اولاً
بسم الله الرحمن الرحيم



كثيراً منا اشتكي من ضعف التكيف وضعف الهواء الخارج من فتحات التكييف وبعد الكشف والفحص يجد سربنتينة التكييف (( الثلاجة )) مسدودة وكل بتوع التكييف وبلاش اجمع معظم بتوع التكييف بيفك التابلوه ويطير الشحنة علشان ينظفها وكان هنا العديد من المواضيع لتنظيفها بدون فك التابلوه وعدم تتطير للشحنة بتاعة الفريون وكان موضوع مرهق جداً
والسبب الرئيسي كان عدم وجود فلتر للتكييف في السيارة اللانوس وحاول العديد من الاعضاء شرائه من الخارج لوجود صورة له علي ال you tube ومكان تركيبه والفكرة بدات بالعضو احمد ميدوا وتبعه ميلوا وحاولنا كثيراً وطبعاً مستشارنا واستاذنا افادنا بمقاسات الفلتر
علشان مطولش عليكم جتلي فكرة ونفذتها
الاحتياجات
سلك لحام نحاس
فلتر تكيف منزل جديد
مقص
خيط كنافا وابرة
بنسة

الخطوات تم تشكيل السلك بشكل ومقاس فلتر التكييف
دي صورة سلك لحام النحاس المستخدم



ودي صورة شاسيه الفلتر بالمقاسات



وطبعاً دي صورة الفلتر الخاص بالتكييف المنزلي الي اشتريته


يتم قص الفلتر بحجم الشاسيه كما في الصورة التالية




يتم توضيب الجزء المقصوص بالشكل التالي




جه دور الابرة والخيط لتثبيت الفلتر علي الشاسيه كما يلي




طبعاً الكل هيسئل عن السيخ العرضي الي انا عملته
دا طبعاً لسببين
الاول عدم انقطاع قماش الفلتر من شدة شفط الهواء من خلال قماش الفلتر
والسبب الثاني لجعلها ادلة تثبيت للفلتر حتي لا يتحرك من مكانه

ولتفاديه اثناء تثبيت قماش الفلتر يتم عمل شق في قماش الفلتر كما يلي



وبعد اكمال التثبيت اصبح شكله كالتالي






ولتاكيد التثبيت تمت الخياطة بالشكل التالي



وكدا اصبح عندنا فلتر للتكييف
وانتظروا طريقة تركيبه في السيارة لاني تعبت مش من الفلتر ولكن النهاردة كان يوم الصيانة المنزليه
هههههههههههه
مستني التعليق والافكار للتعديل

نسيت اقول التكلفة كام

سلك اللحام = 4 جم
فلتر التكييف المنزلي ب 15 جم واستخدمت ثمنه فقط
الخيط البكرة ب 1 جم
الابرة بنصف جنيه