الموضوع: بوجاتي + همرر + نيسان z في مصر !!!! من اين لك هذا!!!

المشاركة الأصلية كتبت بواسطة postagy

والله ضحكتنى جدا من كتر خفه دمك وطريقه سردك للموضوع وعلى فكرة بقى انا بحسد فى كل اللى راكبين تيوتا حتى بتوع الميكروباص هههههههههههه

هههههههههههه ياراجل دول بتوع التويوتا غلالالالالالابة يا عيني ... وتلاقيهم ياعيني سفرو بره سنتين أعارة وحطو كل شقاهم في العربية ورجعوا ينضموا لصفوف الفقراء والمحتاجين زيو زي أي مواطن مصري شريف وكادح ... رجع لمصر تاني علشان يكدح ههههههههه ... واللهِ ده المفروض لمن تلاقي واحد راكب تويوتا كده بيصعب عليا وببقى عاوز أقولوا خود ياعم جنيه أهوو هاتلك حاجة حلوة للعيال ...
هههههههه

المشاركة الأصلية كتبت بواسطة ahmedeihab

+1111111
الحمد لله يا عم ميدو احنا احسن من غيرنا بكتييييييييييير جداااااا
على الاقل الواحد لما بينزل بيلاقى عربيه تحت رجليه يركبها و يمشى بيها
غيرنا مش لاقى عجله و يقعد يتنطط فى المواصلات
و غيرنا بينام من غير عشا و احنا الحمد لله شبعانين
غيرنا بينام من غير غطا و احنا الحمد لله دفيانييين
احمد ربنا يا ميدو على النعمه اللى ربنا ادهالك و بوس ايدك وش وضهر
و اعمل زيي
لما تلاقى حاجه عينك هتطلع عليها بص للى اقل منك هتلاقى نفسك بتقول الحمد لله
تحياتى

^_^

ههههههه ماهو يا حج أحمد انا بقول الحمدالله وببوس أيدي وش وظهر ... بس بسئل نفسي هو بتاع الهمر ولا بتاع البوجاتي ده وبلاش النسيان زد يمكن تكون بتمن عربية صني ولا حاجه الناس دي بتبووووس أيه ولا أيه ولا أيه هههههههه

وبعدين ركبتو في حد ذاتها ممكن تستفز مشاعر الفقراء والمساكين ... وأولهم انا هههههههه ، يعني مينفعش الاقي على أيدي اليمين ناس واقفه على الرصيف مستنية الاتوبيس وبيموتو بعض مين يركب الاول وعلى أيدي الشمال عربية بوجاتي ولا همر ولا عربية سبق وزيووووووووووو كده تطير من جنب مني وقدام عنيا بدون محسدها هههههههههههه .

المشاركة الأصلية كتبت بواسطة SonaSteel

بيوجاااااااااااتي في مصر
طيب ادووووووووجها ...... ابص عليها بصه
انا مش مصدق علي فكرة ههههههههههههه

سونا حبيب قلبي ... أنتا اول واحد المفروض تصدقني أيش حال وانا وانتا واقفين في اجتماع تويوتا وقعدين بنضرب علبتين الكنز راني أناناس وكل شووية تعدي من قدمنا عربية أنفنتي جيب الجديدة ...



حتى قلتلك ساعتها هو الراجل ده كل شووية يلف ويعدي من قدمنا ... ولا هيا مدينة نصر كلها انفنيتي ولا أحنا الي فقرة والناس كلها هنا راكبه أنفنتي ... طيب لو هوا هوا نفس الراجل أومال بيغير لون العربية كل شوية أزاي ههههههههه ؟؟؟

المشاركة الأصلية كتبت بواسطة TOOLA

المفترض ان احنا بالذات فى مصر متكولناش الغيرة و احسد, عشان زى الكومنت القبلى, يعنى لما تبقى راكب و قاعد فى عربيتك و مشغل التكييف و فجأه تعدى عربية خزعبلية جنبك, كفاية تبعد عنيك و تبص الناحية التانية و تشوف مأساة مواطنين مطحونين فى الأتوبيس فى عز الحر, او اساسا غيرهم واقف مستنى الأتوبيس, أو غيرهم بيجرى ورا الميكروباص عشان يلاقى مكان كويس, و انتا تحمد ربنا 10000000 مرة على نعمته عليك و خصوصا و لو سبق ليك تجربة الجرى ورا الميكروباص او انتظار و ركوب الأتوبيس, تعرف ساعتها اد ايه ربنا كريم معاك الخلاك راك عربية بتكييف و قاعد فيها لواحدك, الحمد لله على نعمته و يارب احفظها من الزوال.

بس ده ميمنعش ان العين طبعا بتسرح و تتمنى بردو :d, لسه بردو من اسبوعين كنت رايح الغردقة و أول ما عديت الكارتة بتاعت طريق السخنة فى اول الطريق من هنا, ببص لقيت جانبى فيرارى حمراء جديدة ملحقتش اعرف الموديل بضبط, و هيا عموما كانت بصة و ملحقتش, زى مايكون حس و راح دايس بنزين و طبعا كل سنة و ان طيب تقريبا كان قرب يخلص الطريق و انا بتفرج لسه.

هههههههههههه ياباشا انا مبحسدش ولا غيران انا بنق بس هههههههههه ياعم Toola انا هتشل بجد وبنفس الوقت فرحان ، هتشل أن البلد خربانه والناس جعانة ودول رايحين يطلعوا فلوس مصر بره مصر في شوية عربيات مهاش لازمه ... ههههههههه ليه لأن أستحاله صاحب البوجاتي جايبها علشان بيسافر كتير على طريق مصر اسكندرية الصحراوي وبيوفر تذاكر الطيران هههههههههههه

ولا بتاع الهمــــــــر (القمـر ) بيحتاجها علشان بينقب عن البترول في الصحرا . بس الحمدالله الحمدالله انا عندي تكيف في العربية بس مبرضاش اشغلو وبفطس في العربية علشان اوفر بنزين لمصر ... يا حبيبتي يا مصـــــــــر يامصر .
(وطني انا هههه ) .

