) فى حين الايطالى اكيد ارخص عند بتوع الايطالى ...فسيبونى اجرب فى نفسى وهاقول لكم ايه اللى يوافق الداتشا من الايطالى..

**w-m-a** · 14-06-2012 10:16 PM

بص يا باشا انا شيلت الهلال الفيبر الموجود فى الكفه لانه كان ب 45 جنيه وكل شويه يكسر
وخرمت فى نهايه الكفه وجانبيها وعديت مسمار صلب
وجبت جراب 132 ايطالى وعدلته ورحت لخراط الدبرياج وعملت السلك
كبست السلك وركبت اخر السلك فى الدبرياج صاموله بليه او بيضه
اى استفسار
01001154220

**w-m-a** · 14-06-2012 10:18 PM

نسيت
الجراب كان بـ 20 جنيه
والسلك بـ25 جنيه
طبعا الجراب بيفضل اكتر من السلك

**hazemawad** · 17-06-2012 08:10 PM

الله يكرمك يا سعادة الباشا ...هوه حل بس انا وجدت حل ارخص وتكلفته قول ....1 جنيه .....ههههههههههههه
الحاصل ان السلك اتقطع عند الفتيس مش من عند الدواسه فبكل بساطه حليت السل وكلت من الكاوتشه اللى عند الصداده من ناحيه الفتيس بحيث اظهر السلك من جرابه بالطول اللى انقطع من السلك واضفت عليه سنتى ونص عشان اربط عليه بمسمار ووردتين ب 1 جنيه
ومع ذلك اكتشفت ان فيه تعديل ممكن اعمله على سلك ال131 بانى اقطه الحلقه اللى فى اخر سلك ال 131 واقطع جزى من الجراب من ناحية المقلوظ بتاع السلك بحوالى 25 سنتى عشان اكشف السلك وبصراحة النتيجه مذهله يا اخى... سلك مقابس تماما للقديم مع تعديل بسيط بان الوصله من ناحيه الفتيس بقت على مقلوظ على دراع بلية الفتيس واتكلف الحوار ده كله 28 جنيه تمن السلك فقط واستغرق وقت التعديل حوالى ساعه من وقت فراغى واصبح عندى سلك احتياطى راميه فى الشنطه للطوارئ
ومصور المراحل بتاعة التعديل بس عايز اعرف بنرفق صور فى الموضوع ازاى وانا انزل خطوات التعديل على سلك ال131 وتحويله الى سلك دبرياج للداتشا نوفا بالصور.