بوجاتي + همرر + نيسان z في مصر !!!! من اين لك هذا!!!

**Omar100** · 02-05-2012 05:35 PM

يا عم صلى على النبى اية الحقد دة
دة احنا شعب بيحسد بعضة حسبى الله ونعم الوكيل
ياريت نتقدم شوية زى الشعوب الاخرى
ومصر فيها ناس كتير اغنية جدا ممثلين ومغنين ولاعبين .الخ..
كفاية حقد

**me_medoo** · 02-05-2012 05:36 PM

ههههههههههه معاك حق ... طلبات المدام الي مبتخلصش دي ... كل يوم هتلنا زبادي ولبن وعيش ... وكل ما أسئلها طب ليه اانا مش لسه جايب أمبارح تقولي أصل العيال بيكلوها ... مع العلم أن لا العيال بتحب اللبن ولا بياكلو زبادي مش عارف انا مين الي بياكولهم ده حتى العيش العيال عندي بسم الله مشاء الله مبيحبوش يغمزو ... بياكلو على طول وأقولهم يابابا غمز ... ياحبيبي كول بالعيش مع الاكل ... علشان تشبع ... ياحبيبي العيش كلو فوائد وغزى .. خلي عند أمك دم مش كده احنا لسه مكلناش . هههههههههههههه بسم الله مشاء الله .

**BUNSH** · 02-05-2012 05:44 PM

سيبك انت ياااااااااعم ميدوو من بوجاااااااااااااااتى وزد ,, وقولى بتجيب بسترمة (بتوم ولا فيلتو) !!

المشاركة الأصلية كتبت بواسطة ahmedeihab

+1111111
الحمد لله يا عم ميدو احنا احسن من غيرنا بكتييييييييييير جداااااا
على الاقل الواحد لما بينزل بيلاقى عربيه تحت رجليه يركبها و يمشى بيها
غيرنا مش لاقى عجله و يقعد يتنطط فى المواصلات
و غيرنا بينام من غير عشا و احنا الحمد لله شبعانين
غيرنا بينام من غير غطا و احنا الحمد لله دفيانييين
احمد ربنا يا ميدو على النعمه اللى ربنا ادهالك و بوس ايدك وش وضهر
و اعمل زيي
لما تلاقى حاجه عينك هتطلع عليها بص للى اقل منك هتلاقى نفسك بتقول الحمد لله
تحياتى
^_^

أنا مش طماااااااااااااااااااااع !! اوعدنى يارب بحتة R8 او A7 (يارب)..

**me_medoo** · 02-05-2012 06:04 PM

المشاركة الأصلية كتبت بواسطة omar100

يا عم صلى على النبى اية الحقد دة
دة احنا شعب بيحسد بعضة حسبى الله ونعم الوكيل
ياريت نتقدم شوية زى الشعوب الاخرى
ومصر فيها ناس كتير اغنية جدا ممثلين ومغنين ولاعبين .الخ..
كفاية حقد

صح معاك حق انا أسف ... ده أيه الحقد والحسد ده الي ملا قلوبنا ههههههههههههههه .

ياحبيب قلبي انا مش بتكلم على عربية تمنها نص مليون جنيه ولا حتى مليون جنيه ... عارف لو اتكلمت عليهم قولي ياحسود هههههه .

انا بتكلم عن عربية بتتباع في السعودية
من 4.500.000 ريال وتصل الى 6.000.000 ريال .يعني ست مليون ريال ده من غير الجمارك المصرية .؟؟؟

يعني لو قلنا الجمرك بتاعها 100% وده من سابع المستحيلات لأنها تيجي 8 سليندر او 12 سليندر .
والرايال بجنيه ونص يبقى احنا بنتكلم عن رقم
تسعه مليون جنيه والجمرك زيهم يبقى تسعه وتسعه 18 يعني
18.000.000 مليون جنيه مصـري ، مبلغ بسيط وهايف وتافه جداً ، أيه يعني 18 مليون جنيه الواحد بيعملهم وهو قاعد في البيت بالتيلفون .

