الموضوع: البطارية باظت ولا لسة

المشاركة الأصلية كتبت بواسطة محمد-علام

السلام عليكم
مشتري البطارية من 11/2011 وكنت بعمل امبارح شغل في الفتيس وجيت ادور العربية بعد كده ...مدارتش ...كانت بتعمل تكة ومفيش مارش شغال ...في الواد الصنايعي راح مخباط على المارش خبطة صغيرة علشان فكره معلق ..رحت مزعق فيه وقلتله دي هوندا مش عربية رمسيس ....أصلا لما خبط عليه طلع شرز جامد جدا لدرجة إني قلت إن العربية حتولع .....ومن ساعتها البطارية نايمة ...وماشي بوصلة ....ايه الحل هي البطارية كده باظت ولا ايه ....هي هانكوك 60 ...أعمل ايه ...بالله عليكم فيدوني

حضرتك اما بتدور العربيه تسمع صوت تكه المارش

لو مبتسمعش تكه المارش يبقى المارش فى مشكله مبيدورش والمفروض ان حضرتك تشوف سبب الشرز دا ايه ممكن يكون فى سلك ملمس او صاموله غير مربوطه كويس


البطاريه كدا مكملتش سنه اكشف عن شحن الدينامو فى السلانسيه ومع التزويد وتشغيل الانوار والكاسيت لو شحن الدينامو اقل من 13.5 يبقى الدمينامو مبيشحنش البطاريه
تصلح حضرتك عيب الدينامو عشان يشحن البطاريه
اما بالنسبه للبطاريه خلى الراجل اللى هيقيس شحن الديناموا هوا اكيد بتاع بطاريات يكشف على البطاريه لو لقى الارباع كلها سليمه يحطها على تنجر الشحن

وان شاء الله تشتغل وتبقى زى الفل