السيتروين سى4 بيتحطلها زيت فرامل dot3 or dot4 وايه الفرق وهل فى ضرر من وضع dot3
السيتروين سى4 بيتحطلها زيت فرامل dot3 or dot4 وايه الفرق وهل فى ضرر من وضع dot3
هو الصح ان حضرتك تحط dot4 وبصراحة معرفش ايه الضرر من وضع dot3
الدوت 3 يفرق عن الدوت 4 في الخواص و الدوت 4 أفضل طبعا
و عشان تعرف الزيت اللي تحطه راجع دليل المستخدم الخاص بالعربية
او اقرأ ع غطا قربة الفرامل الزيت اللي يتحط دوت 3 و لا دوت 4 بيبقي مكتوب ع الغطا
لو العربية بيتحطلها دوت 3 ممكن تحط دوت 3 او دوت 4 لو العربية بيتحطلها دوت 4 مينفعش تحطلها دوت 3
لو الزيت اللي محطوط في القربة دوت 4 مينفعش تحط عليه دوت 3
و لو الزيت اللي محطوط في القربة دوت 3 فيه ناس بيقولوا ينفع تحط دوت 4 بس انا شايف و لا ليها لازمة بالاضافة انك بتحط نوعين ع بعض مختلفيين
فالأفضل بتفضي دورة الفرامل كلها من الزيت و تحط زيت جديد تبقي عارف ايه هو و عندك تقريبا هتاخد حوالي 500 ملم
و بتغير زيت دورة الفرامل كله كل سنتين لأنه بياخد رطوبة و شوائب
الانواع الكويسة زي البيندكس ( بس خلي بالك لما تجيب العلبة اتأكد ان عليها شعار بندكس لأن هو ده الفرق بين الأصلي و المضروب دلوقتي )
و فيه لوكهيد بس مش لاقيه
هل نفس الكلام ده ينطبق على زيت الباور
بمعنى انى مش عارف ايه نوع الزيت اللى محطوط فى الباور
وعندى الزيت بينقص فهل ينفع اجيب اى نوع زيت باور ازود بيه وخلاص
الأفضل دوت 4 لإن دوت 3 بياكل الجوانات والأويل سيل الموجوده بالدائره
شوف ياباشا الفرق مابين ال dot3 وال dot 4 هو درجة الغليان
درجة غليان ال dot 4 اعلى من درجة غليان ال dot 3 فدة بيدى ميزة لل dot 4 أنة مايمتصش الماء المترسب الى عند درجة عالية جدا
وعموما عشان تحط dot 4 لازم تكون عربيتك موصى بيها على dot 3 لأكن لو موصى بيها على dot 4 ماينفعش تحط dot 3
* لازم تحط نوع واحد من الزيت سواء فى الدبرياج او الفرامل
الأفضل إنك تشوف سبب نقص زيت الباور ( ممكن يكون بسيط كأن يكون خرطوم مخروم أو مشقوق )
حصلت معايا من كام يوم ( لقيت الدركسيون تقل فجأة وبالكشف على خزان ( خزنة ) الزيت لم أجد ولا نقطة ) والسبب كان خرطوم إتقطع وسرب الزيت كله ( ولأن بتاع الباور قال لي ماينفعش أروح له بالعربية بدون زيت لأن كدة طلمبة الباور هتتحرق _ لأنه الله يكرمه أمين _ نزلت تحت العربية وحليت المشكلة بنفسي والحمد لله ....
أنواع زيوت الباور :
موبيل ب 35
شل ب 40
نوع تركي ( إسمه Horse ) ب 20 جنيه وفي علبة صاج
نوع مصري ب 10 جنيه في جركن بلاستيك أحمر ( زبالة )
وموش مفروض تضع نوع على نوع آخر إلا إذا إضطريت لغاية ما توصل للصنايعي وبعدين تفضي الزيت كله