ولا يمكن ورثهم من عمتو في استوراليا ... طيب معليش خودوني على قد عقلي هو لوفي حد فينا ورث 18.000.000 مليون جنية هيروح يجيب بيهم عربية !!!!

طب بلاش كده مش خايف اذا سواق توك توك خبطو ولا سواق ميكروباص كسر عليه وخبطلو الرفرف ...

تمنطاشر مليون جنيه دول لو أتعمل بييهم مشروع في أمبابة ولا في أبو العلى ... كانو عملوا بورتووو أمبابة وفلل وشاليهات أمبابة وقرى سياحية في بولاء أبو العلى .
هههههههههههه وتحياتي .

**m_elkhishin** · 02-05-2012 06:13 PM

المشاركة الأصلية كتبت بواسطة me_medoo

[size=5][color=navy]
يعني لو قلنا الجمرك بتاعها 100% وده من سابع المستحيلات لأنها تيجي 8 سليندر او 12 سليندر .

هههههههههههههههههههههه
8 سيليندر ايه يا عم الحاج، هيا عجلة؟؟!!!!!!!!!!!!!!!
البوجاتي w16
يعني 16 سليندر

**montaser2005** · 02-05-2012 06:26 PM

يا جماعة والله الموضوع ده خلاني أحس أني عاوز أبكي، يعني لما بوغاتي تكون فمصر أم الدنيا اللي التراب فيها لو قدروا يبيعوا كانوا باعوا يبقى فاضل أيه تاني ، والله العظيم أحنا مستغلين جداً فمصر العربيات اللي بتتكلموا عليها هنا ملهاش أي 30 لازمة يعنى (NISSAN Z350 and Z 370) و ال ( HUMMER) والأجمد منهم كلهم الأودي R8 اللي سعرها خرافي( فمصر طبعاً إذا كان في عاقل ممكن يشتريها) كل العربيات دي بشوفها كل يوم هنا بالسعودية ( جدة ) يعني مش ( الرياض ) مثلاً اللي فيها الأمراء وأصحاب السمو ، بشوف الهامر و الكاديلاك ، والبورش بأنواعها ، والفيراري بأنواعها، والأودي بأنواعها والمرسيدس بأنواعها والبي إم ........ يعني مفيش عربية معدتش عليا حتى ال (بنتلي).
طبعاً هيجيلي واحد زي العسل يقولي هو أنت عايش فأمريكا ولا أيه ياعم ( لا عايش فالسعوديــــــــــة) بلد حكومتها بتقدر شعبها بجد يعني مفيش جمارك عالعربيات اللي داخله البلد مفيش رسوم تعجيزية مفيش هبل وعبط يخلي الواحد يكره حياته من الأستغلال والله العظيم لو عاوز أخد بي أم الفئة السابعة موديل 2005 أجيبها بما يعادل 60000 جنيه مصري وأخرها يوم ماقول أضحك عليا أخدها ب 100000 جنيه مصري.
الفئة الرياضية Z3 كانت قدامي موديل 2003 ب 26000 جنيه مصري وال Z4 موديل 2010 كانت قدامي ب 110000 جنيه مصري، الجيب X4 كانت ب 70000 مصري. المرسيدس أغلى شوية بس لا يقارن بأسعار أم الدنيا.
لو عاوز أجيب كاديلاك سبور بنفس الأسعار.... جاكوار أغلى شوية ( للموديلات الأقدم).
طيب ليييييييييييييييييييييييي ييييييييييييييييييييييييي ييييييييييييييييييييييييي يييييه بلدنا نظامها كده الهامر اللي متيمين بيها من كثرة أستحقار الناس هنا ليها طلعت من نفسي تماماً واللي تشوفوا نازل بيها أعرف إن عربيتك أغلى منها ( الهامر موديل 2004//2005 بما يعادل 60000 ل 70000 جنيه مصري حرااااااااااااااااااااااا اااام والله حراااااااااااااااااااام
أول ماجيت السعودية قولت يا واد يا مونتو ماتشوفلك عربية محندقه على قدك ونزلت السوق لقيت الأسعار تخلي الواحد يحس أنوا فتح مصباح علاء الدين والمارد بيخفضلك الأسعار يخفض أيه ده بيدهالك ببلاش وبياخد حق حلاوته.
أخر مرة وانا فمصر كانت الهامر ال H1 فالوسيط بمبلغ (1100000) ايوه مليون ومائة ألف والغريب كانت موديل 2001 والأعلان كان في 2009 //2010 تقريباً شوفتوا بقى بيضحك علينا أزاي.

