رايكوا فى كيا ريو 2012 الجديدة

**mohamedmostaf0** · 04-05-2012 11:44 PM

المشاركة الأصلية كتبت بواسطة t_bmw7

طيب انت جربت الريو ؟؟ ماعتقدش ... وبعدين ماهي البورش مش منتشره في مصر زي باقيت السارات معني كده انها فاشله ؟؟ وواضح انك بتعتمد في المقارنه علي التاريخ والتاريخ لوحده مش كفايه ونسيت اهم حاجه ان الكيا الان بجميع موديلاتها حققت مبيعات خياليه ومازالت بتتقدم علي ماركات عالميه ياريت تشوف الكيا الجديده k9 واحكم بعدها .

انا مقلوتش ان الريو وحشه بالعكس هيه كويسه جدا والاكسنت كويسه جدا برضه بس انا بتكلم ان دلوقتى الاربى منتشره واحسن من نحيه اعلى فى الموتور والاداء واعاده البيع والعفشه وقولت ان الريو فيها كام حاجه كماليات ده الفرق بس الاتنين كويسين جدا

**t_bmw7** · 05-05-2012 12:13 AM

المشاركة الأصلية كتبت بواسطة mody3on

يا باشا محدش بيشتم في كيا لان كيا اصلا تبع هيونداي , الموضوع ان الاكسنت بتنزل هنا بموتور اقوى , اه 200 سي سي بس بيدوك 14 حصان زيادة , غير ان ايوة البورشة فاشلة في مصر لانك لو جبت بورشه ب 800 الف وجيت تبيعها بعدها بشهرين مش هتجيبلك نص التمن , بنفس المقياس اعادة بيع الاكسنت احسن وقطع الغيار متوفرة في التوكيل وبرة التوكيل باسعار رخيصة

البورش فاشله في مصر لاكن مش فاشله في كل بلاد العالم يعني فشلها مش مقياس . والاكسنت اقوي فعلا ب ١٤ حصان لكن اكتر في استهلاك البنزين وانت عارف ان البنزين بيخلص وانت واقف في الزحمه وساعتها ال ١٤ حصان مش هينفعوك يا معلم لانه كله هيبقي زي بعض . وعلي فكره قطع الريو نفس الاكسنت وتقريبا كل قطع الغيار مكتوب عليها كيا وهيونداي .

**mostafa basha** · 05-05-2012 01:17 AM

المشاركة الأصلية كتبت بواسطة t_bmw7

يا راجل بذمتك الريو بتزيد حاجه او حاجتين ده كل حاجه في صالح الريو !!!!! طب ده كفايه تابلوه الريو واضاء التابلوه الحمرا اللي زي البي ام مش اضاءه زرقا توجع العين اللي في ال الاكسنت ... وبعدين انت محسسني انك بتقارن الريو ١٤٠٠ cc ب الاكسنت ٣٠٠٠ cc دول هما ٢٠٠ cc لا طلعو ولا نزلو وبعدين هتجري في العربيه فين ده كل مولود بيتولد في مصر بتطلع معاه سياره جديده في الشارع :) وبعدين الريو ٢٠١٢ غير ٢٠١١ تماما ومن ٢٠١٢ الريو هيزداد انتشارها بشكل كبير جدا بعد التعديلات اللي نزلت بيها وماتنساش ان الريو واخده جايزتين كأجمل شكل لكن الاكسنت اخدت ايه ؟؟؟ ولا حاجه لأنها سياره تقليديه زي اي سياره عاديه . وبعدين كفايه انك تركب الريو تلاقي كل الناس بتبص عليك ماشاء الله .

فعلا انت لو بتتكلم عن الشكل فالريو بدون منافس خصوصا الهاتشباك وبجد عربية مش تقليدية زى الاكسنت .
الاكسنت ممكن تكون اعلى 200cc بس انا شايف انة عادى خصوصا ان الريو 110 حصان ودة كويس جدا وكمان موفرة فى البنزين

لكن هناك فروقات كتيرة بين الريو والاكسنت فى الكماليات بصراحة لا تقارن طبعا لصالح الريو
انا استقريت و شيلت الاكسنت من دماغى بصراحة ودة علشان انا معايا فيرنا وعاوز اجرب حاجة تانية غير هيونداى وان شاء اللة اشتريها خلا 10 ايام واقولكوا عليها بعد ما اجربها
بس يا ريت اى حد جابها يقولى على الثبات بتاعها قبل ما اشترى
بس ياريت