وبعدين حضرتك بتقولي فراري حمـرا ... كأنك بتقولي شفت 128 حمرا هههههههههه ماهو دي لوحدها مصيبة .

المشاركة الأصلية كتبت بواسطة mohammedabdallh

وهمر ونيسان وبوجاتى
ياراجل حرام عليك
ولحقت عرفت ازاى ان البوجاتى معلقه نمر مصر
وماشيه ازاى فى مطبات مصر
الحمد لله

حبيب قلبي يا محمد باشا ... ياباشا هي العربيات دي محتاجة أكتر من ثانية علشان تتعرف عليها ... ونمر مصر باينه اي علبة صفيح وعليها خط ازرق تيركواز تبقى ملاكي ...
ده قناة ناشونال جغرافيك قعدت اسبوع بحالو الاسبوع الي فات وهيا تحطلك برنامج مصانع عملاقة ... وفرجونا بتتصنع ازاي العربية دي يدوي ههههههه

المشاركة الأصلية كتبت بواسطة Mzeid

السلام عليكم

يا استاذ بشمندس دكتور ميدو متأكد انا بيوجاتي

اصل كتير في مصر ناس بتتلخبط في العربيات زي ال 430 الناس بتفتكرها انزو

و ان شاء الله ربنا يغنينا بحلاله
و يرزقنا الاحسن من المال اللي يخلينا سعداء

ههههههههههه ألاهي أعدم ولادي ياشيخ بوجاتي واللهِ العظيم بوجاتي هههههههه ... أهو واللهِ بجد أهم حاجة السعادة ... وياعالم ممكن الواحد يكون راكب بوجاتي ولا همـر ومش سعيد ... وتلاقي واحد راكب تويوتا كحيانة سعيد سبحان الله فعلاً أهم حاجة السعادة والسلام الداخلي والتصالح مع الذات هههههههههههههه (الحمدالله أحمدك يارب ) .

المشاركة الأصلية كتبت بواسطة kameluo

نيسان z ماشي شفتها مرتين
الهامر موجودة منها كتير في اسكندرية و ملأكي
لكن بوجاتي و ملأكي كمان!!!!!!
ده كان حصل قلبان في مصر و مش بعيد تطلع في اخبار الساعة 9

ياحبيبتي يا مصر ... أصبر ياباشا ... وهتلاقي صورها طلعت في الجرايد ... تلاقي لسه شاريها من يومين ولا حاجة . ولسه مرخصها جديد .

المشاركة الأصلية كتبت بواسطة osama.m

النيسان موجودة كتير

والهمر مترمية في الشوارع بجد
و في حاجات اجمد منهم في مصر دلوقتي من اول ال
ferrari scuderia
و انت طالع لحد ال
lamborghini aventador
mercedes sls amg
وحاجات تانية تعقد
انما البوجاتي دي صعبة اوي
عشان عددها محدود في العالم و العرب اللي عندهم العربية دي معروفين
وعشان لو كانت عدت الحدود بتاعت مصر كانت صورها غرقت النت
قوللي انت بقى رأيك في الموضوع دا

http://www.nilemotors.net/nile/280466-a.html

أهووووووه الي لسه مش مصدقني وفاكرني كنت بحلم يخش على موضوع حبيبنا أسامة الراجل طلع أجدع مني ... ومصور حبت عربيات تانية ... وكل عربية بالشيء الفلاني !!!

طيب البوجاتي بالتحديد لما شفتها كانت على طريق اية ؟

كان أمام مدخل الشيخ زايد .... عارف مش في هناك أشارة ومطبات ... الي عند هيــــــــــــبر ... لقيتو بيطلع المطب بالجنب كده وعلى مهلو ... وبعدين فجئة أختفااااااااا ... وفص ملح وداب .

وبعدين يا أستاذ أحمد هو ربع مليار دول يطلعو كام مليون ههههههههههههه . ؟؟؟

وبعدين حضرتك انتا عارف ان في نقص في سوق الدواء حالياً بسبب عدم توفر السيولة الازمة للدولة .
عارف حضرتك الحكومة قاعده تجري هنا وهناااااا علشان تاخود قرض ولا تستلف شوية فلوس علشان تعرف تأكل الناس الي قاعدين في بيوتهم مبيشتغلوش ... طيب ماهو حبيبي يا أحمد باشا ده حتى لو أنا شفت واحد صايم أو واحد جعان يبقى حرام عليا أجي قدامو وأشرب سيجارة وأخود نفس كده بمزاج ولا أفتحلي علبة جهوينا تفاح مشبرة وأقعد أمزمز فيها قدام الانسان الصايم او الانسان الجعان ... أو أشوف واحد صايم وأجي أفتح قدامو كيس شيبس وأقعد أأقرقش بطاطس قدامو بطعم الملح او الشطة واللمون وأطلع صوت ببقي وأقول خشش خشش كخشش ... وانا عمل ااقرمش كيس الشيبس أروحلو وقلو أده هو حضرتك صايم ... بارك الله فيك يا أبني تاخود شوية شيبس ههههههه .

ولا اشوف الانسان الجعان واقولوا اده انتا جعان طب تاخود شوية لب تأزأزهم هههههههههههه ، خود شوية قزقز يا راجل محدش واخد منها حاجة هههههههههههه

يا حج ميدو استهدا بالله كدا وقرا المعوذتين .... شكلك ركبك جهوست من ورا طلبات البيت :))