يا عم صلى على النبى اية الحقد دة
دة احنا شعب بيحسد بعضة حسبى الله ونعم الوكيل
ياريت نتقدم شوية زى الشعوب الاخرى
ومصر فيها ناس كتير اغنية جدا ممثلين ومغنين ولاعبين .الخ..
كفاية حقد
يا عم صلى على النبى اية الحقد دة
دة احنا شعب بيحسد بعضة حسبى الله ونعم الوكيل
ياريت نتقدم شوية زى الشعوب الاخرى
ومصر فيها ناس كتير اغنية جدا ممثلين ومغنين ولاعبين .الخ..
كفاية حقد
ههههههههههه معاك حق ... طلبات المدام الي مبتخلصش دي ... كل يوم هتلنا زبادي ولبن وعيش ... وكل ما أسئلها طب ليه اانا مش لسه جايب أمبارح تقولي أصل العيال بيكلوها ... مع العلم أن لا العيال بتحب اللبن ولا بياكلو زبادي مش عارف انا مين الي بياكولهم ده حتى العيش العيال عندي بسم الله مشاء الله مبيحبوش يغمزو ... بياكلو على طول وأقولهم يابابا غمز ... ياحبيبي كول بالعيش مع الاكل ... علشان تشبع ... ياحبيبي العيش كلو فوائد وغزى .. خلي عند أمك دم مش كده احنا لسه مكلناش . هههههههههههههه بسم الله مشاء الله .
نفس الشعور وحياتك واللى صعب عاليا فى الموضوع كلة انها نص بس يعنى يوم ما اشوف بوجاتى اشوفها نص
ولو على الشعار كنت اخدتة ليا بس مبغلاش عليك اول مااخلص فية هبعتهولك هدية فى علبة من بوع الالماظ
بس اوعدك بجد لو عديت من هناك تانى هصورهالكم هيا وصف الانصص اللى جنبيها حاجات بردو غريبة
صح معاك حق انا أسف ... ده أيه الحقد والحسد ده الي ملا قلوبنا ههههههههههههههه .
ياحبيب قلبي انا مش بتكلم على عربية تمنها نص مليون جنيه ولا حتى مليون جنيه ... عارف لو اتكلمت عليهم قولي ياحسود هههههه .
انا بتكلم عن عربية بتتباع في السعودية
من 4.500.000 ريال وتصل الى 6.000.000 ريال .يعني ست مليون ريال ده من غير الجمارك المصرية .؟؟؟
يعني لو قلنا الجمرك بتاعها 100% وده من سابع المستحيلات لأنها تيجي 8 سليندر او 12 سليندر .
والرايال بجنيه ونص يبقى احنا بنتكلم عن رقم
تسعه مليون جنيه والجمرك زيهم يبقى تسعه وتسعه 18 يعني
18.000.000 مليون جنيه مصـري ، مبلغ بسيط وهايف وتافه جداً ، أيه يعني 18 مليون جنيه الواحد بيعملهم وهو قاعد في البيت بالتيلفون .
ولا يمكن ورثهم من عمتو في استوراليا ... طيب معليش خودوني على قد عقلي هو لوفي حد فينا ورث 18.000.000 مليون جنية هيروح يجيب بيهم عربية !!!!
طب بلاش كده مش خايف اذا سواق توك توك خبطو ولا سواق ميكروباص كسر عليه وخبطلو الرفرف ...
تمنطاشر مليون جنيه دول لو أتعمل بييهم مشروع في أمبابة ولا في أبو العلى ... كانو عملوا بورتووو أمبابة وفلل وشاليهات أمبابة وقرى سياحية في بولاء أبو العلى .
هههههههههههه وتحياتي .
يا جماعة والله الموضوع ده خلاني أحس أني عاوز أبكي، يعني لما بوغاتي تكون فمصر أم الدنيا اللي التراب فيها لو قدروا يبيعوا كانوا باعوا يبقى فاضل أيه تاني ، والله العظيم أحنا مستغلين جداً فمصر العربيات اللي بتتكلموا عليها هنا ملهاش أي 30 لازمة يعنى (NISSAN Z350 and Z 370) و ال ( HUMMER) والأجمد منهم كلهم الأودي R8 اللي سعرها خرافي( فمصر طبعاً إذا كان في عاقل ممكن يشتريها) كل العربيات دي بشوفها كل يوم هنا بالسعودية ( جدة ) يعني مش ( الرياض ) مثلاً اللي فيها الأمراء وأصحاب السمو ، بشوف الهامر و الكاديلاك ، والبورش بأنواعها ، والفيراري بأنواعها، والأودي بأنواعها والمرسيدس بأنواعها والبي إم ........ يعني مفيش عربية معدتش عليا حتى ال (بنتلي).