**t_bmw7** · 05-05-2012 08:15 AM

الثبات ممتاز جدا بالنسبه لحجمها خصوصا انها اعرض من الاكسنت

**mody3on** · 05-05-2012 09:02 AM

المشاركة الأصلية كتبت بواسطة t_bmw7

الثبات ممتاز جدا بالنسبه لحجمها خصوصا انها اعرض من الاكسنت

والله العربيتين نفس الشاسيه وال wheelbase , يعني الثبات identical :)
بالنسبة للبنزين انا مش شايف الفرق الخرافي لان الاكسنت برضه استهلاكها كويس جدا
باختصار , الريو مليانة اوبشن , الاكسنت اعادة بيع وموتور احسن , شوف انت بتحب شكل انهي فيهم واتوكل على الله , ما دام صاحب الموضوع مش حابب شكل الاكسنت اصلا يبقى مفيش كلام يجيب الريو

**mostafa basha** · 05-05-2012 10:05 AM

المشاركة الأصلية كتبت بواسطة mody3on

والله العربيتين نفس الشاسيه وال wheelbase , يعني الثبات identical :)
بالنسبة للبنزين انا مش شايف الفرق الخرافي لان الاكسنت برضه استهلاكها كويس جدا
باختصار , الريو مليانة اوبشن , الاكسنت اعادة بيع وموتور احسن , شوف انت بتحب شكل انهي فيهم واتوكل على الله , ما دام صاحب الموضوع مش حابب شكل الاكسنت اصلا يبقى مفيش كلام يجيب الريو

شكرا يا باشا على المشاركة

**t_bmw7** · 05-05-2012 10:28 AM

المشاركة الأصلية كتبت بواسطة mody3on

والله العربيتين نفس الشاسيه وال wheelbase , يعني الثبات identical :)
بالنسبة للبنزين انا مش شايف الفرق الخرافي لان الاكسنت برضه استهلاكها كويس جدا
باختصار , الريو مليانة اوبشن , الاكسنت اعادة بيع وموتور احسن , شوف انت بتحب شكل انهي فيهم واتوكل على الله , ما دام صاحب الموضوع مش حابب شكل الاكسنت اصلا يبقى مفيش كلام يجيب الريو

صحيح ان السيارتين نفس الشاسيه ولكن الريو اعرض من الاكسنت من الامام ومن الخلف وتقدر تراجع الكلام ده من موقع الكيا وموقع الهيونداي بنفسك أو لو عندك كتالوج السيارتين ،، مكتوب فيهم الكلام ده . راجع كويس وانت تعرف وبلاش افتكاسات .

**mostafa basha** · 05-05-2012 10:31 AM

المشاركة الأصلية كتبت بواسطة t_bmw7

طيب انت جربت الريو ؟؟ ماعتقدش ... وبعدين ماهي البورش مش منتشره في مصر زي باقيت السارات معني كده انها فاشله ؟؟ وواضح انك بتعتمد في المقارنه علي التاريخ والتاريخ لوحده مش كفايه ونسيت اهم حاجه ان الكيا الان بجميع موديلاتها حققت مبيعات خياليه ومازالت بتتقدم علي ماركات عالميه ياريت تشوف الكيا الجديده k9 واحكم بعدها .

شكرا ليك يا دكتور تامر على المشاركة فى الموضوع ومتاسف ان الشكر متاخر

**mody3on** · 05-05-2012 10:44 AM

المشاركة الأصلية كتبت بواسطة t_bmw7

صحيح ان السيارتين نفس الشاسيه ولكن الريو اعرض من الاكسنت من الامام ومن الخلف وتقدر تراجع الكلام ده من موقع الكيا وموقع الهيونداي بنفسك أو لو عندك كتالوج السيارتين ،، مكتوب فيهم الكلام ده . راجع كويس وانت تعرف وبلاش افتكاسات .

شكرا لذوق حضرتك
الريو طولها 4,046 mm , الاكسنت طولها 4,370 mm
قاعدة العجلات او ال wheelbase في الاكسنت 2,570 mm وفي الريو 2,570 mm
عرض الريو 1,720 mm وعرض الاكسنت 1,705 mm
ارتفاع الاكسنت 1,455 mm وارتفاع الريو 1,455 mm
ال 15 ملي فرق في العرض دول هما بقى اللي هيفرقوا في الثبات ؟ ده باعتبار ان الثبات بيتقاس بالعرض اصلا

**mostafa basha** · 05-05-2012 04:52 PM

اية يا رجالة انتوا سخنتوا لية على بعض !!!!
وبعدين دى اراء وكل واحد حر فيها

الموضوع: رايكوا فى كيا ريو 2012 الجديدة

LinkBack

أدوات الموضوع

عرض

-

-

-

-

-

المواضيع المتشابهه

كنت عاوز اعرف رايكوا في فانتازيا 2012

محتار النترا 2012 الجديدة ولا شيفروليه كروز 2012

جيب رانجلر 2012 الجديدة ...

Byd f3 2012 الجديدة

الريو الجديدة 2012

الكلمات الدلالية لهذا الموضوع

المفضلات

المفضلات

ضوابط المشاركة