الموضوع: اخويا اتسرق في قلب جامعة ٦ اكتوبر ... والقسم الشرطة اجازة بكرة

اللزيز بقة. خدتو وطلعنا على قسم الشرطة التابعين ليه .... لقيت معاملة الشرطة اختلفت تماماً وشوية شوية الضابط هيقعدني جمبو ويصبلي كوبايت شاي وكل من في القسم رحبو بينا وخير يافندم وعاوز ايه يافندم لدرجة حسيت اني مش داخل قسم شرطة لا دا انا داخل فرع فودافوووووون

ده حتى الضابط ساب المحضر في ايدو خالص وبقة ينصت للموضوع بتعنا وفي النهاية قالي لا انتا تطلع على قسم الشرطة الي وقعت فيه الجريمة ههههههههه ياعم الحج جريمة ايه. اعملنا بس مذكرة فقد علشان الواد ميستغلش الورق الي في المحفظة استخدام سيء ولا يعمل جريمة ويرمي محفظت اخويا في موقع الجريمة واخويا هو الي يتشد

المهم بصيتو لقيتو بيقلي اصل لازم تروح القسم التابع ليه الجامعة.
حسيت ساعتها. بحاجة مهمة. مفيش ربط بالمعلومات بين اقسام الشرطة وبين بعضها يعني البلد في ايد امينة. ومنك لله يامينة ضيعتي البلد

وبعدين قلتلو طيب انا بس عاوز اعمل مذكرة فقد قالي اصل الخزنة قفلت والخزنة بتقفل الساعه اتنين قلت في نفسي خزنة ؟؟؟؟. انا داخل قسم شرطة ولا داخل ادفع فاتورة التيلفون هههههه قال خزنة قال ، لا لا. بلدنا. مش بس في ايد امينة دي في ايد عفاف كمان وعليه العوض ومنو العوض

وبصيت لقيت الزابط كتر الف خيرو كمان قالي بس متجيش بكرة ، قلتلوا ليه ساعتك فيه ايه بكره ؟؟!!!!
قالي بكره كل سنة وانتا طيب عيد العمال يعني اجازة !!!
قلت يانهر اسووووح. هيا الشرطة بتاخود اجازة. لا واضح ان البلد في ايد امينه وعفاف ونوال والحجة أمو احمد كمان ، وزغرتي يا إنشراح الي راح راح هههههههههههه

قالي لا لا ساعتك احنا فاتحين بكره عادي احنا حتى في عيد الشرطة بنبقى شغاليين. بس الموظفين الي في القسم مدنين ومن حقهم ياخدو اجازة متقلقش ساعتك تعاله انتا بعد بكره. وانا هعملك الازم

بصراحة وصراحةً انا لمن اكن اتوقع ان الشرطة المصرية بكل الاخلاق والزوق ده ... فعلاً معملتهم اختلفت مع المواطنين مية وتمنين درجة ... والي مش مصدقني يجرب يروح اي قسم شرطة من كبيرهم لصغيرهم. احترام احترام احترام اكتر من اي شركة محترمة. ولا كانك داخل فرع فودافون ده مش ناقص غير يدوك على الباب رقم. تخليه معاك علشان لمن يجي دورك ويحطولك استراحة في القسم ... والمشكلة. ان الضباط دول مش من كوكب اخر هتلاقي ضابط الشرطة ده يا قريبي. يا ابن خالي يا ابن عمتي يا جار قريب ليا يا صاحب صاحبي يعني مننا وعلينا ده اذا مكنش ابن حتتنا ربنا بجد يكون في عونهم. ويعنهم علينا كشعب ابن لزينة لكن الرك دلوقتي هو اصلاح القوانين وتطويرها واحترام رجل الشرطة الي بيضحي بحياتو علشانا. وكمان احترام الشرطة للمواطن وكده تبقى الحياة حلوة بس المجرمين. ازاي نحترمهم وازاي رجال الشرطة تساوي بين المخالف وبين المواطن . تحياتي لرجال الشرطة الشرفاء المحترمين وبصراحة بجد بجد ربنا يكون في عونهم ويعنهم على بالد سايبه وفلتانه

البلد رايحه في داهيه و الله و لا حتي الف ثوره هيغيروا حاجه

التربية يا عزيزي اساس اي شيء ... والشاعر بيقلك انما الامم الاخلاق ان بقيت فهم بقيو وان ذهبت فهما ذهبووو وراحو في ستين داهية .... وازاي اعلم الشاب الاخلاق وهو نشء. في بيئة ملوثة واصبح البلطجي ورمز البلطجي زي المبي هو بطل ، ورمز للكفاح ، ازاي تعلم الشاب الاخلاق. وانتا كل يوم. تديلو سم حتى في التلفزيون وكل شوية تحطلو وسط الاعلانات. اعلان سرقة تحت مسمى المفتش كرومبووو. وكل شوية مين الي سرق مين الي سرق عطوة بتاع الطعمة. ولاسنية بتاعت المهلبية كلمة سرق وسرقة وحرامي بتتردد على مسامع الناس مليون الف مره فليه نستعجب حوادث السرقة في مجتمعنا انها تبقى عادي
ده غير اعلانات القتل ، زي اعلان سرحان ونفيسة الي بيقتل مراتو. عشرين مره في اليوم وفكر وشغل مخك واتصل هو ليه مقتلهاش فانتا من الطبيعي طول ما انتا قاعد في بيتكم بتفكر بالسرقة او القتل وعاوز المجتمع ينصلح حالو

ده غير علشان نلوث تفكير الناس اكتر واكتر .... ونسمم عقولهم نشوف رجال الدين. ونطلعهم رجال غشاشين وحرامية. وقوادين وبتوع نسوان. ليه ؟ علشان ميبقاش للشاب اي مثل اعلى او قدوة غير المبني وشخصيات الزبالة بتاعت حين ميسرة كان المجتمع المصري كلو كده ونحبب لمشاهد. مناظر البلطجية والفتوات وقشطة يامعلم وقشطة يازميلي. وتلاقيهم بيتكلمو باسلوب بيئة قزر. من العشوائيات


وبعد ما شجعناه على السرقة والقتل وعملنالو اعلان كل يوم صبح ومسا عن القتل والسرقة وهدينا الرمز الديني بالنسبة الوو نبتدي كمان نشككو في رجال القانون ورجال القضاء وبعد كده نشككو حتى في ابوه وامه ونخليه ميحترمهمش ونطلع العيل بيهزء ابوه او ماسك ودان امو وبيقولها الي يسرق يروح فين يمه اوووعه تقوليلي مارينا زي فيلم صايع بحر بتاع احمد حلمي ، ولا ادوار الاب المسخرة في افلام كتيررررررررررة. الاب والام يطلع مسخرة ويفضلو يسممووو فكر المشاهد وفي النهاية بنقول حوادث السرقة والنهب والسطو المسلح كترت ليه ؟؟؟!!! هو البلطجية كترووو ليه في البلد !!!!! هو الشباب مستواهم انحط كده ليه !!!!

هو الاغتصاب والتحرش كتر ليه !!!!!

طيب مانتو بسم الله مشاء الله عليكم دمرتووو جيل كامل وسممتو افكاروا وجين تسئلوا هو حصل ايه في المجتمع !!!!