طبعاً هيجيلي واحد زي العسل يقولي هو أنت عايش فأمريكا ولا أيه ياعم ( لا عايش فالسعوديــــــــــة) بلد حكومتها بتقدر شعبها بجد يعني مفيش جمارك عالعربيات اللي داخله البلد مفيش رسوم تعجيزية مفيش هبل وعبط يخلي الواحد يكره حياته من الأستغلال والله العظيم لو عاوز أخد بي أم الفئة السابعة موديل 2005 أجيبها بما يعادل 60000 جنيه مصري وأخرها يوم ماقول أضحك عليا أخدها ب 100000 جنيه مصري.
الفئة الرياضية Z3 كانت قدامي موديل 2003 ب 26000 جنيه مصري وال Z4 موديل 2010 كانت قدامي ب 110000 جنيه مصري، الجيب X4 كانت ب 70000 مصري. المرسيدس أغلى شوية بس لا يقارن بأسعار أم الدنيا.
لو عاوز أجيب كاديلاك سبور بنفس الأسعار.... جاكوار أغلى شوية ( للموديلات الأقدم).
طيب ليييييييييييييييييييييييي ييييييييييييييييييييييييي ييييييييييييييييييييييييي يييييه بلدنا نظامها كده الهامر اللي متيمين بيها من كثرة أستحقار الناس هنا ليها طلعت من نفسي تماماً واللي تشوفوا نازل بيها أعرف إن عربيتك أغلى منها ( الهامر موديل 2004//2005 بما يعادل 60000 ل 70000 جنيه مصري حرااااااااااااااااااااااا اااام والله حراااااااااااااااااااام
أول ماجيت السعودية قولت يا واد يا مونتو ماتشوفلك عربية محندقه على قدك ونزلت السوق لقيت الأسعار تخلي الواحد يحس أنوا فتح مصباح علاء الدين والمارد بيخفضلك الأسعار يخفض أيه ده بيدهالك ببلاش وبياخد حق حلاوته.
أخر مرة وانا فمصر كانت الهامر ال H1 فالوسيط بمبلغ (1100000) ايوه مليون ومائة ألف والغريب كانت موديل 2001 والأعلان كان في 2009 //2010 تقريباً شوفتوا بقى بيضحك علينا أزاي.
طيب مين حاسس أنها وســــــعـــــت مــــــــنـــــــــي
كلكم لا ياراجل طب خد الموقع ده وشوف الأسعار والعربيات وتأكد إن السوق نفسه أرخص بكام ألف.
موقع حراج
تحيات شخص عاشق للسيارات أحب العيش ببلد غير بلده لجمال الحياة فيها.
محدش يبكي لحسن الدمعة هتفر من عيني
حبيب قلبي يا أستاذ منتصر ... انا نزلت موضوع زمان أسمو صرخة مواطن والحمدالله كل الي في المنتدى تفاعلو معايه فيه وكان موضوع لزيز من أول صفحة لأخر صفحة ...
بس بصراحة بيني وبينك كنت خايف وانا بكتب ... من كتر ما تقلت العيار حبتين وخوفت ليجو يشدوني من البيت ومن قفايه بالبيجاما ...
وبالذات بعد ماشفت المنتدى نزل بعديها موضوع تنبيه أداري غير ملزم بالرد عن أفصاح عن بينات المشتركين حطيت أيدي على قلبي ... وقلت أأأأأأأأأأأأأأأأه كتر خيرهم بينبهونا هههههه
http://www.nilemotors.net/Nile/264452-a.html
وتحياتي .