طيب مين حاسس أنها وســــــعـــــت مــــــــنـــــــــي
كلكم لا ياراجل طب خد الموقع ده وشوف الأسعار والعربيات وتأكد إن السوق نفسه أرخص بكام ألف.
موقع حراج
تحيات شخص عاشق للسيارات أحب العيش ببلد غير بلده لجمال الحياة فيها.
محدش يبكي لحسن الدمعة هتفر من عيني

**me_medoo** · 02-05-2012 06:36 PM

حبيب قلبي يا أستاذ منتصر ... انا نزلت موضوع زمان أسمو صرخة مواطن والحمدالله كل الي في المنتدى تفاعلو معايه فيه وكان موضوع لزيز من أول صفحة لأخر صفحة ...

بس بصراحة بيني وبينك كنت خايف وانا بكتب ... من كتر ما تقلت العيار حبتين وخوفت ليجو يشدوني من البيت ومن قفايه بالبيجاما ...

وبالذات بعد ماشفت المنتدى نزل بعديها موضوع تنبيه أداري غير ملزم بالرد عن أفصاح عن بينات المشتركين حطيت أيدي على قلبي ... وقلت أأأأأأأأأأأأأأأأه كتر خيرهم بينبهونا هههههه

http://www.nilemotors.net/Nile/264452-a.html

وتحياتي .

**MaZaGAngeE** · 02-05-2012 07:46 PM

انا شفت مازيراتي كواتروبورتي في اشارة يوسف عباس و كانت نمرها ملاكي
كنت هموت و اعرف جايب فلوسها منين ؟
بجد كنت بفكر بجد اوقفه و اعرف هوه بيشتغل ايه و جايب العربية دي منين

**me_medoo** · 02-05-2012 07:51 PM

[color="rgb(72, 61, 139)"]هو انا مش عاوز اظلم حد ، بس كان قبل الثورة كل شوية يجيلي مسج احضر فوراً ياخالد فتحنا التوربة. ولقينا فيها التابوت وطلعنا الموممياء ومعاها دهب واثار فرعونية

هل ممكن مع الفوضى الي حاصلة في مصر. يكونوا باعو اثار من مصر. ... هو حد داري بحاجة ماهو البلد فوضى وكل الناس مهليه. بابو اسماعيل والاخوان والمجلس العسكري وجماعة سته ابريل وابو فنيلة وابو شنب والراجل الي ورى عمر سليمان. والبلد قاعده بتتسرق ، الله اعلم مع اني مش عاوز اظلم حد. بس فعلاً في حاجة غلط بتحصل وان مكناش نتلم في بيوتنا ونخلي رجال الدولة يقوموا بشغلهم البلد هتضيع وناس تركب همر وناس تبقى تقول قضاء وقدررررر، [/color]

-

الموضوع: بوجاتي + همرر + نيسان z في مصر !!!! من اين لك هذا!!!

LinkBack

أدوات الموضوع

عرض

-

-

-

-

-

-

-

-

المواضيع المتشابهه

اصنع نسختك من بوجاتي

سياره الذهب الابيض....من بوجاتي

بوجاتي............................................ .فيرون

بوجاتي فايرون

بوجاتي فايرن و ام3 في دراج ريس جااااااامد

الكلمات الدلالية لهذا الموضوع

المفضلات

المفضلات

ضوابط المشاركة