انا شفت مازيراتي كواتروبورتي في اشارة يوسف عباس و كانت نمرها ملاكي
كنت هموت و اعرف جايب فلوسها منين ؟
بجد كنت بفكر بجد اوقفه و اعرف هوه بيشتغل ايه و جايب العربية دي منين
[color="rgb(72, 61, 139)"]هو انا مش عاوز اظلم حد ، بس كان قبل الثورة كل شوية يجيلي مسج احضر فوراً ياخالد فتحنا التوربة. ولقينا فيها التابوت وطلعنا الموممياء ومعاها دهب واثار فرعونية
هل ممكن مع الفوضى الي حاصلة في مصر. يكونوا باعو اثار من مصر. ... هو حد داري بحاجة ماهو البلد فوضى وكل الناس مهليه. بابو اسماعيل والاخوان والمجلس العسكري وجماعة سته ابريل وابو فنيلة وابو شنب والراجل الي ورى عمر سليمان. والبلد قاعده بتتسرق ، الله اعلم مع اني مش عاوز اظلم حد. بس فعلاً في حاجة غلط بتحصل وان مكناش نتلم في بيوتنا ونخلي رجال الدولة يقوموا بشغلهم البلد هتضيع وناس تركب همر وناس تبقى تقول قضاء وقدررررر، [/color]
حبيب قلبي يا اسامة ، فعلاً ياباشا انا بقيت مش متابع قوي ، لاني دايماً احب امشي جمب الحيط وبقه عندي شعور ان البلد دي مش بلدنا ، بس احنا مجرد ضيوف فيها. ، فعلاً موضوع الاثار وبيعها وتهريبها دي. ريحتها فاحت قوووي. وتلاقي ناس كان عندهم ١٢٨ حمرة وفجئة بقة معاهم مرسيدس عيون واشترى ارض وبنى عليها سنتر او مول طيب ازاي ؟؟؟ . ولمن تيجي تتكلم يقولولي. بطلوا نق باه وحسد وغل ياسااااااتر سيبو الناس في حالها ، هههههههههههههههه. ، ياجماعة انا مبنقش انا بسئل بس ، يعني ازاي سباك ولا كهربائي ولا نقاش. يبني مول !!! يقلولي لا ماهو معاهم شوركة .... مين شريكو انشاء الله اخوه الصغير بتاع كروت الشحن والسنترال الي على اول الشارع. وجوز اختو. الي بيشتغل سواق على عربية نص نقل .... وبرضو يزعلو مني سبحان مغير الاحوال من حال لحال وسبحان العاطي الوهاب يارب يارب ابعتلي حتت تمثال صغير كده علشان اعرف اصرف على العيال واجيب لكل واحد لامبرجيني والبت مرام بنتي هجبلها عربية فراري حمرة كده وكوتشي احمر من بتوع اديدس الي الجزمة فيها ب ١٠٠٠ جنية يارب انا مش طماع تمثال صغير فرعون نونووو كده هههههههههههه
ياجماعة والله العربيات دية عادى وبشوفها كتير
1- بنتلى كونتينتال 2012
2- رولز رويس (فانتوم وghost )
3- مايباخ
4- فيرارى سكوداريا
5- فيرارى كاليفرونيا
6- فيرارى f430
7- نيسان gtr شوفتها مرتين
8- كان فية فى شارع قريب مننا معرض بيبيع لامبورجينى مورسيلاجو 2009 لونها ابيض مستعملة
9- لامبورجينى جالاردو شوفتها مرتين
10- bmw m5 , bmw m6 , bmw x5m ,bmw x6m
11- bmw z8
12 - s class amg 6.2
13- m3 2010
14- نيسان z350, z370
15 - bmw z4 2008-2002-2012
16- slc , cls , mercedes
انا شوفت بلاوى وحاطط فى نفسى وساكت
ههههههههههه ياشباب انتو هتجننوني اكتر ما انا مجنوووون
انتو حطيتو ليست عربيات وبتكلمو عنها عادي كده كأن تمنها مية الف جنيه عادي كده يعني مش ملايين. ، هو انتو وهو لو كنت اغنية هتروحو تركبو عربية في شوارع مصر مش شوارع مارينا بملالالالاين وبالعقل كده اذا شفتو عربية فراري حقيقية هتلاقوها واطية جداً على الارض طيب الافندي الي شاريها ده. شاريها وهيركبها ويلعب بيها فين. قدام بيتهم !!! يعني
مفيش شارع في مصر مصمم للعربية دي ، ده انا على مستوى ضبط زوايا لعربيتي مش عارف ازبطلها زوايا كويس لان مفيش شارع محترم عدل فيكي يامصر اقدر اعمل تيست درايف للعربية كل الشوارع مايله ومره تحدف العربية يمين ومرة شمال هههههههه
خد بالك الأخ اللي راكب المكنة الصيني بيبص لك و يقول في نفسه نفس اللي حضرتك بتقوله على بتاع الهمر
و سبحان مقسم الأرزاق
بوجــــــاتى نزلت مصر بدون علمى ...! معتقـــدش ...! http://www.nilemotors.net/Nile/image..._no%5B1%5D.gif
ابو لين حبيب قلبي اه ممكن بتاع المكنه الصيني يبصلي. ومعاه حق او ممكن يقول اي يعني ده معاه تويوتا او هونداي. عربيات مالية البلد بس مش ممكن يقول عليا هبيش ، لان تمنها اي مواطن مصري يقدر يجبها حتى لو قسط
بس لمن نتلكم عن عربيات بتمن قرية سياحية ولاعربية تبنيلك مول كامل زي اركيديا او عربية بتمن ملاهي دريم بارك وكوكي بارك الاتنين سوى لا سعتها هنا بنسئل نفسينا سؤال. .... هل الاخ المصري الي راكب عربية ملايين. ده كان شغال في السعودية امير. مثلاً. ولا كان بيشتغل مهندس ولا مقاول ولا ابوه رئيس جمهورية سابق ؟ انشالله تكونو فهمتوني .
للأسف طبيعة الإنسان النظر لمن اعلى منه
سواء اللي راكب الوتوسيكل الصيني او اللي راكب عربية زي حالاتنا او حتى الناس اللي معاها العربيات موضوع كلامنا هنا في مصر بيقولوا ليه ميبقاش عندهم زي اغنياء العالم
و يا ميدو العربيات دي بتاعت أشخاص او اولادهم عندهم الشركات الكبيرة سواء الصناعية او التجارية او العقارية
و قليل لما تلاقي منهم ملاكي
أغلب الناس بيدخلوها تريبنيك علشان ميدفعوش جماركها بالرغم من مقدرتهم على دفع الجمارك
و فيه جروب على الفيسبوك عليه معظم العربيات من النوعية دي
النهارده قاعد فى أمان الله
لقيت صوت موتور جبار
قلت شكله ديفيل نضيف
الصوت قرب و الأرض بقت بتتهز هزة خفيفة بلا مبالغة
قمت بصيت
لقيت sh el by gt500 لونها أحمر
و مش معلقة نمر خالص
بس عليها من قدام ستيكر سيفين لونه أبيض
شكلها كده بتاعت سعوديين
و كانت رايحة على المعمورة
هى كلمة s h e l b y ممنوعة ليه
امال لو شوفتوا الميغة اللى فى الكويت بقى انا اول مروحت كنت مش ببطل فرجة دلوقتى بقى شئ عادى الواحد بيتاقلم مع الحجات دى خلاص هههههههههه
هى المشكلة بس فى ندرتها فى مصر :))
اتفرجوا على الميغة لا وشوفوا اللى بيصور راكب اية على راى واحد صحبى هو اساسا المفروض يصور نفسة ههههه
A SatoShii TEAM in Kuwait DemoVideo HQ - YouTube
يارب اشوف مصر في يوم من الايام كده وكلها عربيات همر وبورش وفراري ولامبرجيني ... حد يكره ده حتى يبقى مظهر حضاري جميل للبلد .. وتبقى بلدنا بلاد عز
لكن انا كنت بقول ان الناس جعانة دلوقتي ... وبالذات انا لسه متعشتش أتخانقت مع المدام ونيمتني من غير عشى ههههههههههههه لا لا بجد قصدي ان الحالة الاقتصادية للناس في مصر ززززززززززفت ... فلازم الانسان الغني يراعي النقطة دي في ظل الظروف الحالية ... ميكونش البلد عمالة تستلف والناس عمالة تشحت وده رايح يجبلك عربية ب 16.000.000 مليون جنية ليه إن شاء الله مفيش دم مفيش أحساس .
يا راجل يا طيب ده تمن العربية دي لو أتبعت لأطفال الصومال ... كان يأكل شعب الصومال سنتين ... وبنالهم مدارس ومستشفيات ... وأنقذ أرواح بريئة من الهلاك .
عمالين نشحت من السعودية ونشحت من الامرات ونشحت من الكويت ونشحت من أمريكا والاتحاد الاوروبي والبنك المركزي ... ويجي واحد مننا هوبااااااا يالله طلع 16.000.000 مليون جنيه بره البلد ... طيب اصبر شوية ... ولا خلاص حبكت تحرك الاندراليين عندك اليومين دول على الاقل استنى لمن يرجع الامن للبلد ... عارف لو كان شاريها من زمان انا متكلمتش ... ربنا يباركلو ...
وكل الي بقولوا فلوسي وفلوس اهلي وفلوسك وفلوسهم دي كلها فدى البلد ... أقتصاد مصــــــــــــــــــــر ياجدعان ... ومراعة ظروف الفقراء الجوعى ...
ومش معقول في ظل الظروف دي أركب عربية ب 16.000.000 مليون جنية يعني بتمن 32 عربية مرسيدس عيون الفئة e كلاس 2012 الشكل الجديد .
كان اولى بيه يشتري سندات لخزانة الدولة أو شهادات تسند بنوك الدولة من الانهيار ... وتحياتي أخوكم الحسود مي ميدو هههههههههه
جامد أوي ياباشا الفيديو ده .. بس خطر جداً عالصحة العامة.
عشان بيسبب حالة من التوهان وأحلام اليقظة .. ربنا يسامحك عاللي بتعمله فينا.
على رأي اللي قال:
" الألماني يصنعها .. والخليجي يركبها .. والمصري يشوفها ماشية يبقى هيطير من الفرحة " هههههه
وخد عندك بقى الفيديو ده .. أمام دبي مول في رمضان اللي فات .. يلا بقى وربنا يسامحنا.
Dubai Supercar traffic - YouTube
ههههههههههههه ياساتر ... هيا زحمة القاهرة بقت عندهم كمان هناك ... بصو اتفرجو على الفيديو علشان الناس الي بتقول شوارع القاهرة زحمة مش بس عندنا اهو حتى في الامرات زحمة عندهم محدش احسن من حد هههههههههه
الا هو صحيح هما ليه معندهمش اسفلت زي عندنا ومبلاطين الشارع ... طيب مش يبقى افضل لو ركبو رخام في الشارع او سراميكة كيلوبترا فرز اول بدل الاسفلت ههههههههههه
أوعدنا يارب .
ياسبحان الله في طبع البني ادمين يعني ربنا مديك عربية Bmw5 ٢٠١١ بسم الله مشاءالله وقلت اروح اجبلي عربي هونداي النترا الجديدة علشان اخزي العين. واخفي البي ام دي خالص واخلي الالنترا للمشاوير في وسط البلد. هههههههههههه ولسه بتقول اوعدنا يارب ماشي ياعم بنشي ههههههههههههه حبيب قلبي يابنشي :beat5:
انت اللي حبيبي يا أستاذ ميدو طلعت حاسس بيا.
بس تصدق لقيت فالموضوع مشاركة من أستاذ charming بيقول فيها أن في أتفاقية بإلغاء الجمارك على السيارات الأوروبية في عام 2017 وده بالنسبالي كاااافي جداً جداً يعني فرصة الواحد يجيب عربية وينزل بيها ف2017 طيب كده حلينا الجمارك أزاي بقى نحل الزحمة اللي فالطريق ( نلغي الأتفاقية) هههههه لا طبعاً بهزر بس والله دي فعلاً حاجة محيرة يعني بيتهيألي الواحد ميقدرش يمشي فمصر بسرعة 120 ولا 140 إلا فطرق السفر...وده بسبب تكدس السكان فمكان واحد
انا هنا بمشي 140 فالشوارع الجانبية و أوقات بوصل 200 فطرق السفر لكن المشكلة فالكاميرات والردارات اللي مزروعة فالطريق.
لك مني أجمل تحية.